Kɛwalew 13:43 - LAYIDUKURA

⁴³ Jama jɛnsɛnnin kɔ, Zuwifuw caaman, ani minw tuubira ka kɛ Zuwifuw ye, olu caaman tugura Pɔli ni Barinabasi kɔ. Pɔli ni Barinabasi y'u ladi k'u ka jija k'u jigi la Ala kan a ka nɛɛma barika la.

Jula NT of Côte d’Ivoire

⁴³ Jama yɛrɛgɛnin kɔ, Yahudiyaw caman, ani Alaɲasiranbaga minw tun donna Yahudiyaw ta diina ra, olugu tugura Pɔli ni Barinabasi kɔ. Pɔli ni Barinabasi kumana o fɛ ka o ja gbɛlɛya ko o ye nɔrɔ Ala ta nɛɛma ra ni kan kelen ye.

ALA KA KUMA

⁴³ Jama jɛnsɛnnin kɔ, zuwifuw caaman, ani minw tuubira ka kɛ zuwifuw ye, olu caaman tugura Pɔli ni Barinabasi kɔ. Pɔli ni Barinabasi y'u ladi k'u ka jija k'u jigi la Ala kan a ka nɛɛma barika la.

Kɛwalew 13:43 Iomraidhean Croise

Matiyu 23:15

Bɔnɛ y'aw ta ye, aw sariya karamɔgɔw ni Farizinyɛ nanbaranmɔgɔw, aw bɛ kɔgɔji tigɛ ka taa dugukolo faan bɛɛ la ka tuubiden nyini. Ni dɔ sɔrɔla, aw b'a kɛ jahanamaden ye ka tɛmɛ aw yɛrɛ kan fɔɔ sinyɛ fila.

Kɛwalew 11:23

Ala y'o mɔgɔ nunu dɛmɛ cogo min na, Barinabasi sera yen k'o ye, a nisɔn diyara. A y'u jaa gwɛlɛya k'u ka banba ka nɔrɔ Matigi kelen na.

Kɛwalew 13:50

Muso kantigi minw tun bɛ Ala bato, Zuwifuw wilila ka olu ni dugu nyamɔgɔw kɔnɔnasu k'u bila Pɔli ni Barinabasi la. O y'u tɔɔrɔ, k'u gwɛn ka bɔ u ka mara la.

Kɛwalew 14:22

U tun bɛ to ka kalandenw jaa gwɛlɛya k'u ka banba k'u jigi la Yezu kan kosɛbɛ. U tun b'a fɔ kalandenw ye ko: “Wajibi lo fɔɔ an ka tɔɔrɔ kosɛbɛ ka sɔrɔ ka don Ala ka mara kɔnɔ.”

Kɛwalew 14:3

O le y'a to Pɔli ni Barinabasi ye dɔ fara u ka lafilabɔ kan yen. U jigi tun bɛ Matigi kan. A tun bɛ see d'u ma ka kabako ni taamasinyɛw kɛ k'a yira k'u ka waajuli ye tinyɛ ye, n'o ye a ka nɛɛma koo ye.

Kɛwalew 16:14

Muso dɔ tun bɛ olu cɛma, o tɔgɔ tun ko Lidi, jagokɛla tun lo. A tun bɛ fani sɔngɔgwɛlɛnw le jago. Tiyatirika tun lo, a tun bɛ siran Ala nya. Matigi barika la, a y'a tulo malɔ Pɔli ka kuma na ka nya.

Kɛwalew 17:17

O la, a y'a daminɛ ka kuma ni Zuwifuw ni mɔgɔtuubininw ye Alabatoso kɔnɔ. Loon o loon, a tun bɛ taa forobayɔrɔ la ka kuma ni jama ye.

Kɛwalew 17:34

O bɛɛ n'a ta, mɔgɔ damani sɔnna ka la Yezu la, ka nɔrɔ Pɔli la. Olu cɛma, Denisi tun bɛ yen, n'o tun ye kititigɛlaw dɔ ye. Muso dɔ fana tun bɛ yen, o tɔgɔ tun ko Damarisi, ani mɔgɔ wɛrɛw.

Kɛwalew 17:4

Zuwifuw mɔgɔ damani, ani girɛki minw bɛ siran Ala nya, olu caaman, ni faamamuso dɔw lara kuma nunu na. Olu nɔrɔla Pɔli ni Silasi la.

Kɛwalew 18:7

A bɔra yen ka taa jigi cɛɛ dɔ fɛ min tɔgɔ ko Titusi Zusitusi. Ale tun bɛ to ka Ala bato. A ka soo gunnin tun bɛ Alabatoso la.

Kɛwalew 2:10

ni Firizi ani Panfili. Dɔw bɔra Ezipiti, ni Libi, ni Sirɛni faan fɛ ani Ɔrɔmuka minw bɛ yan.

Kɛwalew 28:23

Ayiwa, u bɛnna loon wɛrɛ la. O loon, Zuwifu nunu nana caaman Pɔli ka soo. K'a ta sɔgɔma fɔɔ wulafɛ, Pɔli ye Ala ka masaya koo fɔ u ye. A jijanin tun bɛ ka Yezu koo don u dusu la. O kama a tun bɛ Ala ka sariya ani kiraw ka sɛbɛw kɔnɔnakumaw nyafɔ u ye.

Kɛwalew 6:5

O kuma nin diyara jama ye. O tuma na, u ye mɔgɔw woloma, olu tɔgɔw filɛ nin ye: Etiyɛni, min jigi tun bɛ Ala kan kosɛbɛ ni Nii Senuman tun b'a fɛ, ni Filipi, ani Porokɔri, Nikanɔri ni Timɔn, ani Parimenasi, ani Nikola ka bɔ Antiyɔsi, min donna Zuwifuya la.

