Kɛwalew 16:6 - LAYIDUKURA

⁶ Nii Senuman ye Pɔli ni Silasi nunu bali ka Ala ka kuma fɔ Azi mara la. U tɛmɛna ka taa Firizi ni Galati mara nunu yaala.

Jula NT of Côte d’Ivoire

⁶ Ayiwa, Nin Saninman ma sɔn Pɔli ni a tagamaɲɔgɔnw ye waajuri kɛ Azi mara ra minkɛ, o ka Firizi mara ni Galasi mara cɛtigɛ.

ALA KA KUMA

⁶ Nii Senuman ye Pɔli ni Silasi bali ka Ala ka kuma fɔ Azi mara la. U tɛmɛna ka taga Firizi ni Galati maraw yaala.

Kɛwalew 16:6 Iomraidhean Croise

Luka 1:2

O koow kɛra minw nyana kabini u daminɛtuma, n'u nana kɛ Ala ka kuma fɔbagaw ye, olu y'o koow lakali an ye cogo min na, u sɛbɛnbagaw y'o sɛbɛn ka kɛnyɛ ni olu ka seereya ye.

Kɛwalew 10:19

Piyɛri kɔni tun b'a la ka miiri a ka fɛnyenin koo la dɔrɔn, Nii Senuman y'a fɔ a ye ko: “Mɔgɔ saba b'i yɔrɔ nyinina.

Kɛwalew 11:12

Nii Senuman y'a fɔ n ye ko ne kana sigasiga ka taa n'u ye. Ayiwa, mɔgɔ wɔɔrɔ nunu fana ye n bila sira Sezare. An sera ka don cɛɛ ka soo.

Kɛwalew 16:7

U sera Mizi mara faan fɛ, u tun b'a fɛ ka tɛmɛ ka taa Bitini mara la, nga Nii Senuman ma sira d'u ma.

Kɛwalew 18:23

A ye waati dɔɔni kɛ yen. O kɔ, a bɔra ka Galati ni Firizi mara nunu yaalayaala k'a ka kalandenw ladi k'u jaa gwɛlɛya.

Kɛwalew 19:10

A y'a kɛ ten saan fila fɔɔ Azi jamana mɔgɔw bɛɛ, Zuwifu fara girɛkiw kan, u bɛɛ ye Matigi ka kibaru diman mɛn.

Kɛwalew 20:16

Pɔli tun t'a fɛ ka mɛn Azi mara la, o kama, a tun t'a fɛ an ka tɛmɛ Efɛzi. A kɔrɔtɔnin tun bɛ ka se Zeruzalɛmu, waasa ka Pantekɔti nyanagwɛ kunbɛn yen.

Kɛwalew 20:28

Aw ka janto aw yɛrɛ la. Nii Senuman ye jama min kalifa aw ma, aw ka olu fana kɔlɔsi. Aw ka Ala ka jama tilen, o minw kɛra Ala taw ye a Dencɛ ka saya sababu la.

Kɛwalew 20:4

Mɔgɔ minw tun b'a bilara sira, olu tɔgɔw filɛ: Piirusi dencɛ Sopatɔrɔsi ka bɔ Bere, ni Arisitaaki ani Segundusi ka bɔ Tesaloniki, Gayusi ka bɔ Dɛribe, ni Timote, ni Tisiki, ani Torofima ka bɔ Azi mara la.

Kɛwalew 21:27

Saniyali min bɛ kɛ tile wolonwula minw kɔnɔ, o daa tun bɛ nyini ka fa. Azi mara Zuwifu dɔw nana Pɔli ye Alabatosoba kɔnɔ, u ye jama kɔnɔnasu ka bila Pɔli la, u y'a minɛ.

Kɛwalew 6:9

O bɛɛ kama, Alabatoso min bɛ wele ko Jɔnhɔrɔnyaninw ka Alabatoso, o ka mɔgɔ dɔw nana sɔsɔli daminɛ ni Etiyɛni ye. Sirɛnikaw ni Alɛkisandirikaw ni Silisikaw, ani Azikaw fana nii tun b'o la.

