Kɛwalew 18:12 - LAYIDUKURA

¹² Galiyɔn tun ye Akayi mara ka masacɛlankan ye tuma min na, Zuwifuw wilila Pɔli kama. U y'a minɛ ka taa n'a ye kititigɛlaw fɛ

Jula NT of Côte d’Ivoire

¹² Nka ka Galiyɔn to Akayi jamanatigiya ra, lon dɔ Yahudiyaw bɛnna kelen ma ka wuri Pɔli kama k’a mina ka taga ni a ye kititigɛyɔrɔ ra.

ALA KA KUMA

¹² Galiyɔn tun ye Akayi mara masacɛlankan ye tuma min na, zuwifuw wilila Pɔli kama. U y'a minɛ ka taga n'a ye kititigɛlaw fɛ

Kɛwalew 18:12 Iomraidhean Croise

Matiyu 27:19

K'a to kiti tigɛyɔrɔ la, a ka muso ye cii bila k'a fɔ a ye ko: “I kana i niin don mɔgɔtilennin nin ka koo la, bari kunun sufɛ ne ye sigojugu kɛ a koo la.”

Yuhana 19:13

Pilati y'o kuma nunu mɛn tuma min na, a ko u ka bɔ ni Yezu ye luu kɔnɔ ka ta'a sigi kiti tigɛyɔrɔ la, min dilanna ni kabakuru ye n'a bɛ wele Gabata eburukan na.

Kɛwalew 13:12

Ayiwa, koo min kɛra, masacɛlankan y'o ye, an'a ye kuma min mɛn Matigi koo la, a kabakoyara haali. A sɔnna k'a jigi la Matigi kan.

Kɛwalew 13:50

Muso kantigi minw tun bɛ Ala bato, Zuwifuw wilila ka olu ni dugu nyamɔgɔw kɔnɔnasu k'u bila Pɔli ni Barinabasi la. O y'u tɔɔrɔ, k'u gwɛn ka bɔ u ka mara la.

Kɛwalew 13:7

A tun bɛ masacɛlankan ka luu kɔnɔ, n'o tɔgɔ tun ko Serijusi Pɔlusi, o tun ye hakilitigi ye. O tun ye Barinabasi ni Sɔli wele, bari a tun b'a fɛ u bɛ Ala ka kuma fɔ a ye.

Kɛwalew 13:8

Jinamoricɛ Barizezu, n'u b'a tɔgɔ wele ko Elimasi, girɛkikan na, wilila ka muruti Barinabasi ni Sɔli ma. A tun t'a fɛ masacɛlankan k'a jigi la Yezu kan.

Kɛwalew 14:19

Zuwifu dɔw nana ka bɔ Antiyɔsi, ani Ikɔniyɔmu o tuma na, olu ye jama hakili yɛlɛma fɔɔ u ye Pɔli bonbon ni kabakuruw ye, o kɔ, u y'a kooro ka ta'a fili dugu banakɔ, u ka miiri la ko a sara.

Kɛwalew 14:2

Nga Zuwifu minw tun ma la a la, olu ye siya wɛrɛw kɔnɔnasu ka bila kalandenw na.

Kɛwalew 17:13

Nga Tesaloniki Zuwifuw y'a mɛn ko Pɔli taara Ala ka kuma fɔ Berekaw ye fana dɔrɔn, u wilila ka taa yen. U ye jama kɔnɔnasu, janko mankan bɛ wili.

Kɛwalew 17:5

Nga, o ma diya Zuwifu tɔw ye. Olu wilila ka bɛn ni mɔgɔkolon dɔw ye o yɔrɔ la, waasa ka dugu nyagami. U wilila ka mankan daminɛ ka dugu bɛɛ wurubata, ka taa Zazɔn ka soo k'u bɛ Pɔli ni Silasi minɛ ka taa n'u ye kiti tigɛyɔrɔ la.

Kɛwalew 18:11

Pɔli tora yen ka mɔgɔw kalan Ala ka kuma na saan kelen ni kalo wɔɔrɔ.

Kɛwalew 18:27

Apolɔsi tun b'a fɛ k'a kuun sin Akayi minkɛ, Efɛzi kalandenw ye sɛbɛ ci u badenw ma yen, ko ni Apolɔsi sera yen, k'u k'a minɛ ka nya. A sera o yɔrɔ la tuma min na, a ye dɛmɛ don u ye kosɛbɛ Ala barika la.

