Kɛwalew 14:27 - LAYIDUKURA

²⁷ U sera yen tuma min na, u y'o yɔrɔ jama senuman lajɛn. Ala y'u dɛmɛ ka koo min bɛɛ kɛ, a ye sira di siya wɛrɛw ma cogo min na u ka la Matigi la, u y'o bɛɛ nyafɔ u ye.

Jula NT of Côte d’Ivoire

²⁷ Ayiwa, o sera Antiyɔsi minkɛ, o ka lanabagaw lajɛn. Ala ka ko minw bɛɛ kɛ ni olugu ye, ani a ka lanaya sira dayɛlɛ siya wɛrɛ mɔgɔw* ye cogo min na, o ka o bɛɛ lakari o ye.

ALA KA KUMA

²⁷ U sera yen tuma min na, u ye Krista ka jama lajɛn. Ala y'u dɛmɛ ka koo min bɛɛ kɛ, a ye sira di siya wɛrɛw ma cogo min na u ka la Matigi la, u y'o bɛɛ ɲafɔ u ye.

Kɛwalew 14:27 Iomraidhean Croise

Yuhana 9:10

U y'a nyininga ko: “Ɔnhɔn, i nyaa do yɛlɛla cogo di?”

Kɛwalew 11:18

Kuma nunu y'u dusu mala. U y'a daminɛ ka Ala tando ka to k'a fɔ ko: “Aa, tinyɛ na, Ala ye sira di siya wɛrɛw fana ma u ka se k'u sɔɔn yɛlɛma ka sini hɛrɛ sɔrɔ.”

Kɛwalew 15:12

O tuma na, jama bɛɛ jera fana ka Barinabasi ni Pɔli lamɛn. Ala y'u dɛmɛ ka kabako ni taamasinyɛ minw kɛ siya wɛrɛw fɛ yen, u y'o bɛɛ lakali u ye.

Rɔmukaw 15:18

Krista ye ne dɛmɛ ka baara min kɛ ka siya wɛrɛw dɛmɛ ka mɛnni kɛ Ala fɛ, ne tɛ foyi fɔ n'o tɛ. Ne y'u dɛmɛ ni kuma ni kɛwali ye

Kor fɔlɔ 11:18

A fɔlɔ, ne b'a mɛnna ko n'aw ye nyɔgɔn lajɛn tuma min na, aw bɛ faranfaran ka kɛ danna danna. N bɛ miiri ko a bɛ se ka kɛ tinyɛ ye, ko aw tilannin lo jɛnkulu jɛnkulu ye.

Kor fɔlɔ 14:23

N'a kɛra ko Ala ka jama bɛɛ ye nyɔgɔn lajɛn, ni bɛɛ tora ka kaan wɛrɛ fɔ, ni mɔgɔ gwansan walima Alalɔnbali dɔ nana don aw cɛma, ale tɛn'a fɔ ko aw kɛra fatɔw ye wa?

Kor fɔlɔ 15:10

Nga ne bɛ yɔrɔ min na sisan, o ye Ala ka nɛɛma nɔɔ ye. O nɛɛma nin ma kɛ gwansan ye ne faan fɛ. Ne ye baara kɛ ka tɛmɛ olu bɛɛ kan. O ma kɛ ne yɛrɛ ka seko ye, o ye Ala ka nɛɛma nɔɔ ye.

Kor fɔlɔ 16:9

bari n kɔni y'a ye ko n bɛ se ka baara caaman kɛ, n juguw fana ka ca.

Kor fɔlɔ 5:4

N'an ka miiriya nana kɛ kelen ye n'aw mana nyɔgɔn lajɛn an Matigi Yezu Krista tɔgɔ kɔsɔn, n'a ka sebagaya barika la,

Kor 2nan 2:12

Ne sera Torowasi tuma min na ko n bɛna Krista ka kibaru diman fɔ yen, Matigi tun ye cogo di ne ma ka se ka baara kɛ kosɛbɛ.

Kɔlɔsikaw 4:3

Aw ka Ala dali an ye fana, janko an ka waajuli ka se ka sabati, an ka se ka Krista koo fɔ ale min kɔsɔn ne bɛ kaso kɔnɔ.