Kɛwalew 17:24 - LAYIDUKURA

²⁴ Ala min ye dinyɛ n'a kɔnɔnafɛnw bɛɛ dan, ale min ye sankolo ni dugukolo ka masa ye, adamadenw ka bonlɔnin tɛ se ka kɛ a sigiyɔrɔ ye.

Jula NT of Côte d’Ivoire

²⁴ Ala min ka dunuɲa ni a kɔnɔfɛnw bɛɛ dan, ale min ye sankolo ni dugukolo Matigi ye, ale tɛ sigi adamaden boro ta batoso lalaganin kɔnɔ.

ALA KA KUMA

²⁴ Ala min ye diɲɛ n'a kɔnɔnafɛnw bɛɛ dan, ale min ye sankolo ni dugukolo masa ye, adamadenw ka boon lɔnin te se ka kɛ a sigiyɔrɔ ye.

Kɛwalew 17:24 Iomraidhean Croise

Matiyu 11:25

O waati la, Yezu y'a fɔ ko: “Ne bɛ barika la i ye n Faa, sankolo ni dugukolo ka masa, bari i ye koo minw dogo lɔnnikɛlaw ni hakilitigiw la, i ye olu yira kolɔnbaliw la.

Matiyu 5:34

Ayiwa, ne b'a fɔ aw ye ko aw kana kali fewu. Aw kana kali sankolo la, bari Ala siginin bɛ masaya la o yɔrɔ la.

Luka 10:21

O waati yɛrɛ la, Yezu nisɔndiyara kosɛbɛ Nii Senuman barika la k'a fɔ ko: “N bɛ barika la i ye n Faa, sankolo ni dugukolo ka masa, bari, i ye koo minw dogo lɔnnikɛlaw ni hakilitigiw la, i ye olu yira kolɔnbaliw la. I y'o kɛ ten, bari a diyara i ye tinyɛ na.”

Yuhana 1:1

Fɔlɔfɔlɔ, sanni dinyɛ ka dan, Kuma tun bɛ yen, o Kuma nin tun bɛ ni Ala ye, o Kuma nin tun ye Ala yɛrɛ ye.

Kɛwalew 14:15

“Eee! Aw bɛ mun le kɛra yan ten? Anw fana ye mɔgɔw ye i n'a fɔ aw. Anw nana kibaru diman fɔ aw ye, janko aw ka faran kofufafu nunu na, k'aw nyasin Ala yɛrɛ ma, o min ye sankolo, ni dugukolo, ani kɔgɔji n'u kɔnɔnafɛnw bɛɛ dan.

Kɛwalew 4:24

Olu y'u ka kuma mɛn. O kɔ, u y'u kaan kɛ kelen ye ka Ala dali ko: “Matigi, e le ye sankolo ni dugukolo dan. E le ye kɔgɔji n'a kɔnɔnafɛnw bɛɛ dan.

Kɛwalew 7:48

Nga, mɔgɔw ka boon lɔnin tɛ se ka kɛ Setigi Ala sigiyɔrɔ ye, i n'a fɔ kira tun y'a fɔ cogo min na ko:

Rɔmukaw 1:19

Bari adamaden bɛ se ka Ala ka koo minw faamu, olu yirala u la ka gwɛ: Ala yɛrɛ le y'o yira u la.

Heburuw 1:2

Nga a kumana an fɛ laban waati nin na a Dencɛ barika la, a y'ale min kɛ fɛɛn bɛɛ kuntigi ye, ani a ye dinyɛ dan ale min barika la.

Heburuw 3:4

Ayiwa, boon bɛɛ n'a lɔbaga lo, nga fɛɛn bɛɛ lajɛnnin danbaga ye Ala le ye.

Yirari 20:11

O kɔ, ne ye masasigilan belebeleba gwɛman dɔ ye ka mɔgɔ dɔ siginin ye a kan. Sankolo ni dugukolo bɛɛ ye kɛnɛ minɛ ka tunu.