Kɛwalew 15:22 - LAYIDUKURA

²² O tuma na, kretinyɛw bɛɛ sɔnna. Cɛkɔrɔbaw ni cidenw bɛnna a la, k'u bɛna mɔgɔw bɔ u cɛma ka fara Pɔli ni Barinabasi kan ka taa Antiyɔsi. U ye Zude, min bɛ wele ko Barisabasi, ani Silasi bɔ. U fila bɛɛ tun ye kantigiw ye kalandenw cɛma.

Jula NT of Côte d’Ivoire

²² Ayiwa, ciradenw* ni cɛkɔrɔbaw ni lanabagaw ta jɛnkuru bɛɛ bɛnna a ra ko o ka kan ka mɔgɔ dɔw bɔ o cɛ ra, ka olugu fara Pɔli ni Barinabasi kan ka o ci ka taga Antiyɔsi. Zude min bɛ wele ko Barisabasi, o ka a le ɲanawoloma, ani Silasi; lanabagaw tun bɛ o cɛ fla jate kosɛbɛ.

ALA KA KUMA

²² O tuma na, Krista ka jama bɛɛ sɔnna. A ɲamɔgɔw ni cidenw bɛnn'a la, k'u bena mɔgɔw bɔ u cɛma ka fara Pɔli ni Barinabasi kan ka taga Antiyɔsi. U ye Zude, min be wele ko Barisabasi, ani Silasi bɔ. U fila bɛɛ tun ye kantigiw ye balimaw cɛma.

Kɛwalew 15:22 Iomraidhean Croise

Kɛwalew 1:23

U ye mɔgɔ fila bɔ, kelen tɔgɔ ko Yusufu ni dɔw b'a wele ko Barisabasi, dɔw fana b'a wele ko Zusitusi. Tɔ kelen tɔgɔ ko Matiyasi.

Kɛwalew 11:19

Tɔɔrɔ min tun daminɛna Etiyɛni fagalon na, o tun kɛra sababu ye kalanden dɔw taara Fenisi ni Sipɔrɔ jamana na, ani Antiyɔsi dugu kɔnɔ. Nga u tun tɛ Yezu ka kibaru diman fɔ siya wɛrɛw ye fɔɔ Zuwifuw dɔrɔn.

Kɛwalew 11:20

O bɛɛ n'a ta, kalandenw dɔw bɔra Sipɔrɔ, ni Sirɛni ka taa Matigi Yezu ka kibaru diman fɔ siya wɛrɛw ye.

Kɛwalew 11:22

Ala ka jama min tun bɛ Zeruzalɛmu, olu y'o kibaru mɛn, u ye Barinabasi ci u fɛ Antiyɔsi.

Kɛwalew 11:27

O waati la, kira dɔw bɔra Zeruzalɛmu ka taa Antiyɔsi.

Kɛwalew 15:23

U ye sɛbɛ min don olu bolo, a sɛbɛnnin tun b'o la ko: “Aw kalanden minw tɛ Zuwifuw ye n'aw siginin bɛ Antiyɔsi, Siri jamana na, ani minw bɛ Silisi jamana na, aw baden cidenw, ni cɛkɔrɔbaw b'aw fo.

Kɛwalew 15:25

O kama, anw bɛnna a la, ka ciradenw bɔ k'u fara an teri Barinabasi ni Pɔli kan k'u ci aw fɛ.

Kɛwalew 15:27

An bɛ min fɔ aw ye sɛbɛ nin kɔnɔ, an ye Zude ni Silasi ci aw fɛ waasa aw k'o kuma kelen nin mɛn olu fana daa la.

Kɛwalew 15:3

Ala ka jama min tun bɛ Antiyɔsi, olu y'u dɛmɛ o taamako nin na kosɛbɛ. U taatɔ, u ye Fenisi, ni Samari mara cɛɛ tigɛ. Siya wɛrɛw lara Ala la cogo min na, u tora k'o lakali o yɔrɔ kalandenw ye ka to ka taa. O kibaruya ye olu bɛɛ dusu diya.

