Kɛwalew 14:23 - LAYIDUKURA

²³ U ye nyamɔgɔw bɔ ka sɔrɔ ka suun don ka Ala dali, k'u kalifa Matigi ma, u jigi lanin bɛ ale min kan, k'u sigisigi dugu kelen kelen bɛɛ ka Ala ka jama kunna.

Jula NT of Côte d’Ivoire

²³ O ka ɲamɔgɔ dɔw ɲanawoloma ka o sigi o jɛnkuruw bɛɛ kelen kelen kunna. O kɔ, o ka sun don ka Ala daari, ka o karifa Matigi ma, o lara Matigi min na.

ALA KA KUMA

²³ U ye ɲamɔgɔw bɔ ka sɔrɔ ka suun don ka Ala daali, k'u kalifa Matigi ma, u jigi lanin be min kan, k'u sigisigi dugu kelen kelen bɛɛ Krista ka jama kunna.

Kɛwalew 14:23 Iomraidhean Croise

Matiyu 17:21

Nga nin jina nyɔgɔn tɛ se ka gwɛn ka bɔ mɔgɔ la n'i ma suun don ka Ala dali.]”

Marika 3:14

A ye mɔgɔ tan ni fila woloma olu cɛma k'u kɛ cidenw ye, janko u ka kɛ a taamanyɔgɔnw ye an'a ka to k'u ci ka taa waajuli kɛ.

Luka 2:37

A tora firiya la fɔɔ a sii nana se saan bi seegi ni naani ma. Tuma o tuma a tun bɛ to ka taa Alabatosoba kɔnɔ. A tun bɛ suun don ka Ala dali tuma bɛɛ. O cogo la, a tun bɛ Ala bato suu ni tile.

Luka 23:46

Yezu pɛrɛnna kosɛbɛ ko: “N Faa, ne bɛ ne nii kalifa i ma.” A y'o fɔ ka ban tuma min na, a nii bɔra.

Kɛwalew 1:22

k'a taa Yezu batizelon ma Zan fɛ, fɔɔ ka ta'a bila a kɔrɔ talon ma arijana na ka bɔ an cɛma, wajibi lo, olu dɔ ka Zuda nɔɔ ta, ka kɛ an dɔ ye ka Yezu koo fɔ.”

Kɛwalew 1:24

O kɔ, u ye Ala dali ko: “Matigi, e min bɛ mɔgɔ bɛɛ kɔnɔnako lɔn, n'i b'a fɛ mɔgɔ fila nunu na min ka kɛ i ka baarakɛla ye, o yira an na.

Kɛwalew 11:30

U y'a kɛ ten. U y'o bolomafara nunu don Barinabasi ni Sɔli bolo k'u ka taa u di Zude mara kretinyɛ nyamɔgɔw ma.

Kɛwalew 14:26

ka kurun ta o yɔrɔ la ka taa Antiyɔsi, u tun y'u kalifa Ala ma o yɔrɔ min na ka sɔrɔ ka taa baara nin kɛ.

Kɛwalew 15:23

U ye sɛbɛ min don olu bolo, a sɛbɛnnin tun b'o la ko: “Aw kalanden minw tɛ Zuwifuw ye n'aw siginin bɛ Antiyɔsi, Siri jamana na, ani minw bɛ Silisi jamana na, aw baden cidenw, ni cɛkɔrɔbaw b'aw fo.

Kɛwalew 15:4

U sera Zeruzalɛmu, o yɔrɔ kalandenw n'u ka nyamɔgɔw ani cidenw y'u kunbɛn. Ala y'u dɛmɛ ka min bɛɛ kɛ, u y'o nyafɔ.

Kɛwalew 15:6

O tuma na, cidenw ni Ala ka jama nyamɔgɔw ye nyɔgɔn ye ka koo nin jatiminɛ.

