Kɛwalew 14:1 - LAYIDUKURA

¹ Pɔli ni Barinabasi sera Ikɔniyɔmu, u donna Zuwifuw ka Alabatoso kɔnɔ fana ka mɔgɔw waaju, fɔɔ Zuwifuw ni siya wɛrɛw caaman lara Matigi la.

Jula NT of Côte d’Ivoire

¹ Ayiwa, Pɔli ni Barinabasi sera Ikoniyɔmu tuma min na, o donna Yahudiyaw ta karanso* kɔnɔ. O kumana, fɔ k’a to Yahudiyaw caman, ani siya wɛrɛ mɔgɔw* caman kɛra lanabagaw ye.

ALA KA KUMA

¹ Pɔli ni Barinabasi sera Ikoniyɔmu, u donna zuwifuw ka kalanso kɔnɔ fana ka mɔgɔw waaju, fɔɔ zuwifuw ni siya wɛrɛw caaman lara Yezu la.

Kɛwalew 14:1 Iomraidhean Croise

Marika 7:26

O muso tun tɛ Zuwifu ye. A wolola Siri gɛrɛfɛ jamana dɔ la min tɔgɔ ko Fenisi. A ye Yezu dali ko a ka jina gwɛn ka bɔ a denmuso la.

Yuhana 12:20

Girɛki dɔw tun nana nyanagwɛ nin seen fɛ janko u ka Ala bato.

Yuhana 7:35

Zuwifuw tora k'a fɔ u ni nyɔgɔn cɛ ko: “Nin bɛna se ka taa yɔrɔ jumɛn n'anw bɛn'a yɔrɔ nyini ka dɛsɛ? An ka siya minw jɛnsɛnnin bɛ siya wɛrɛw cɛma, a bɛna taa olu le fɛ ka siya wɛrɛw kalan wa?

Kɛwalew 11:21

Ala y'a ka sebagaya d'u ma fɔɔ mɔgɔ caaman sɔnna Matigi ma.

Kɛwalew 13:43

Jama jɛnsɛnnin kɔ, Zuwifuw caaman, ani minw tuubira ka kɛ Zuwifuw ye, olu caaman tugura Pɔli ni Barinabasi kɔ. Pɔli ni Barinabasi y'u ladi k'u ka jija k'u jigi la Ala kan a ka nɛɛma barika la.

Kɛwalew 13:46

Pɔli ni Barinabasi hakili sigininba y'a fɔ u ye ko: “Ala ka kuma ka kan ka fɔ aw Zuwifuw le ye fɔlɔ. Nga aw do bɛ banna a la, o b'a yira ko aw man kan ni sini hɛrɛ ye. N'o lo, an b'an nyasin siya wɛrɛw ma,

Kɛwalew 13:5

U bɔra yen ka na se Salaminɛ, u ye Ala ka kuma fɔ Zuwifuw ka Alabatosow kɔnɔ. Zan Mariki tun bɛ n'u ye ka to k'u dɛmɛ.

Kɛwalew 13:51

U bɔtɔ, Pɔli ni Barinabasi y'u seen furanfuran ka buguri bɔ u seen na ka taa Ikɔniyɔmu.

Kɛwalew 14:19

Zuwifu dɔw nana ka bɔ Antiyɔsi, ani Ikɔniyɔmu o tuma na, olu ye jama hakili yɛlɛma fɔɔ u ye Pɔli bonbon ni kabakuruw ye, o kɔ, u y'a kooro ka ta'a fili dugu banakɔ, u ka miiri la ko a sara.

Kɛwalew 14:2

Nga Zuwifu minw tun ma la a la, olu ye siya wɛrɛw kɔnɔnasu ka bila kalandenw na.

Kɛwalew 14:21

Pɔli ni Barinabasi ye kibaru diman fɔ Dɛribekaw ye, ka kalanden caaman sɔrɔ. O kɔ, u segira ka taa Lisitɔrɔ, ka bɔ yen ka taa Ikɔniyɔmu, ani Antiyɔsi.

Kɛwalew 16:1

Pɔli nunu sera Dɛribe, ka taa Lisitɔrɔ. Kalanden dɔ tun b'o yɔrɔ la, a tɔgɔ tun ko Timote. A bamuso tun ye Zuwifu ye, min nana kɛ kretinyɛ ye. Nga a facɛ tun ye girɛki ye.

Kɛwalew 16:2

Kalanden minw tun bɛ Lisitɔrɔ ani Ikɔniyɔmu, u tun b'a tɔgɔnyuman fɔ.

Kɛwalew 17:12

Zuwifu caaman lara Yezu la yen, ani faamamuso caaman, ni cɛɛ caaman lara a la girɛkiw cɛma.

Kɛwalew 17:17

O la, a y'a daminɛ ka kuma ni Zuwifuw ni mɔgɔtuubininw ye Alabatoso kɔnɔ. Loon o loon, a tun bɛ taa forobayɔrɔ la ka kuma ni jama ye.