Rɔmukaw 11:6

Nga ni wolomani nin bɛ kɛ Ala ka makari barika la, kɛwali niin t'o la tugu, n'o tɛ, o tɛ kɛ makariko ye tugu.

Rɔmukaw 3:24

Nga Ala makarila u la ka k'u jati mɔgɔtilenninw ye Yezu Krista sababu la, ale min y'u kunmabɔ.

Rɔmukaw 5:2

Ale Yezu barika la fana an ye niyɔrɔ sɔrɔ o nɛɛma nin na an ka jigi sababu la. An bɛ o min na, k'an yɛrɛ bonya Ala ka nɔɔrɔ koo la, bari an bɛna o nyɔgɔn sɔrɔ.

Rɔmukaw 5:21

Kojugu tun ye fanga sɔrɔ mɔgɔw kan saya barika la cogo min na, o cogo la fana, Ala ka tilenninya barika la, a ka makari bɛ fanga sɔrɔ ka hɛrɛ banbali di mɔgɔw ma an Matigi Yezu Krista barika la.

Kor 2nan 5:11

Matigi nyasiran b'an dusu la minkɛ, o la, an bɛ banba ka mɔgɔw dɛmɛ u k'a lɔn. Ala b'an lɔn kosɛbɛ, ne bɛ miiri ko aw fana b'an lɔn ten.

Kor 2nan 6:1

An bɛ baara kɛra ni Ala ye, o le kɔsɔn an b'aw dali ko Ala ye nɛɛma min kɛ aw ye, aw kan'a to o bɛ kɛ gwansan ye,

Galasikaw 5:1

Krista y'an hɔrɔnya janko an ka kɛ hɔrɔnw ye sɛbɛ la, o la, aw ye jija, aw kana tila ka don jɔnya la tugu.

Galasikaw 5:4

Aw minw b'a fɛ ka tilenninya sɔrɔ Ala nyakɔrɔ sariya barika la, aw faranna ka bɔ Krista la. Ala ka nɛɛma t'aw kan tugu.

Ɛfɛsikaw 2:8

Aw lar'a la minkɛ, o le y'a to aw kisira nɛɛma barika la, o tɛ aw yɛrɛ ka seko ye, o ye Ala ka dɛmɛli ye.

Filipikaw 3:16

Cogo o cogo, an ye koo minw kɛ fɔɔ ka na se sisan ma, an ka banba ka taa nya n'o koow ye.

Filipikaw 4:1

O le kɔsɔn n balimaw, ne bɛ aw minw kanu, ani ne b'a fɛ ka aw minw ye tugu, ne bɛ nisɔndiya aw minw kɔsɔn, ani aw minw kɛra ne ka jala ye, aw ka jija kosɛbɛ Matigi barika la, ne teriw.

Kɔlɔsikaw 1:23

Nga aw ka jija k'aw jigi la a kan kosɛbɛ, fɛɛn si kana aw ka miiriya nyagami k'aw jigi bɔ kibaru diman kan aw ye o min mɛn, ale min koo fɔra danfɛnw bɛɛ ye dinyɛ kɔnɔ. Ne Pɔli kɛra o min baarakɛla ye.

Kɔlɔsikaw 1:28

An bɛ ale Krista le koo fɔra mɔgɔ bɛɛ ye, k'u ladi, ani k'u kalan ni hakilitigiya bɛɛ ye, waasa an ka se ka mɔgɔ kelen kelen bɛɛ labɛn u dafanin ka lɔ Ala nyakɔrɔ Krista barika la.

Tite 2:11

Bari Ala y'a ka nyumanya yira kɛnɛ kan adamaden bɛɛ bɛ se ka kisi min barika la.

Heburuw 12:15

Aw k'aw yɛrɛ minɛ waasa mɔgɔ si kana muruti ka ban Ala ka nɛɛma na. Mɔgɔ si kana kɛ yirijugu ye ka wili aw cɛma ka nyagami don ka mɔgɔ caaman halaki.

Heburuw 13:9

Aw kan'a to mɔgɔ si k'aw kuun nyagami ni kalan wɛrɛ ye. Ayiwa, a ka nyi an ka jagwɛlɛya sɔrɔ Ala ka nɛɛma barika la. O kana kɛ landa dumuni dɔw barika la, o min ma deli ka nafa di o dumubagaw ma ka ye.

Piy fɔlɔ 5:12

Silivɛn le ye n ka kuma damani nunu sɛbɛn ni n b'a ci aw ma. N b'a jati n badensɛbɛ ye. N b'a fɛ k'aw ladi, k'a yira aw la ko Ala ka dɛmɛ tigitigi lo ne y'o min koo fɔ aw ye, aw bolo lanin bɛ o min kan.

Piy 2nan 3:14

Ayiwa, n teriw, o kama, aw labɛnnin ka to o makɔnɔni na, aw ye jija jalakiyɔrɔ kana sɔrɔ aw la Ala fɛ, aw ni Ala ka bɛn.

Zan fɔlɔ 2:28

Ayiwa, ne deenw, aw ye nɔrɔ ka nya Krista la waasa a bɛna kɔsegi loon min na, o k'a sɔrɔ ni jigi b'an fɛ, an kana maloya sɔrɔ.

Zan 2nan 1:9

Mɔgɔ o mɔgɔ tɛ Krista ka kuma labato, fɔɔ ka to ka koo wɛrɛ le kɛ, Ala tɛ o tigi fɛ. Mɔgɔ min b'a ka kuma labato, Faa Ala n'a Dencɛ b'o tigi fɛ.