Kɛwalew 13:10 - LAYIDUKURA

¹⁰ k'a fɔ a ye ko: “E ye mɔgɔjugu ni galontigɛla ye, Sutana mɔgɔ, konyuman y'i tana ye. E b'a fɛ tuma o tuma ka Matigi ka koo kɛtaw nagasi.

Jula NT of Côte d’Ivoire

¹⁰ «Ele min jusukun fara nanbara ni juguya suguya bɛɛ ra, ele setanamɔgɔ, koɲuman cɛnbaga, i tɛ Matigi ta sira terenninw yɛlɛmari dabla wa?

ALA KA KUMA

¹⁰ k'a fɔ a ye ko: «E ye mɔgɔjugu ni galontigɛla ye, Sutanamɔgɔ, koɲuman y'i tana ye. E b'a fɛ tuma o tuma ka Matigi ka kokɛtaw nagasi.

Kɛwalew 13:10 Iomraidhean Croise

Matiyu 13:38

Foro nin, o ye dinyɛ ye. Sumansi, o ye Ala ka mɔgɔw ye. Binjugu nin, o ye Sutana ka mɔgɔw ye.

Matiyu 15:19

Bari miirijugu bɛɛ bɛ bɔ mɔgɔ dusu le la, i n'a fɔ mɔgɔfaga, kakalaya, mɔgɔkolonya, sonyali, galontigɛ, ani mɔgɔnɛni.

Matiyu 23:13

“Bɔnɛ y'aw ta ye, aw sariya karamɔgɔw ni Farizinyɛ nanbaranmɔgɔw, bari aw bɛ Ala ka masaya yɔrɔ donda tugu, aw tɛna don, minw b'a fɛ ka don fana, aw t'a to olu fana ka don.

Matiyu 3:7

Zan y'a ye ko Farizinyɛ caaman ni Sadusenyɛ caaman bɛ nana batize ale fɛ minkɛ, a y'a fɔ u ye ko: “Aw fɔnfɔnnidenw, jon y'aw lasɔmi ko aw ka boli Ala ka kiti nata nya?

Luka 11:39

Matigi y'a fɔ a ye ko: “Aw Farizinyɛw kɔni bɛ ten. Aw bɛ jifilenw ni tasaw kɔɔ ko k'u saniya, k'a sɔrɔ benkanni ani juguya le fanin bɛ aw kɔnɔ.

Luka 11:52

“Aw sariya karamɔgɔw, bɔnɛ ye aw ta ye, bari aw b'aw yɛrɛ jati tinyɛlɔnbagaw ye k'a sɔrɔ aw t'a lɔn. Minw b'a fɛ ka tinyɛ lɔn, aw t'a to olu fana k'a lɔn.”

Yuhana 1:23

A ye kira Ezayi ka kuma ta k'u jaabi ko: “Mɔgɔ min bɛ pɛrɛnna kongokolon kɔnɔ ko: ‘Aw ka siratilennin labɛn Matigi ye,’ ” a ko o y'ale Zan ye.

Yuhana 8:44

Aw faa ye Sutana le ye. Aw do b'a fɛ k'ale sago le kɛ. Kabini dinyɛ daminɛtuma na, ka mɔgɔ nii bɔ, o le kɛra a sago ye. A ma sɔn ka tinyɛ fɔ ka ye, bari tinyɛtigi tɛ. N'a bɛ kuma o kuma fɔ, o bɛɛ bɛ kɛ galon ye, bari, ale yɛrɛ le ye galon faa ye.

Kɛwalew 20:30

Dɔw fana bɛna wili aw yɛrɛ cɛma ka to ka galon tigɛ, waasa ka kalandenw caaman sama ka tugu u yɛrɛ kɔ.

Kor 2nan 11:3

Nga ne bɛ siran ko aw hakili kana nyagami, k'aw jigi kana bɔ Krista kan, i n'a fɔ saa ye Awa nanbaran n'a ka cekuya ye cogo min na.

Galasikaw 1:7

Tinyɛ lo, kibaru diman wɛrɛ tɛ yen, nga mɔgɔ dɔw bɛ sɔrɔ aw cɛma minw b'aw nyagami. U b'a fɛ ka Krista ka kibaru diman koo yɛlɛma.

Ɛfɛsikaw 4:14

O la, aw tɛna kɛ i n'a fɔ denmisɛnw tugu, minw tɛ se ka lɔ kelen kan, kalanjugu sifa bɛɛ ni nanbaran bɛ se k'o minw hakili yɛlɛma k'u kunna cɛn, i n'a fɔ kurundennin bɛ cogo min na jii kan.

Piy 2nan 2:15

U ye siranyuman bila ka Bozɔri deen Balamu ka koo nyɔgɔn kɛ. A tun diyara ale min ye ka tilenbaliyako kɛ waasa ka wari sɔrɔ,

Zan fɔlɔ 3:8

Min bɛ to ka kojugu kɛ, o tigi ye Sutana ka mɔgɔ ye, bari Sutana ye kojugukɛla ye kabini fɔlɔfɔlɔ. Ala Dencɛ nana, waasa ka Sutana ka kɛwaliw cɛn.