Kɛwalew 17:4

Zuwifuw mɔgɔ damani, ani girɛki minw bɛ siran Ala nya, olu caaman, ni faamamuso dɔw lara kuma nunu na. Olu nɔrɔla Pɔli ni Silasi la.

Kɛwalew 18:4

Lafinyɛlon o lafinyɛlon, Pɔli tun bɛ mɔgɔw waaju Alabatoso kɔnɔ. A tun bɛ jija waasa ka se Zuwifuw ni girɛkiw kɔrɔ.

Kɛwalew 18:8

O Alabatoso kuntigi tɔgɔ tun ko Kiripusi, ale n'a ka somɔgɔw bɛɛ lara Matigi la. Korɛntika minw tun bɛ Pɔli lamɛn, u caaman lara Matigi la, u batizera.

Kɛwalew 19:10

A y'a kɛ ten saan fila fɔɔ Azi jamana mɔgɔw bɛɛ, Zuwifu fara girɛkiw kan, u bɛɛ ye Matigi ka kibaru diman mɛn.

Kɛwalew 19:17

Efɛzikaw bɛɛ y'o kibaru mɛn, Zuwifu fara girɛkiw kan. U bɛɛ siranna. O seen fɛ, mɔgɔw ye bonya la Matigi Yezu tɔgɔ kan.

Kɛwalew 19:8

O kɔ, Pɔli tora ka taa Alabatoso kɔnɔ, ka to yen n'a bɛ mɔgɔw kalan Ala ka masaya koo la fɔɔ kalo saba. A tun bɛ jija waasa ka se a lamɛnbagaw kɔrɔ.

Kɛwalew 2:47

U tun bɛ Ala tando, mɔgɔ bɛɛ tun b'u filɛ ni nyanyuman ye. Mɔgɔ minw tun ka kan ka kisi, Matigi tun bɛ olu ladon jɛnkulu nin kɔnɔ loon o loon. Yezu ka cidenw tun b'o nyɔgɔn kɛ i n'a fɔ Yezu tun y'a fɔ u ye cogo min na.

Kɛwalew 20:21

N y'a fɔ Zuwifuw, ni siya wɛrɛw ye, k'u ka nimisa ka faran u ka kojuguw la, ka la an Matigi Yezu la, k'u nyasin Ala ma.

Kɛwalew 21:28

U tun b'a la ka pɛrɛn ko: “Aw ye nya an ma Isirayɛli jama! Cɛɛ min bɛ to ka Isirayɛlidenw mafinyɛya yɔrɔ bɛɛ la, a filɛ nin ye. A bɛ to k'an ka sariyaw n'an ka Alabatosoba nin tɔgɔjugu fɔ mɔgɔ bɛɛ ye. O bɛɛ kɔ, a donna ni siya wɛrɛw ye a kɔnɔ k'o yɔrɔ senuman nin nɔgɔ.”

Kɛwalew 9:20

O yɔrɔnin bɛ Sɔli y'a daminɛ ka mɔgɔw kalan Alabatosow kɔnɔ ko Yezu ye Ala Deen ye.

Rɔmukaw 1:16

Ne tɛ maloya ka kibaru diman fɔ, bari Ala ka sebagaya koo lo, mɔgɔ minw bɛ la a la, kisili ye olu ta ye, k'a daminɛ Zuwifu ma fɔlɔ, o kɔ siya wɛrɛw.

Rɔmukaw 10:12

O cogo la, danfara bɔko tɛ Zuwifuw ni siya wɛrɛw cɛ, u bɛɛ ka Matigi ye kelen ye, min man'a dali, a bɛ mɛnni kɛ o tigi fɛ.

Galasikaw 2:3

Nga n taamanyɔgɔn Titi min tun ye siya wɛrɛ ye, a tun ma kɛ wajibi ye ale ka kɛnɛkɛnɛ.

Galasikaw 3:28

O cogo la, Zuwifu ni siya wɛrɛ bɛɛ ye kelen ye, jɔɔn ni hɔrɔn fana ye kelen ye, cɛɛ ni muso bɛɛ ye kelen ye. Bari aw bɛɛ kɛra kelen ye Yezu Krista barika la.

Kɔlɔsikaw 3:11

O cogo la, siya wɛrɛ ni Zuwifu kɛra kelen ye, kɛnɛkɛnɛninw ni kɛnɛkɛnɛbaliw kɛra kelen ye, lonanw ni siyajuguw kɛra kelen ye, jɔɔnw ni hɔrɔnw kɛra kelen ye. U bɛɛ kɛra kelen ye Krista barika la.

Tim 2nan 3:11

ka tɔɔrɔ ka sɛgɛn Antiyɔsi ni Ikɔniyɔmu ani Lisitɔrɔ, e bɛ o bɛɛ kala ma. O tɔɔrɔ nunu ye ne sɔrɔ, nga Matigi ye ne tila ka bɔ o bɛɛ la.