Kɛwalew 13:50 - LAYIDUKURA

⁵⁰ Muso kantigi minw tun bɛ Ala bato, Zuwifuw wilila ka olu ni dugu nyamɔgɔw kɔnɔnasu k'u bila Pɔli ni Barinabasi la. O y'u tɔɔrɔ, k'u gwɛn ka bɔ u ka mara la.

Jula NT of Côte d’Ivoire

⁵⁰ Nka Yahudiyaw ka dugu musotɔgɔbatigi Alaɲasiranbagaw ni dugu mɔgɔbabaw kɔnɔnɔsu. Olugu ka Pɔli ni Barinabasi tɔɔrɔ ka o gbɛn ka bɔ o ta mara ra.

ALA KA KUMA

⁵⁰ Muso kantigi minw tun be Ala bato, zuwifuw wilila ka olu ni dugu ɲamɔgɔw kɔnɔnasu k'u bila Pɔli ni Barinabasi la. O y'u tɔɔrɔ, k'u gwɛn ka bɔ u ka mara la.

Kɛwalew 13:50 Iomraidhean Croise

Matiyu 10:23

Ni mɔgɔw bɛ aw tɔɔrɔ dugu dɔ la, aw ye boli ka taa dugu wɛrɛ la. Tinyɛ na, ne b'a fɔ aw ye ko aw tɛna Isirayɛli duguw bɛɛ kɛ nyɔgɔn kan ka ban ni Mɔgɔ Dencɛ ma segi ka na.

Marika 15:43

Arimate Yusufu y'a jaa gwɛlɛya ka taa Pilati sɛgɛrɛ ka Yezu suu dali a fɛ janko lafinyɛlon ka koow kana nyagami. Yusufu tun ye mɔgɔba ye Zuwifuw ka kititigɛlaw cɛma. Ale fana tun bɛ Ala ka masaya waati kɔnɔna.

Marika 5:17

O koow mɛnnin kɔ, mɔgɔw y'a nyini Yezu fɛ ko a ka taa ka bɔ u ka mara la.

Kɛwalew 13:43

Jama jɛnsɛnnin kɔ, Zuwifuw caaman, ani minw tuubira ka kɛ Zuwifuw ye, olu caaman tugura Pɔli ni Barinabasi kɔ. Pɔli ni Barinabasi y'u ladi k'u ka jija k'u jigi la Ala kan a ka nɛɛma barika la.

Kɛwalew 13:45

Zuwifuw ye nin ye dɔrɔn, o kereya y'u minɛ. U y'a daminɛ ka Pɔli sɔsɔ, ka to k'a nɛni.

Kɛwalew 14:19

Zuwifu dɔw nana ka bɔ Antiyɔsi, ani Ikɔniyɔmu o tuma na, olu ye jama hakili yɛlɛma fɔɔ u ye Pɔli bonbon ni kabakuruw ye, o kɔ, u y'a kooro ka ta'a fili dugu banakɔ, u ka miiri la ko a sara.

Kɛwalew 14:2

Nga Zuwifu minw tun ma la a la, olu ye siya wɛrɛw kɔnɔnasu ka bila kalandenw na.

Kɛwalew 14:4

Dugu mɔgɔw tilanna, dɔw tugura Zuwifuw kɔ, dɔw tugura cidenw kɔ.

Kɛwalew 14:5

Zuwifuw ni siya wɛrɛw, ani u ka nyamɔgɔw labɛnnin tun lo ka Pɔli ni Barinabasi nunu bon ni kabakuruw ye k'u faga.

Kɛwalew 16:14

Muso dɔ tun bɛ olu cɛma, o tɔgɔ tun ko Lidi, jagokɛla tun lo. A tun bɛ fani sɔngɔgwɛlɛnw le jago. Tiyatirika tun lo, a tun bɛ siran Ala nya. Matigi barika la, a y'a tulo malɔ Pɔli ka kuma na ka nya.

Kɛwalew 17:12

Zuwifu caaman lara Yezu la yen, ani faamamuso caaman, ni cɛɛ caaman lara a la girɛkiw cɛma.

Kɛwalew 17:13

Nga Tesaloniki Zuwifuw y'a mɛn ko Pɔli taara Ala ka kuma fɔ Berekaw ye fana dɔrɔn, u wilila ka taa yen. U ye jama kɔnɔnasu, janko mankan bɛ wili.

