Kɛwalew 12:17 - LAYIDUKURA

¹⁷ Piyɛri y'a bolo kɛ k'u ka je. U jera, Matigi y'a bɔ kaso la cogo min na, a y'o bɛɛ nyafɔ u ye. O kɔ, a y'a fɔ u ye k'u ka taa o kibaru fɔ Yakuba, ni kalanden tɔw ye. A y'o fɔ ka ban, a bɔra ka taa yɔrɔ dɔ la.

Jula NT of Côte d’Ivoire

¹⁷ Piyɛri ka a boro kɔrɔta, k’a fɔ ko o ye je. Matigi ka a labɔ kaso ra cogo min na, a ka o ɲafɔ o ye; a ko: «Aw ye taga a fɔ Yakuba ni an balema tɔw ye.» O kɔ, a bɔra ka taga yɔrɔ wɛrɛ ra.

ALA KA KUMA

¹⁷ Piyɛri y'a bolo kɛ k'u ka je. U jera, Matigi y'a bɔ kaso la cogo min na, a y'o bɛɛ ɲafɔ u ye. O kɔ, a y'a fɔ u ye k'u ka taga o kibaru fɔ Zaki, ni balima tɔw ye. A y'o fɔ ka ban, a bɔra ka taga yɔrɔ dɔ la.

Kɛwalew 12:17 Iomraidhean Croise

Matiyu 10:23

Ni mɔgɔw bɛ aw tɔɔrɔ dugu dɔ la, aw ye boli ka taa dugu wɛrɛ la. Tinyɛ na, ne b'a fɔ aw ye ko aw tɛna Isirayɛli duguw bɛɛ kɛ nyɔgɔn kan ka ban ni Mɔgɔ Dencɛ ma segi ka na.

Marika 6:3

Yirilɛsɛla tɛ wa? Mariyamu ka dencɛ nin tɛ wa? A dɔgɔcɛw tɛ Zaki ni Zoze ni Zude ani Simɔn ye wa? A dɔgɔmusow t'an fɛ yan wa”? O miiriya le y'a to u ma la a la.

Luka 1:22

Nga Zakari nana bɔ tuma min na, a ma se ka kuma u fɛ. U y'a faamu ko a ye yelifɛn dɔ ye Alabatosoba yɔrɔ senuman kɔnɔ. A kumana u fɛ n'a bolo ye. A tora boboya la.

Yuhana 10:40

Zan tun ye mɔgɔ batizeli daminɛ Zurudɛn baa kɔ yɔrɔ min na, Yezu segira ka taa to o yɔrɔ la.

Yuhana 11:54

O le kɔsɔn Yezu taara dugudennin dɔ la min tɔgɔ ko Efarayimu. A n'a ka kalandenw tora o yɔrɔ la. A tun tɛ sɔn ka taa Zuwifuw cɛma tuma bɛɛ.

Yuhana 13:24

Simɔn Piyɛri y'a bolo kɛ k'a fɔ ale ye ko a k'a nyininga ni mɔgɔ min koo lo.

Yuhana 7:1

O kɔ, Yezu tora ka Galile mara yaalayaala. A tun t'a fɛ ka taa Zude mara yaala, bari o yɔrɔ Zuwifuw tun b'a fɛ k'a faga.

Yuhana 8:59

Aa, o yɔrɔ la u ye kabakuruw cɛ k'u bɛ Yezu bon, nga a dogora ka bɔ Alabatosoba kɔnɔ.

Kɛwalew 1:15

O waati la, kalanden mɔgɔ kɛmɛ ni mugan nyɔgɔn lajɛnnin tun bɛ yen. Piyɛri wilila ka lɔ u cɛma loon dɔ k'a fɔ ko:

Kɛwalew 12:16

Piyɛri kɔni tora ka daa kɔkɔ dɔrɔn. U dɛsɛra ka taa daa yɛlɛ, k'a ye ko Piyɛri lo. U ma la a la ni tinyɛ lo.

Kɛwalew 12:18

Dugu nana gwɛ, a kɛra hakilinyagami ye sɔlidasiw fɛ. Piyɛri kɛra cogo min na, u m'a lɔn.

Kɛwalew 13:16

Pɔli wilila k'a bolo kɛ k'u ka je. A ye kuma daminɛ ko: “Isirayɛlidenw, ani aw siya wɛrɛ minw bɛɛ bɛ siran Ala nya, aw ye mɛnni kɛ.

Kɛwalew 15:13

U kumana ka ban tuma min na, Zaki ye kuma ta k'a fɔ ko: “N badenw, aw ye ne lamɛn.

Kɛwalew 16:40

Pɔli ni Silasi bɔra kaso la tuma min na, u taara Lidi ka soo. U ye kalandenw ladi k'u jaa gwɛlɛya. O kɔ, u sɔrɔla ka taa.

Kɛwalew 19:33

Zuwifuw ye Alɛkisandiri tɔgɔ dɔ bila u nyafɛ janko a ka dɔ fɔ u ye. Alɛkisandiri nana a bolo kɛ, k'u ka je. A y'a daminɛ ko a bɛ kuma jama fɛ,

Kɛwalew 21:18

O dugusagwɛ, Pɔli taara n'an ye Zaki ka soo. An taar'a sɔrɔ Ala ka jama ka cɛkɔrɔbaw bɛɛ tun lajɛnnin bɛ yen.

Kɛwalew 21:40

Sɔlidasi kuntigi ye sira d'a ma. O la, a lɔra yɛlɛyɛlɛnan nunu kan k'a bolo kɛ ko mɔgɔw ka je. Mɔgɔw jera tuma min na, a kumana u fɛ eburukan na ko:

Kɛwalew 28:15

Kalanden minw bɛ Ɔrɔmu, olu tun y'an kibaru mɛn n'an ma se yen ban. U dɔw bɔra ka n'an kunbɛn fɔɔ Apiyusi lɔgɔfiyɛ la, dɔw nana an kunbɛn Turuwa Tavɛɛni dugu kɔnɔ. Pɔli y'olu ye tuma min na, a ye barika la Ala ye, dɔ farala a ka jagwɛlɛya kan.

Kor fɔlɔ 15:7

O kɔ fana, a y'a yɛrɛ yira Zaki la, ani cidenw bɛɛ la.

Galasikaw 1:19

Ni ale tɛ, ne ma ciden wɛrɛ ye tugu, n'a ma kɛ Matigi dɔgɔcɛ Zaki dama ye.

Galasikaw 2:12

Yan ni Zaki ka cidenw ka na, ale Piyɛri tun bɛ to ka dumuni kɛ ni siya wɛrɛw ye. Nga o ciden nunu sera dɔrɔn, a faranna u la Zuwifuw nyasiran kɔsɔn.

Galasikaw 2:9

Zaki ni Piyɛri ani Zan olu minw tun bɛ jati kosɛbɛ, olu fana y'a lɔn ko Ala ye nɛɛma kɛ ne ye. U y'u bolo don ne ni Barinabasi bolo la, k'a yira ko an bɛɛ kɛra baarakɛnyɔgɔnw ye, waasa an ka taa siya wɛrɛw fɛ, olu ka taa Zuwifuw fɛ.

Yakuba 1:1

Ne Zaki bɛ bataki nin ci aw Isirayɛlidenw ma minw jɛnsɛnnin bɛ dinyɛ faan bɛɛ la. Ne min ye Ala ni Matigi Yezu Krista ka baarakɛla ye, ne b'aw fo.