Kɛwalew 13:46 - LAYIDUKURA

⁴⁶ Pɔli ni Barinabasi hakili sigininba y'a fɔ u ye ko: “Ala ka kuma ka kan ka fɔ aw Zuwifuw le ye fɔlɔ. Nga aw do bɛ banna a la, o b'a yira ko aw man kan ni sini hɛrɛ ye. N'o lo, an b'an nyasin siya wɛrɛw ma,

Jula NT of Côte d’Ivoire

⁴⁶ Pɔli ni Barinabasi ka o kun gbɛlɛya k’a fɔ o ye, ko: «Ala ta Kuma tun ka kan ka fɔ aw Yahudiyaw le ye fɔlɔ, nka i n’a fɔ aw banna a ra, k’a jate ko aw man kan ni ɲanamanya banbari ye, ayiwa, sisan an bɛna taga siya wɛrɛ mɔgɔw* fɛ.

ALA KA KUMA

⁴⁶ Pɔli ni Barinabasi hakili sigininba y'a fɔ u ye ko: «Ala ka kuma ka kan ka fɔ aw zuwifuw le ye fɔlɔ. Nga aw do be bann'a la, o b'a yira ko aw man kan ni nii banbali ye. N'o lo, an b'an ɲaa sin siya wɛrɛw ma,

Kɛwalew 13:46 Iomraidhean Croise

Matiyu 10:6

Nga, Isirayɛliden minw bɛ i n'a fɔ sagatununinw, aw ka taa olu fɛ.

Matiyu 21:41

U y'a jaabi ko: “Wajibi lo, a tɛna makari o mɔgɔjugu nunu na, a bɛna u faga, k'a ka foro kalifa baarakɛla dɔ wɛrɛw ma, o minw bɛn'a ka niyɔrɔ d'a ma ɛrɛzɛnmɔtuma na.”

Matiyu 21:43

Yezu y'a fɔ u ye tugu ko: “Ne b'a fɔ aw ye k'o cogo la, Ala ka koo nyamɔgɔya bɛna bɔsi aw la, ka di siya wɛrɛw ma. Olu bɛna kɛwalinyuman kɛ. [

Matiyu 25:46

Yezu y'o kuma laban ko: “O mɔgɔjugu nunu bɛna taa tɔɔrɔ banbali yɔrɔ la, mɔgɔtilenninw bɛna don Ala ka hɛrɛ banbali yɔrɔ la.”

Luka 24:47

A ka kibaru ka kan ka fɔ siyaw bɛɛ ye waasa u ka nimisa ka faran u ka kojuguw la, Ala ka yafa u ma. O ka kan ka daminɛ Zeruzalɛmu.

Yuhana 1:11

A nana jigi a yɛrɛ ka soo, a ka siya banna a la.

Yuhana 4:22

Aw bɛ min batora aw t'o lɔn. Nga anw b'an ka batofɛn lɔn, bari Kisibaga bɛna bɔ an Zuwifuw le cɛma.

Kɛwalew 13:14

Olu kɔni tora Pɛrize ka taa nyafɛ ka se Antiyɔsi, min bɛ Pisidi jamana na. Lafinyɛlon sera, u taara don Alabatoso kɔnɔ ka sigi.

Kɛwalew 13:26

“Ayiwa, n badenw, aw minw buruju bɔra Ibrayima na, ani aw siya wɛrɛ minw bɛɛ bɛ siran Ala nya, Ala ka hɛrɛ sɔrɔ kuma nin ye an le ta ye.

Kɛwalew 13:5

U bɔra yen ka na se Salaminɛ, u ye Ala ka kuma fɔ Zuwifuw ka Alabatosow kɔnɔ. Zan Mariki tun bɛ n'u ye ka to k'u dɛmɛ.

Kɛwalew 19:9

O bɛɛ n'a ta, dɔw tun ye tulogwɛlɛnw ye jama cɛma, olu y'a daminɛ ka to ka Matigi ka sira lɔgɔbɔ mɔgɔ bɛɛ nyana. O tuma na, Pɔli ye olu ye k'u to yen ka taa n'a ka kalandenw ye danna ka to k'u kalan loon o loon Tiranɔsi ka kalanso kɔnɔ.

Kɛwalew 22:21

A y'a fɔ ne ye ko ale bɛna ne ci ka taa yɔrɔjan siya wɛrɛw fɛ.”

Kɛwalew 26:20

Ne y'a daminɛ ka Damasikaw waaju fɔlɔ, ani Zeruzalɛmukaw, ka Isirayɛli jamana bɛɛ waaju, ani siya wɛrɛw. N y'u waaju k'a fɔ u ye k'u ka kan ka nimisa ka faran u ka kojuguw la ka segi Ala ma, ka kɛwalinyumanw kɛ minw b'a yira k'u sɔnna.

Kɛwalew 28:28

“Ayiwa, ne Pɔli b'a fɔ aw ye ko Ala ka kuma bɛna fɔ siya wɛrɛw le ye sisan. Olu bɛna na a lamɛn, ka kisi.” [

Kɛwalew 3:26

Ala y'a Sagokɛla ci aw le ma fɔlɔ, janko a ka duba kɛ aw kelen kelen bɛɛ ye ka aw faran ka bɔ aw ka kɛwalijuguw la.”

Kɛwalew 4:13

Kititigɛla nunu y'a ye ko Piyɛri ni Zan hakili siginin lo u ka kuma na. U kabakoyara bari u y'u jati mɔgɔfufafu ni minw ma kalan bɛrɛ kɛ. O kɔ, u nan'a lɔn ko Yezu ka kɔmɔgɔw dɔw lo.

Kɛwalew 7:51

“Tulogwɛlɛn nunu! Aw t'aw tulo yɛlɛ ka mɛnni kɛ Ala fɛ dɛ! Halibi aw bɛ ban Nii Senuman na. Aw faaw tun bɛ cogo min na, aw fana bɛ ten.

Kɛwalew 9:20

O yɔrɔnin bɛ Sɔli y'a daminɛ ka mɔgɔw kalan Alabatosow kɔnɔ ko Yezu ye Ala Deen ye.

Rɔmukaw 1:16

Ne tɛ maloya ka kibaru diman fɔ, bari Ala ka sebagaya koo lo, mɔgɔ minw bɛ la a la, kisili ye olu ta ye, k'a daminɛ Zuwifu ma fɔlɔ, o kɔ siya wɛrɛw.

Rɔmukaw 2:10

Minw bɛ konyuman kɛ, k'a ta Zuwifu ma fɔlɔ, o kɔ siya tɔw, olu bɛɛ bɛna bonya ni kunkɔrɔta ani hɛrɛ sɔrɔ.

Filipikaw 1:14

Ne minɛko kɛra sababu ye an balimaw caaman ye jagwɛlɛya sɔrɔ Matigi barika la. Olu bɛ taara nya ka Ala ka kuma fɔ ni siranya t'o la.

Heburuw 11:34

tasuma dɛsɛra u kɔrɔ, u kisira murujan ma, u ye barika sɔrɔ bana sɔrɔnin kɔ. U kɛra kɛlɛden;nanaw ye, u y'u juguw gwɛn.