Kɛwalew 20:17

Pɔli tora Mile ka cira sama Efɛzi jama senuman ka cɛkɔrɔbaw ma k'u ka na.

Kɛwalew 20:32

“Ayiwa, sisan kɔni, ne b'aw kalifa Ala ma, k'aw ni a ka hɛrɛ kuma to nyɔgɔn fɛ, see bɛ ale min ye k'aw sabati, ka sininyasigi labɛn k'a bila a ka mɔgɔw bɛɛ ye.

Kor 2nan 8:19

Ala ka jama dɔw y'a woloma k'a fara an kan, a ka kɛ an taamanyɔgɔn ye nin baaranyuman na, an b'o min kɛra Matigi tɔgɔ bonya kama, ani an ka dusunyuman kɔsɔn.

Tim fɔlɔ 5:1

N'i bɛ cɛkɔrɔba ladi tuma min na, i kana kuma gwɛlɛman fɔ a ye. Nga i k'a ladi i n'a fɔ i faa. I ka kanbelenw ladi i n'a fɔ i kɔrɔw, walima i dɔgɔw.

Tim fɔlɔ 5:22

I kana teliya k'i bolo la mɔgɔ si kan, k'o tigi don Ala ka baara la. I kana jɛn ni mɔgɔ si ye ka kojugu kɛ. Ele ka to k'i yɛrɛ saniya.

Tim 2nan 1:12

O le kɔsɔn, ne bɛ tɔɔrɔ nunu munyuna. Nga o ma kɛ maloya koo ye ne fɛ, bari ne ye n jigi la min kan, ne b'ale lɔn, ani ne lanin b'a la ko ne jigi bɛ min kan, see b'a ye k'o mara n ye fɔɔ laban loon na.

Tim 2nan 2:2

I ye fɛɛn min mɛn ne fɛ seere caaman nyana, i k'o kalifa mɔgɔsɛbɛw ma minw bɛ se ka mɔgɔ wɛrɛw kalan n'o ye.

Tite 1:5

Ne y'i to Kɛrɛti mara la min kama, o ye i ka Ala ka jama ka koo tɔw nyanabɔ ka nyamɔgɔw sigi jama kunna dugu kelen kelen bɛɛ la, k'o kɛnyɛ ni n ka ladili ye.

Yakuba 5:14

N'aw dɔ man kɛnɛ, o tigi ka Ala ka jama nyamɔgɔw wele, u ka dalili kɛ a ye ka tulu mɔ a la Matigi tɔgɔ la.

Piy fɔlɔ 5:1

Minw ye Ala ka jama nyamɔgɔw ye aw cɛma, n kaan bɛ olu le ma sisan. Ne fana ye nyamɔgɔ dɔ ye, Krista ye tɔɔrɔ min sɔrɔ, ne y'o seere ye. A bɛna na ni nɔɔrɔ min ye, n bɛna dɔ sɔrɔ o la. Ne b'a nyini aw fɛ ko

Piy fɔlɔ 5:10

Nga tɔɔrɔ dɔɔni tɛmɛnin kɔ, Nyumanyatigi Ala o min y'aw wele waasa aw k'ale ka nɔɔrɔ banbali nyɔgɔn sɔrɔ Krista barika la, ale le bɛna barika don aw la, k'aw ka koo sabati, bagabagali kana se aw kɔrɔ.

Zan 2nan 1:1

Muso, Ala ye e min woloma, ne min kɛra cɛkɔrɔba ye, ne bɛ bataki nin ci ele n'i deenw ma. Aw koo ka di ne ye tinyɛ na. A ma kɛ i n'a fɔ aw koo ka di ne dama ye dɛ, mɔgɔ o mɔgɔ bɛ tinyɛ lɔn, aw koo ka di olu bɛɛ ye.

Zan 3nan 1:1

Ne min kɛra cɛkɔrɔba ye, ne bɛ bataki nin ci ele Gayusi ma. I koo ka di ne ye tinyɛ na.