Kɛwalew 13:39 - LAYIDUKURA

³⁹ Nga mɔgɔ o mɔgɔ mana la Yezu la, ale barika la, o tigi bɛna kɛ jalakibali ye.

Jula NT of Côte d’Ivoire

³⁹ Aw ma se ka kisi ko minw bɛɛ ma cira Musa ta sariya* sababu ra, ni mɔgɔ o mɔgɔ ka la Yesu ra, o tigi bɛ kisi o kow bɛɛ ma.

ALA KA KUMA

³⁹ mɔgɔ o mɔgɔ mana la Yezu la, o tigi kunmabɔra.

Kɛwalew 13:39 Iomraidhean Croise

Luka 10:25

Sariya karamɔgɔ dɔ tun b'a fɛ ka Yezu kɔrɔbɔ. O la, a wilila k'a nyininga ko: “Karamɔgɔ, ne ka kan ka mun kɛ ka hɛrɛ banbali sɔrɔ?”

Luka 10:28

Yezu y'a fɔ a ye ko: “I ka jaabili nyana. A kɛ o cogo la, i bɛna hɛrɛ banbali sɔrɔ.”

Luka 18:14

Yezu y'o kuma kuncɛ k'a fɔ ko: “Ne b'a fɔ aw ye ko Ala ye wusuruminɛla nin jati mɔgɔtilennin ye a ka sɔrɔ ka segi soo. Nga a ma Farizinyɛ nin jati mɔgɔtilennin ye, bari mɔgɔ o mɔgɔ b'a yɛrɛ bonya, o tigi bɛna dɔgɔya, min b'a yɛrɛ majigi, o bɛna bonya.”

Yuhana 1:17

Ala ka sariya sɔrɔla Musa sababu la. Nga Yezu Krista le nana ni Ala ka nɛɛma, n'a ka tinyɛ ye.

Yuhana 5:24

Tinyɛ tinyɛ na, ne b'a fɔ aw ye ko ni mɔgɔ min ye n ka kuma lamɛn ka la n cibaga la, o tigi ye hɛrɛ banbali sɔrɔ. A tɛna kiti, a niin bɔra saya la ka don hɛrɛ la ka ban.

Kɛwalew 10:43

Kiraw bɛɛ tun ye ale Yezu le koo fɔ, ko ni mɔgɔ min lara a la, ko Ala bɛna yafa o tigi ma.”

Rɔmukaw 10:10

Tinyɛ na, n'i lar'a la i dusu la, Ala b'i jati mɔgɔtilennin ye, n'a bɔra i daa la, i bɛ kisi.

Rɔmukaw 10:4

Bari sariya bɛ laban Krista le ma, janko ni mɔgɔ min sɔnna ka la Krista la Ala k'o tigi jati mɔgɔtilennin ye.

Rɔmukaw 3:19

An y'a lɔn ko sariya bɛ fɛɛn minw bɛɛ fɔ, a b'o fɔ mɔgɔw ye minw b'a ka fanga kɔrɔ, janko mɔgɔ si kana se ka foyi fɔ, ani mɔgɔ bɛɛ ka jalaki Ala nyakɔrɔ.

Rɔmukaw 3:20

O le y'a to mɔgɔ si tɛ se ka kɛ mɔgɔtilennin ye Ala nyakɔrɔ sariya labatoli barika la, bari an bɛ kojugu lɔn sariya le barika la.

Rɔmukaw 4:15

Bari dusudimi bɛ sɔrɔ sariya sababu la. Sariya siginin tɛ yɔrɔ min na, sariya cɛnko fana tɛ fɔ o yɔrɔ la.

Rɔmukaw 4:24

Nga an fana niin b'o la, Ala bɛna an minw jati mɔgɔtilenninw ye bari an lara Ala la ale min y'an Matigi Yezu kunun.

Rɔmukaw 5:1

An jatira mɔgɔtilenninw ye jigi barika la, o cogo la, hɛrɛ sɔrɔla an ni Ala cɛ an Matigi Yezu Krista barika la.

Rɔmukaw 5:20

Sariya sigira janko kojugu ka barika sɔrɔ, nga kojugu barika bonyana yɔrɔ min na, Ala y'a ka makari bonya o yɔrɔ la.

Rɔmukaw 5:9

An jatira mɔgɔtilenninw ye Krista ka saya barika la minkɛ, siga t'a la, an bɛna kisi Ala ka dimi ma fana ale kelen barika la.

Rɔmukaw 8:1

Sisan kɔni, mɔgɔ minw sɔnna Yezu Krista ma, jalakiyɔrɔ si tɛ olu la.

Rɔmukaw 8:3

Sariya siginin tun tɛ se ka koo min kɛ, farisogo ka barikatanya kɔsɔn, Ala y'o kɛ, a y'a yɛrɛ Dencɛ ci, ale nana wolo i n'a fɔ kojugukɛla, ka kɛ saraka ye kojugu sara kɔsɔn. A ye kojugu ka baga faga ten,

Rɔmukaw 9:31

Isirayɛlidenw, olu tun bɛ cogo nyinina waasa Ala k'u jati mɔgɔtilenninw ye sariya barika la, nga u ma o sɔrɔ.

Kor fɔlɔ 6:11

Aw dɔw tun bɛ ten fana, nga aw saniyara ka kɛ Ala taw ye, ani ka kɛ mɔgɔtilenninw ye, an Matigi Yezu Krista tɔgɔ la ani an ka Ala ka Nii Senuman barika la.

Galasikaw 2:16

An b'a lɔn ko mɔgɔ si tɛ se ka jati mɔgɔtilennin ye sariya labatoli fɛ, nga fɔɔ ni min lara Yezu Krista la. O la, an lara Yezu Krista la fana, waasa an ka se ka jati mɔgɔtilenninw ye o lanaya barika la, a kana kɛ sariya labatoli barika la, bari mɔgɔ si tɛ se ka jati mɔgɔtilennin ye sariya labatoli barika la.

Galasikaw 2:19

Ne kɔni, sariya faan fɛ ne sanin lo ale sariya yɛrɛ sababu la, waasa ne ka kɛ mɔgɔ nyanaman ye Ala faan fɛ. Ne ni Krista an fila bɛɛ sara nyɔgɔn fɛ lɔgɔ kan.

Galasikaw 3:8

O la, Ala tun kɔnna ka kibaru diman nin fɔ ko: “Siya bɛɛ bɛna duba sɔrɔ i barika la,” bari Ala tun y'a latigɛ ko a bɛna siya wɛrɛw jati mɔgɔtilenninw ye jigi barika la.

Galasikaw 5:3

Ne bɛ tila k'a fɔ tugu ko ni mɔgɔ o mɔgɔ min y'a yɛrɛ kɛnɛkɛnɛ, a kɛra wajibi ye o tigi ma ka sariya bɛɛ labato.

Heburuw 10:11

Sarakalasebagaw bɛ to u seen kan loon o loon k'u ka baara kɛ ka to k'o saraka kelen nunu bɔ. O min tɛ se cogo si la ka kojuguw yafa.

Heburuw 10:4

Bari turaw ni bakɔrɔninw joli tɛ se ka mɔgɔ ka kojuguw yafa abada.

Heburuw 7:19

Sariya ma se k'an dɛmɛ ka kɛ mɔgɔdafaninw ye, nga sisan, an jigi bɛ fɛɛn min kan, o ka fisa, o sababu la an bɛ se ka gwɛrɛ Ala la.