Kɛwalew 2:38 - LAYIDUKURA

³⁸ Piyɛri y'u jaabi ko: “Aw ye nimisa ka faran aw ka kojuguw la, an b'aw batize Yezu Krista tɔgɔ la janko aw ka yafa sɔrɔ. O la, aw bɛna Nii Senuman sɔrɔ,

Jula NT of Côte d’Ivoire

³⁸ Piyɛri ka o jaabi ko: «Aw ka kan ka nimisa aw ta jurumunw na; aw bɛɛ kelen kelen ka kan ka batize Yesu Kirisita tɔgɔ ra, ka aw ta jurumun yafa sɔrɔ. Ni o kɛra, Ala bɛna Nin Saninman di aw ma.

ALA KA KUMA

³⁸ Piyɛri y'u jaabi ko: «Aw ye nimisa ka faran aw ka hakɛw la, an b'aw batize Yezu Krista tɔgɔ la janko aw k'aw ka hakɛw yafa sɔrɔ. O la, aw bena Nii Senuman sɔrɔ,

Kɛwalew 2:38 Iomraidhean Croise

Matiyu 28:19

O la, aw ye taa siyaw bɛɛ kɛ ne ka kalandenw ye k'u batize Faa, ni Dencɛ ni Nii Senuman tɔgɔ la,

Matiyu 3:2

A tun b'a fɔ mɔgɔw ye ko: “Aw ye nimisa ka faran aw ka kojuguw la, bari Sankolo tigi ka masaya waati surunyana.”

Matiyu 3:6

U tun ye kojugu minw kɛ, u tun b'olu fɔ kɛnɛ kan, o kɔ, Zan tun b'u batize Zurudɛn baji la.

Matiyu 4:17

Kabini o tuma, Yezu y'a daminɛ ka waajuli kɛ. A tun b'a fɔ mɔgɔw ye ko: “Aw ye nimisa ka faran aw ka kojuguw la bari Sankolo tigi ka masaya waati surunyana.”

Marika 1:15

A tun b'a fɔ ko: “Ala tun ye waati min latigɛ, o sera. Ala ka masaya waati surunyana. Aw ye nimisa ka faran aw ka kojuguw la ka la kibaru diman na.”

Marika 16:16

Ni mɔgɔ min lara a la ka batize, o tigi bɛna kisi, nga ni mɔgɔ min ma la a la, o tigi tɛna kisi.

Luka 24:47

A ka kibaru ka kan ka fɔ siyaw bɛɛ ye waasa u ka nimisa ka faran u ka kojuguw la, Ala ka yafa u ma. O ka kan ka daminɛ Zeruzalɛmu.

Luka 3:10

Jama tun b'a nyininga ko: “O tuma na, an ka kan ka mun kɛ?”

Kɛwalew 10:43

Kiraw bɛɛ tun ye ale Yezu le koo fɔ, ko ni mɔgɔ min lara a la, ko Ala bɛna yafa o tigi ma.”

Kɛwalew 10:48

Piyɛri ye sira di a bilasirabagaw ma k'u ka mɔgɔ nunu batize Yezu Krista tɔgɔ la. O kɔ, u y'a dali ko a ka tile fila kɛ u fɛ yen.

Kɛwalew 13:38

Ayiwa, n badenw, aw k'a lɔn ko kojugu yafako min kuma bɛ lasera aw ma, o bɛ kɛra Yezu le barika la. K'a sɔrɔ aw ma se k'o yafa nin sɔrɔ Musa ka sariya labatoli barika la.

Kɛwalew 16:15

Ale n'a ka somɔgɔw bɛɛ batizenin kɔ, a y'a fɔ an ye ko ni an y'a lɔn ko ale lanin bɛ Matigi la tinyɛ na, an ka sɔn ka na jigi ale ka luu kɔnɔ. A laban, a sera an kɔrɔ.

Kɛwalew 17:30

Adamadenw ye kolɔnbaliya minw kɛ ka tɛmɛ, Ala tɛ o si jatira tugu. Nga, a b'a nyini mɔgɔw fɛ yɔrɔ bɛɛ, k'u ka nimisa ka faran u ka kojuguw la.

Kɛwalew 20:21

N y'a fɔ Zuwifuw, ni siya wɛrɛw ye, k'u ka nimisa ka faran u ka kojuguw la, ka la an Matigi Yezu la, k'u nyasin Ala ma.

Kɛwalew 22:16

Ayiwa, i bɛ mun le kɔnɔ tugu? Wili an b'i batize i ka kojuguw ka yafa ale Yezu barika la.’

Kɛwalew 26:18

k'u nyaa yɛlɛ ka dibidibikow dabila, k'u sama ka bɔ Sutana bolo k'u nyasin Ala ma. N'u lara ne la, Ala bɛna yafa u ma ka sigiyɔrɔ d'u ma a ka mɔgɔw cɛma.’

Kɛwalew 26:20

Ne y'a daminɛ ka Damasikaw waaju fɔlɔ, ani Zeruzalɛmukaw, ka Isirayɛli jamana bɛɛ waaju, ani siya wɛrɛw. N y'u waaju k'a fɔ u ye k'u ka kan ka nimisa ka faran u ka kojuguw la ka segi Ala ma, ka kɛwalinyumanw kɛ minw b'a yira k'u sɔnna.

Kɛwalew 3:19

O tuma na sa, aw ye nimisa ka faran aw ka kojuguw la ka segi Ala ma, janko a ka yafa aw ma.

Kɛwalew 5:31

k'a kɛ mɔgɔba ye, k'a sigi a yɛrɛ kɔrɔ masaya la, ani k'a kɛ kisibaga ye, janko ale sababu la, Isirayɛlidenw ka se k'u sɔɔn yɛlɛma, Ala ka yafa u ma.

Kɛwalew 8:12

Nga, Filipi nana Yezu ka kibaru diman ni Ala ka masaya sigiko fɔ u ye minkɛ, u lara Yezu la. Filipi y'u batize, cɛɛ fara musow kan.

Kɛwalew 8:20

Nga Piyɛri y'a jaabi ko: “E n'i ka wari bɛɛ ka danga, bari i ka miiri la ko Ala ka sebagaya bɛ se ka san ni wari ye.

Rɔmukaw 6:3

Yala aw m'a lɔn ko an minw bɛɛ batizera Yezu Krista tɔgɔ la, ko an batizera ka jɛn n'a ye a ka saya koo la fana wa?

Ɛfɛsikaw 1:7

Ale Krista ka saya barika la an kunmabɔra, an ka kojugu yafara ka kɛnyɛ ni Ala ka makari dafanin ye.

Tite 3:5

a y'an kisi. O ma kɛ ko an ka kɛwalinyuman kɛli kɔsɔn, nga a ka makari le kɔsɔn a y'o kɛ, an dusu yɛlɛmana jii kɔnɔ koli fɛ Nii Senuman barika la, sisan an nyanaman lo Ala faan fɛ.

Piy fɔlɔ 3:21

O jii nin tun kɛra batizeli taamasinyɛ ye, o min b'aw kisi bii. O ma kɛ fari saniyako ye. Nga ;naniyanyuman lo an bɛ min ta Ala faan fɛ. A b'aw kisi Yezu Krista ka kununni barika la a sanin kɔ,