Kɛwalew 17:17

O la, a y'a daminɛ ka kuma ni Zuwifuw ni mɔgɔtuubininw ye Alabatoso kɔnɔ. Loon o loon, a tun bɛ taa forobayɔrɔ la ka kuma ni jama ye.

Kɛwalew 17:4

Zuwifuw mɔgɔ damani, ani girɛki minw bɛ siran Ala nya, olu caaman, ni faamamuso dɔw lara kuma nunu na. Olu nɔrɔla Pɔli ni Silasi la.

Kɛwalew 18:7

A bɔra yen ka taa jigi cɛɛ dɔ fɛ min tɔgɔ ko Titusi Zusitusi. Ale tun bɛ to ka Ala bato. A ka soo gunnin tun bɛ Alabatoso la.

Kɛwalew 2:5

O y'a sɔrɔ, Zuwifu minw tun bɛ siran Ala nya kosɛbɛ, olu caaman nanin tun bɛ Zeruzalɛmu, ka bɔ dinyɛ faan bɛɛ.

Kɛwalew 21:27

Saniyali min bɛ kɛ tile wolonwula minw kɔnɔ, o daa tun bɛ nyini ka fa. Azi mara Zuwifu dɔw nana Pɔli ye Alabatosoba kɔnɔ, u ye jama kɔnɔnasu ka bila Pɔli la, u y'a minɛ.

Kɛwalew 28:17

Pɔli senin tile saba, a ye Ɔrɔmu Zuwifu nyamɔgɔw bɛɛ wele. U nana lajɛn tuma min na, a y'a fɔ u ye ko: “N badenw, n ma koo kɛ an ka siya la, n ma koo kɛ min n'an ka sariya tɛ bɛn. Nga u ye ne minɛ Zeruzalɛmu ka n don Ɔrɔmu faamaw bolo.

Kɛwalew 6:12

O kama cɛkɔrɔbaw ni sariya karamɔgɔw ani jama bɛɛ murutira Etiyɛni kama ka girin k'a minɛ ka taa n'a ye u ka kititigɛlaw fɛ.

Kɛwalew 8:1

Etiyɛni ka fagako kɔni tun diyara Sɔli ye. O loon kelen yɛrɛ la, u y'a daminɛ ka Ala ka jama tɔɔrɔ kosɛbɛ. U ye dugu bila jagoya la, ka jɛnsɛn kongoduguw la, Zuda mara, ani Samari mara la, fɔɔ cidenw dɔrɔn.

Rɔmukaw 10:2

Bari ne bɛ se k'a fɔ k'u jijanin bɛ kosɛbɛ Ala koo la, u jijanin bɛ kɔni, nga lɔnniyasɛbɛ t'u fɛ.

Kor 2nan 11:26

Ne ye n ka taama caaman kɛ seen na. Ka ne to taama na, waati caaman na gwɛlɛya sera ne ma, baji tun bɛ nyini ka n ta, benkannikɛlaw fana fɛ, gwɛlɛya sera ne ma, ne ka siya yɛrɛ ye gwɛlɛya lase ne ma, ani siya wɛrɛw fana, ne ye gwɛlɛya sɔrɔ dugubaw kɔnɔ, ani kongo kɔnɔ fana, gwɛlɛya fana sera ne ma kɔgɔji kan, ani ne balimajuguw y'a kɛ gwɛlɛya sera ne ma fana.

Tes fɔlɔ 2:14

N balimaw, Ala ka jama minw bɛ Zude mara la minw fana ye Yezu Krista ta ye, aw ni olu tɛmɛna sira kelen kan, bari aw ye tɔɔrɔ sɔrɔ kosɛbɛ aw balimaw bolo, i n'a fɔ olu fana tɔɔrɔla Zuwifuw bolo cogo min na.

Tim 2nan 3:11

ka tɔɔrɔ ka sɛgɛn Antiyɔsi ni Ikɔniyɔmu ani Lisitɔrɔ, e bɛ o bɛɛ kala ma. O tɔɔrɔ nunu ye ne sɔrɔ, nga Matigi ye ne tila ka bɔ o bɛɛ la.