Kɛwalew 18:5 - LAYIDUKURA

⁵ Silasi ni Timote nunu nana yen ka bɔ Maseduwani tuma min na, Pɔli y'a ka baara bɛɛ kɛ Yezu koo fɔli dama ye, k'a yira Zuwifuw la ko Yezu le ye Ala ka Mɔgɔwolomanin ye.

Jula NT of Côte d’Ivoire

⁵ Nka kabini Silasi ni Timote nana ka bɔ Masedoni, Pɔli k’a ta wagati bɛɛ kɛ Ala ta kuma waajuri le ra. A tun b’a fɔ Yahudiyaw ye k’a gbɛya ko Ala ka Yesu le ɲanawoloma k’a kɛ Kisibaga* ye.

ALA KA KUMA

⁵ Silasi ni Timote nana yen ka bɔ Maseduwani tuma min na, Pɔli y'a ka baara bɛɛ kɛ Yezu koo fɔli dama ye, k'a yira zuwifuw la ko Yezu le ye Ala ka Mɔgɔ wolomanin ye.

Kɛwalew 18:5 Iomraidhean Croise

Luka 12:50

Tɔɔrɔ dɔ bɛna ne sɔrɔ, ni n m'a sɔrɔ n dusu tɛ suma.

Luka 16:28

bari dɔgɔcɛ duuru bɛ ne fɛ. A ka taa u lasɔmi waasa olu fana kana na nin tɔɔrɔ yɔrɔ la.’

Yuhana 1:41

A sinna ka ta'a fɔ a kɔrɔcɛ Simɔn ye ko: “Anw ye Krista ye”, o kɔrɔ ko Ala ka Mɔgɔ wolomanin nin.

Yuhana 10:24

Zuwifuw taar'a lamini k'a nyininga ko: “I bɛ waati jumɛn le kɔnɔ ka sɔrɔ ka tinyɛ fɔ an ye? N'o y'a sɔrɔ i ye Ala ka Mɔgɔ wolomanin nin ye, a fɔ an ye ka gwɛ.”

Yuhana 15:27

Aw fana, aw bɛna ne koo fɔ, bari aw tun bɛ ni ne ye kabini ne ka baara daminɛ na.

Yuhana 3:28

Ne y'a fɔ tuma min na ko ne tɛ Ala ka Mɔgɔ wolomanin nin ye, ko ne cira a nya le, aw ye ne seerew ye.

Kɛwalew 10:42

O kɔ, a ye cii don an bolo ko an k'a fɔ jama ye ani k'a yira u la ko Ala ye ale le sigi ka kɛ nyanamanw ni suuw kitibaga ye.

Kɛwalew 15:22

O tuma na, kretinyɛw bɛɛ sɔnna. Cɛkɔrɔbaw ni cidenw bɛnna a la, k'u bɛna mɔgɔw bɔ u cɛma ka fara Pɔli ni Barinabasi kan ka taa Antiyɔsi. U ye Zude, min bɛ wele ko Barisabasi, ani Silasi bɔ. U fila bɛɛ tun ye kantigiw ye kalandenw cɛma.

Kɛwalew 16:1

Pɔli nunu sera Dɛribe, ka taa Lisitɔrɔ. Kalanden dɔ tun b'o yɔrɔ la, a tɔgɔ tun ko Timote. A bamuso tun ye Zuwifu ye, min nana kɛ kretinyɛ ye. Nga a facɛ tun ye girɛki ye.

Kɛwalew 16:12

An bɔra o yɔrɔ la ka taa Filipi. Filipi le tun ye Maseduwani mara duguba ye. Ɔrɔmukaw le tun siginin bɛ o yɔrɔ la. An ye tile damani kɛ yen.

Kɛwalew 16:9

Ayiwa, loon dɔ sufɛ, Pɔli ye Maseduwanika dɔ ye sigo la. Cɛɛ nin ye Pɔli dali kosɛbɛ ko a ka sabali ka na bɔ olu fɛ Maseduwani ka olu dɛmɛ.

Kɛwalew 17:3

A y'o kɔrɔ fɔ u ye, k'a gwɛ ko Ala tun ka kan k'a ka Mɔgɔwolomanin min ci ka na, k'o ye Yezu ye. Ko ale Pɔli bɛ min ka koo fɔra u ye, ko ale lo. Ko wajibi tun lo, a tun ka tɔɔrɔ, ka sa, ka kunun.

