Kɛwalew 16:17 - LAYIDUKURA

¹⁷ A tugura an ni Pɔli nunu kɔ ka to ka pɛrɛn ko: “Mɔgɔ nunu ye Setigi Ala ka baarakɛlaw ye, u bɛ kisili sira le fɔra aw ye.”

Jula NT of Côte d’Ivoire

¹⁷ O muso tora ka tugu an ni Pɔli kɔ, ka to ka pɛrɛn k’a fɔ ko: «Nin mɔgɔw ye Ala Kɔrɔtaninba ta baaradenw ye; kisiri bɛ sɔrɔ sira min na, o bɛ o le fɔra aw ye.»

ALA KA KUMA

¹⁷ A tugura an ni Pɔli kɔ ka to ka pɛrɛn ko: «Mɔgɔ nunu ye Fɛɛn bɛɛ kuntigi Ala ka baarakɛlaw ye, u be kisili sira le yirala aw la.»

Kɛwalew 16:17 Iomraidhean Croise

Matiyu 22:16

U y'u ka kalanden dɔw, ni Erɔdi ka mɔgɔ dɔw ci, waasa u k'a fɔ Yezu ye ko: “Karamɔgɔ, an y'a lɔn ko i bɛ tinyɛ fɔ, an'i bɛ mɔgɔ kalan ni tinyɛ ye Ala ka sira la. E fana tɛ siran mɔgɔ si nya ka sɔn o tigi ka miiriya ma, i tɛ mɔgɔ bɔ mɔgɔ la.

Matiyu 8:29

U y'a daminɛ ka pɛrɛn ko: “Mun bɛ an ni e cɛ Ala Dencɛ? I nana an tɔɔrɔ sanni an tɔɔrɔwaati ka se wa?”

Marika 1:24

“Mun bɛ an ni e cɛ, Nazarɛti Yezu? I nana k'an halaki wa? I ye mɔgɔ min ye, ne b'o lɔn. I ye Ala ka ciden senuman ye.”

Marika 12:14

U taar'a fɔ a ye ko: “Karamɔgɔ, an y'a lɔn ko i bɛ tinyɛ fɔ, ko i tɛ siran mɔgɔ si nya fana, bari i tɛ mɔgɔ bɔ mɔgɔ la. I bɛ mɔgɔw kalan Ala sira la ni kuma minw ye, o bɛɛ ye tinyɛ ye. An b'i nyininga yala n'a daganin bɛ an ka nisɔngɔ sara Ɔrɔmu masacɛ ye. An ka kan k'a sara wa, walima an man kan k'a sara?”

Marika 5:7

A pɛrɛnna ko: “Mun b'an cɛ, Ala kɔrɔtaninba Dencɛ Yezu? N b'i dali Ala kama, i kana n tɔɔrɔ.”

Luka 1:77

I bɛna kisili sira yira a ka mɔgɔw la u ka kojuguw yafali seen fɛ,

Luka 1:79

ka yeelen bɔ dibi la mɔgɔw ye, ni minw bɛ siran saya nya, ani k'an bila hɛrɛ sira kan.”

Luka 20:21

Nafigi nunu taara k'a fɔ a ye ko: “Karamɔgɔ, an y'a lɔn ko i ka kuma n'i ka kalan tilennin bɛ, i tɛ mɔgɔ bɔ mɔgɔ la, Alasira ka kan ka taama cogo min na, i bɛ mɔgɔw kalan o la tinyɛ na.

Luka 4:34

“E! Mun bɛ an ni e cɛ? Yezu ka bɔ Nazarɛti, i nana k'an halaki wa? I ye mɔgɔ min ye, ne b'o lɔn. I ye Ala ka ciden senuman ye.”

Luka 4:41

Jinaw fana bɔra mɔgɔ caaman na. U bɔtɔ, u tun bɛ pɛrɛn ko: “I ye Ala Dencɛ ye.” Nga Yezu ye kangari la u ye. A tun tɛ sɔn u ka kuma, bari olu tun b'a lɔn ko Ala ka Mɔgɔwolomanin nin lo.

Luka 8:28

Cɛɛ ye Yezu ye minkɛ dɔrɔn, a kulera kosɛbɛ ka taa a kunbiri gwan Yezu kɔrɔ ka pɛrɛn ko: “Mun b'an cɛ, Setigi, Ala Dencɛ Yezu? Ne b'i dali, i kana ne tɔɔrɔ.”

Yuhana 14:6

Yezu y'a jaabi ko: “Ne le kɛra sira ye, ni tinyɛ, ani nii dibaga ye. Mɔgɔ si tɛ se n Faa fɛ ni ne sababu tɛ.

Kɛwalew 18:26

A hakili sigininba ye kuma daminɛ Alabatoso kɔnɔ. Akilasi ni Pirisiye nunu y'a lamɛn ka ban tuma min na, u y'a wele u danna. A tun tɛ min lɔn Ala ka sira koo la, u y'o fɔ a ye k'a gwɛ.

Kɛwalew 19:13

Zuwifu dɔw tun bɛ yaalayaala k'olu bɛ jinaw gwɛn ka bɔ mɔgɔw la, u tun b'a fɛ ka jina gwɛn ka bɔ mɔgɔ dɔw la ni Matigi Yezu tɔgɔ ye. U y'a fɔ jinaw ye ko: “Pɔli bɛ Yezu min koo fɔ, ale barika la, an b'a fɔ aw ye ko aw ka bɔ mɔgɔ nunu na.”

Piy fɔlɔ 2:16

Aw ka taama hɔrɔn taamacogo la, aw kana aw ka juguya dogo o hɔrɔnya nin jukɔrɔ. Nga aw ka kɛ Ala ka baarakɛlaw ye.

Piy 2nan 2:2

Mɔgɔ caaman bɛna sɔn u ka kakalaya ma, o bɛna kɛ sababu ye mɔgɔw bɛna tinyɛ sira tɔgɔ cɛn.