Kɛwalew 8:29

Nii Senuman y'a fɔ Filipi ye ko a ka gwɛrɛ wotoro nin na.

Rɔmukaw 16:5

Ala ka jama min bɛ lajɛn u ka soo, aw ka olu fo fana. Aw ka Epenɛti fo, ale min koo ka di ne ye, ale le kɔnna ka la Krista la Azi mara la.

Kor fɔlɔ 12:11

Nga Nii Senuman kelen le b'o koo bɛɛ kɛ see di mɔgɔ kelen kelen bɛɛ ma ka kɛnyɛ n'a yɛrɛ sago ye.

Kor fɔlɔ 16:1

Min kɛra bolomafara koo ye, o min bɛ kɛ ka ci Ala ka jama ma min bɛ Zeruzalɛmu, ne ye min fɔ Ala ka jama ye Galati mara la, aw k'o kɛ fana.

Kor fɔlɔ 16:19

Ala ka jamakulu minw bɛ Azi mara la, olu b'aw fo. Akilasi ni Pirisika ani Ala ka jama min bɛ lajɛnni kɛ u fɛ, u bɛɛ b'aw fo kosɛbɛ Matigi tɔgɔ kɔsɔn.

Kor 2nan 1:8

Tɔɔrɔ min y'an sɔrɔ Azi mara la, an t'a fɛ k'aw to o lɔnbaliya la. O tun digira an na fɔɔ ka se an barika daan ma, fɔɔ an yɛrɛ tun t'a miiri ko an bɛna to yen n'an ma sa.

Galasikaw 1:2

Ne n'an balima minw bɛɛ bɛ yan, an le bɛ bataki nin ci Ala ka jama ma minw bɛ Galati mara la.

Galasikaw 3:1

Aw Galatika nalomanw, mɔgɔ jumɛn le y'aw nyaa nyini ten? K'a sɔrɔ Yezu Krista ka sayako lɔgɔ kan fɔra ka gwɛ aw ye kosɛbɛ.

Tim 2nan 1:15

E y'a lɔn ko Krista kɔmɔgɔ minw bɛ Azi mara la, olu bɛɛ banna ne la. Fizɛli ani Ɛmozɛni nii b'o la.

Tim 2nan 4:10

Demasi faranna ne la bari a ye dinyɛ kanu ka tɛmɛ, a taara Tesaloniki. Keresan taara Galati mara la, Titi fana taara Dalimati mara la.

Heburuw 11:8

Ala y'a fɔ Ibrayima ye ko a ka bɔ ka taa jamana dɔ la, ko ale bɛna o tigiya d'a ma. Ibrayima y'a jigi la a kan minkɛ ka sɔn a ta ma, a wilila ka taa k'a sɔrɔ a tun t'a taayɔrɔ lɔn.

Piy fɔlɔ 1:1

Ne Piyɛri, Yezu Krista ka ciden, bɛ bataki nin ci aw ma, Ala ye aw minw woloma n'aw bɛ lonanya la Pɔn mara la, ni Galati, ani Kapadɔsi, ni Azi ani Bitini mara la.

Yirari 1:11

A y'a fɔ ko: “I bɛ min yera, o sɛbɛn k'a ci Ala ka jama ma dugu wolonwula nunu kɔnɔ: Efɛzi ni Simirini, ani Pɛrigamu, Tiyatiri, ni Saadi ni Filadɛlifi ani Lawodise.”

Yirari 1:4

Ala ka jamakulu wolonwula minw bɛ Azi mara la, ne Zan bɛ sɛbɛ nin ci aw ma. Ala min bɛ yen, ale tun bɛ yen, ani ale lo bɛna na. Ale ni a ka Nii wolonwula minw bɛ masasigilan nyakɔrɔ, olu ka nɛɛma ni hɛrɛ kɛ aw ye.