Kɛwalew 18:28

A bolo lanin tun bɛ Ala ka kuma kan kosɛbɛ. O sababu fɛ, a tun bɛ Zuwifuw ka kuma kɔɔ kari jama nyana ko Yezu le ye Ala ka Mɔgɔwolomanin ye, ko Zuwifuw filinin lo.

Kɛwalew 2:36

Ayiwa, aw Isirayɛli jama, aw k'a faamu bɛrɛbɛrɛ ko aw ye Yezu min faga lɔgɔ kan, Ala y'a le lo woloma k'a kɛ an Matigi ye.”

Kɛwalew 20:21

N y'a fɔ Zuwifuw, ni siya wɛrɛw ye, k'u ka nimisa ka faran u ka kojuguw la, ka la an Matigi Yezu la, k'u nyasin Ala ma.

Kɛwalew 20:23

N kɔni bɛ min lɔn, n mana se dugu o dugu la, Nii Senuman b'a fɔ ne ye ko u bɛna jɔrɔkɔ kɛ ne la, ko n bɛna tɔɔrɔ.

Kɛwalew 20:24

Ne ka bɔnɔ n nii na, o tɛ foyi ye ne nyana. A daan ye Matigi Yezu ye baara min don ne bolo, ne k'o kɛ ka ban. Fɔɔ ne ka se ka Ala ka makariko kibaru diman nin fɔ mɔgɔw ye le.

Kɛwalew 4:20

“Anw kɔni fɛ, anw ye min ye, ka min mɛn, anw tɛ se ka to o fɔbali ye.”

Kɛwalew 9:22

O n'a ta bɛɛ, Sɔli kɔni tun bɛ barika sɔrɔla ka taa nya dɔrɔn. A tun bɛ waajuli kɛ ko Yezu ye Ala ka Mɔgɔwolomanin ye fɔɔ ka Damasi Zuwifuw dabari ban, u m'a lɔn u bɛna min fɔ a ye.

Kor 2nan 1:19

Bari ne ni Silivɛn ani Timote, anw ye Ala Dencɛ Yezu Krista min kibaru fɔ aw ye, o ma kɛ ɔnhɔn, ni ayi koo ye, nga o ye Ala ka tinyɛ ye.

Kor 2nan 11:9

Tuma min na ne tun b'aw fɛ yen, ni fɛɛn dɔ makoya tun bɛ ne la, ne tun t'o minɛ aw si fɛ, bari an balima minw bɔra Maseduwani mara la ka na, olu le lɔra ni ne ka koo ye. Ne banbana janko ne kana kɛ aw si ka doni ye koo si la, a fana tɛna kɛ aw ta ye.

Kor 2nan 5:14

Bari Krista ka kanuya sera an kɔrɔ, an minw lara a la ko ale kelen le sara bɛɛ kɔsɔn, o kɔrɔ ko bɛɛ fana sara.

Filipikaw 1:23

Ne ka miiriya bɛ a faan fila bɛɛ la, nga min ka fisa kosɛbɛ ne fɛ, o ye ne ka bɔ nin dinyɛ na ka taa to Krista fɛ.

Tes fɔlɔ 3:2

O le y'a to, an ye an balimacɛ Timote ci aw fɛ, ale ye Ala ka baarakɛla ye Krista ka kibaru diman fɔli kɔsɔn, an y'a ci waasa ale ka taa aw dɛmɛ, ani k'aw ladi aw jigi koo la,

Tes fɔlɔ 3:6

Sisan, Timote bɔra aw fɛ ka na se yan an fɛ. A ye kibarunyuman fɔ aw koo la. A ko jiginyuman bɛ aw fɛ, ko aw bɛ nyɔgɔn kanu. An koo bɛ aw kɔnɔ cogo min na, a ye o fɔ, ko aw b'a fɛ k'an ye kosɛbɛ, i n'a fɔ an fana b'a fɛ ka aw ye cogo min na.

Piy fɔlɔ 5:12

Silivɛn le ye n ka kuma damani nunu sɛbɛn ni n b'a ci aw ma. N b'a jati n badensɛbɛ ye. N b'a fɛ k'aw ladi, k'a yira aw la ko Ala ka dɛmɛ tigitigi lo ne y'o min koo fɔ aw ye, aw bolo lanin bɛ o min kan.