Kɛwalew 19:21

O kɛnin kɔ, Pɔli tun b'a fɛ ka taa Maseduwani ani Akayi mara la, ka sɔrɔ ka segi ka na Zeruzalɛmu. A tun ko n'ale taara o yɔrɔ nunu na ka ban, ko a ka kan ka se Ɔrɔmu fana.

Kɛwalew 25:10

Pɔli y'a jaabi ko: “Ne minɛnin lo ka lɔ Ɔrɔmu masacɛ ka kititigɛyɔrɔ nin na, ne ka koow ka kan ka nyanabɔ yen le. Ne ma kojugu si kɛ Zuwifuw la do, e yɛrɛ b'o lɔnna.

Rɔmukaw 15:26

Bari Krista kɔmɔgɔw minw bɛ Maseduwani mara ni Akayi mara la, olu b'a fɛ ka Ala ka jama dɛmɛ Zeruzalɛmu, o minw dɛsɛnin bɛ.

Rɔmukaw 16:5

Ala ka jama min bɛ lajɛn u ka soo, aw ka olu fo fana. Aw ka Epenɛti fo, ale min koo ka di ne ye, ale le kɔnna ka la Krista la Azi mara la.

Kor fɔlɔ 16:15

Aw b'a lɔn ko Sitefana n'a ka somɔgɔw le kɔnna ka sɔn Krista ma Akayi mara la, ko u y'u yɛrɛ di ka Ala ka mɔgɔw dɛmɛ.

Kor 2nan 1:1

Ne Pɔli min ye Yezu Krista ka ciden ye Ala sago la, n'an balimacɛ Timote, an bɛ bataki nin ci Ala ka jama ma min bɛ Korɛnti dugu kɔnɔ, ani minw bɛɛ bɛ Akayi mara la.

Kor 2nan 11:10

Krista ka tinyɛ kɔsɔn, ne b'a fɔ ko bonya min bɛ ne kan, o tɛna bɔ ne kan Akayi mara la fewu.

Kor 2nan 11:26

Ne ye n ka taama caaman kɛ seen na. Ka ne to taama na, waati caaman na gwɛlɛya sera ne ma, baji tun bɛ nyini ka n ta, benkannikɛlaw fana fɛ, gwɛlɛya sera ne ma, ne ka siya yɛrɛ ye gwɛlɛya lase ne ma, ani siya wɛrɛw fana, ne ye gwɛlɛya sɔrɔ dugubaw kɔnɔ, ani kongo kɔnɔ fana, gwɛlɛya fana sera ne ma kɔgɔji kan, ani ne balimajuguw y'a kɛ gwɛlɛya sera ne ma fana.

Kor 2nan 9:2

Ne b'a lɔn ko aw sɔnnin lo, o le y'a to ne ye n yɛrɛ bonya aw koo la Ala ka mɔgɔw cɛma. Olu minw bɛ Maseduwani mara la. Ne y'a fɔ u ye ko aw Akayikaw ka bolomafara labɛnna ka ban kabini salon. O cogo la, aw ka jijali y'a kɛ Ala ka jama caaman banbana.

Tes fɔlɔ 2:14

N balimaw, Ala ka jama minw bɛ Zude mara la minw fana ye Yezu Krista ta ye, aw ni olu tɛmɛna sira kelen kan, bari aw ye tɔɔrɔ sɔrɔ kosɛbɛ aw balimaw bolo, i n'a fɔ olu fana tɔɔrɔla Zuwifuw bolo cogo min na.

Tes fɔlɔ 2:16

Olu le b'an bali janko an kana kibaru diman fɔ siya wɛrɛw ye, min bɛ se ka kɛ u bɛ kisili sɔrɔ. O cogo la, u bɛ dɔ farala u ka kojugu kan. Nga a laban na, Ala dimina u kɔrɔ kosɛbɛ.

Yakuba 2:6

Nga aw kɔni, aw bɛ faantanw le dɔgɔya. Nafolotigiw le t'aw tɔɔrɔ k'aw minɛ ka taa n'aw ye faamaso wa?