Kɛwalew 13:52 - LAYIDUKURA

⁵² Kalanden minw tora u kɔfɛ, Nii Senuman tun b'u fɛ, u nisɔn tun ka di.

Jula NT of Côte d’Ivoire

⁵² Antiyɔsi lanabagaw kɔni jusu tun fara ɲagari ra, ani Nin Saninman* na.

ALA KA KUMA

⁵² Kalanden minw tora u kɔ, u fanin tun be Nii Senuman na, u nisɔn tun ka di.

Kɛwalew 13:52 Iomraidhean Croise

Matiyu 5:12

Aw ka nisɔndiya kosɛbɛ, bari aw bɛna tɔnɔba sɔrɔ sankolo la. Kira minw tɛmɛna aw nya, u ye olu fana tɔɔrɔ ten.

Kɛwalew 11:29

Ayiwa, Antiyɔsi kalandenw ye ;naniya ta k'u bolo farafara nyɔgɔn kan ka kɛnyɛ n'u bɛɛ seko ye, k'u b'o ci u baden Zudekaw ma.

Kɛwalew 2:4

Nii Senuman jigira u bɛɛ kan, u y'a daminɛ ka siyakan wɛrɛw fɔ Nii Senuman barika la.

Kɛwalew 2:46

U tun bɛ taa Alabatosoba kɔnɔ loon o loon ka Ala bato. U tun bɛ dumuni senuman tilantilan nyɔgɔn fɛ soo kɔnɔ, ka to ka dumuni kɛ ni nyɔgɔn ye nisɔndiya la. U si tun t'u yɛrɛ bonya.

Kɛwalew 4:31

U tun bɛ yɔrɔ min na, dalili bantɔ, o yɔrɔ nin yɛrɛyɛrɛla. Nii Senuman jigira u bɛɛ kan, u tora ka Ala ka kuma fɔ ni jagwɛlɛya ye.

Kɛwalew 5:41

Cidenw nisɔn diyanin bɔra kiti tigɛyɔrɔ la, bari Ala ye bonya la u kan o min kɛra u lɔgɔbɔko ye Yezu tɔgɔ kɔsɔn.

Rɔmukaw 14:17

Bari ka kɛ Ala ta ye, dumuniko, walima minnifɛn koo t'o la, nga tilenninya ni hɛrɛ ani nisɔndiya koo le kɛra o koo ye, Nii Senuman barika la.

Rɔmukaw 15:13

Ala min bɛ mɔgɔ jigi tugu, ale ka kɛ aw bɛ nisɔndiya kosɛbɛ, ka hɛrɛ kɛ aw ye aw ka lanaya kɔsɔn, janko aw ka jigisɛbɛ sɔrɔ Nii Senuman barika la.

Rɔmukaw 5:3

O dama tɛ, an bɛ nisɔndiya an ka tɔɔrɔkow la, bari an lanin b'a la ko tɔɔrɔ kɔsɔn an bɛ munyu.

Kor 2nan 8:2

K'u to tɔɔrɔba la, u n'u ka faantanyajugu bɛɛ, u nisɔndiyaninba y'u tigɛ yɛlɛ kosɛbɛ.

Galasikaw 5:22

Nga Nii Senuman bɛ fɛɛn minw di, o ye nin ye: Kanuya, nisɔndiya, hɛrɛ, munyuli, nyumanya, hinɛ, tilenninya, sabali, ni yɛrɛminɛ.

Tes fɔlɔ 1:6

Aw kɔni, aw ye an cogo dege ni Matigi ta fana, aw sɔnna Ala ka kuma ma ni nisɔndiya ye o min ye Nii Senuman ta ye, k'aw to tɔɔrɔba cɛma.

Yakuba 1:2

N badenw, kɔrɔbɔli sifa o sifa mana se aw ma, aw k'aw yɛrɛ jati mɔgɔdagamuninw ye.

Piy fɔlɔ 4:13

Nga aw ka nisɔndiya bari aw y'aw niyɔrɔ sɔrɔ Krista ka tɔɔrɔ la. O la, ni Krista nana n'a ka nɔɔrɔ ye tuma min na, aw ka se ka nisɔndiya kosɛbɛ.