Kɛwalew 15:30

U ye sira di ciraden nunu ma tuma min na, u taara Antiyɔsi. U sera yen, u ye kalandenw bɛɛ lajɛn ka sɛbɛ nin don u bolo.

Kɛwalew 15:32

Zude ni Silasi tun ye kiraw ye fana. U ye baro diman kɛ ni kalandenw ye fɔɔ ka mɛn, ka dɔ fara u ka jagwɛlɛya kan.

Kɛwalew 15:40

Pɔli fana, ale ye Silasi ta. Kalandenw y'u kalifa Matigi ma ka ban tuma min na, u taara.

Kɛwalew 16:19

Lagwɛlikɛla nin ka kuntigiw y'a ye k'u ka dumuniyɔrɔ nagasira minkɛ, u ye Pɔli ni Silasi minɛ ka taa n'u ye u ka jama kafoyɔrɔ la, u ka nyamɔgɔw fɛ.

Kɛwalew 16:25

Dugutilama, Pɔli ni Silasi tun bɛ dɔnkili lara ka Ala tando. Kasoden tɔw tulo malɔnin tun bɛ u fɛ dɔrɔn.

Kɛwalew 16:29

A ye fitinɛ mana ka boli ka don n'a bɛ yɛrɛyɛrɛ, ka ta'a kunbiri gwan Pɔli ni Silasi kɔrɔ.

Kɛwalew 17:10

O loon bɛ sufɛ, Tesaloniki kalandenw bɔra ni Pɔli ni Silasi ye k'u ka taa Bere. U sera yen tuma min na, u taara Zuwifuw ka Alabatoso kɔnɔ.

Kɛwalew 17:14

O yɔrɔ kalandenw fana ye Pɔli bila sira fɔɔ bada la o yɔrɔnin bɛ. Nga, Silasi ni Timote nunu tora a kɔ yen.

Kɛwalew 17:4

Zuwifuw mɔgɔ damani, ani girɛki minw bɛ siran Ala nya, olu caaman, ni faamamuso dɔw lara kuma nunu na. Olu nɔrɔla Pɔli ni Silasi la.

Kɛwalew 18:5

Silasi ni Timote nunu nana yen ka bɔ Maseduwani tuma min na, Pɔli y'a ka baara bɛɛ kɛ Yezu koo fɔli dama ye, k'a yira Zuwifuw la ko Yezu le ye Ala ka Mɔgɔwolomanin ye.

Kɛwalew 8:14

Cidenw tora Zeruzalɛmu k'a mɛn ko Samarikaw sɔnna Ala ka kuma ma minkɛ, u ye Piyɛri ni Zan ci u fɛ yen.

Kor 2nan 1:19

Bari ne ni Silivɛn ani Timote, anw ye Ala Dencɛ Yezu Krista min kibaru fɔ aw ye, o ma kɛ ɔnhɔn, ni ayi koo ye, nga o ye Ala ka tinyɛ ye.

Tes fɔlɔ 1:1

Ne Pɔli ni Silivɛn ani Timote bɛ bataki nin ci Ala ka jama ma, min bɛ Tesaloniki, aw minw jigi bɛ an Faa Ala, ani Matigi Yezu Krista kan, Ala ka nɛɛma ni hɛrɛ kɛ aw ye.

Tes 2nan 1:1

Ne Pɔli ni Silivɛn, ani Timote bɛ bataki nin ci Ala ka jama ma Tesaloniki, aw minw ye an Faa Ala n'an Matigi Yezu Krista ta ye.

Piy fɔlɔ 5:12

Silivɛn le ye n ka kuma damani nunu sɛbɛn ni n b'a ci aw ma. N b'a jati n badensɛbɛ ye. N b'a fɛ k'aw ladi, k'a yira aw la ko Ala ka dɛmɛ tigitigi lo ne y'o min koo fɔ aw ye, aw bolo lanin bɛ o min kan.