Kɛwalew 11:26 - LAYIDUKURA

²⁶ A y'a ye, u nana nyɔgɔn fɛ Antiyɔsi. U ye saan kelen kɛ nyɔgɔn fɛ n'o yɔrɔ kalandenw ye. U ye mɔgɔ caaman kalan ni Ala ka kuma ye. Ka Yezu ka kalandenw wele kretinyɛw, o kɔrɔ Krista ka mɔgɔw, o daminɛna Antiyɔsi le.

Jula NT of Côte d’Ivoire

²⁶ A ka Sɔli ye minkɛ, a nana ni a ye Antiyɔsi. O ka san kelen dafanin kɛ, o bɛ to ka taga lajɛn ni lanabagaw ye; o ka mɔgɔ caman karan Matigi ta sira ra. Ka lanabagaw wele ko Kirisita* ta mɔgɔw, o dabɔra Antiyɔsi ta lanabagaw le ra.

ALA KA KUMA

²⁶ A y'a ye, u nana ɲɔgɔn fɛ Antiyɔsi. U ye saan kelen kɛ ɲɔgɔn fɛ o yɔrɔ la ni Krista ka jama ye. U ye mɔgɔ caaman kalan ni Ala ka kuma ye. Ka Yezu ka kalandenw wele kretinyɛw, o daminɛna Antiyɔsi le.

Kɛwalew 11:26 Iomraidhean Croise

Matiyu 28:19

O la, aw ye taa siyaw bɛɛ kɛ ne ka kalandenw ye k'u batize Faa, ni Dencɛ ni Nii Senuman tɔgɔ la,

Yuhana 2:2

Yezu n'a ka kalandenw fana welenin tun bɛ yen.

Kɛwalew 1:15

O waati la, kalanden mɔgɔ kɛmɛ ni mugan nyɔgɔn lajɛnnin tun bɛ yen. Piyɛri wilila ka lɔ u cɛma loon dɔ k'a fɔ ko:

Kɛwalew 11:20

O bɛɛ n'a ta, kalandenw dɔw bɔra Sipɔrɔ, ni Sirɛni ka taa Matigi Yezu ka kibaru diman fɔ siya wɛrɛw ye.

Kɛwalew 11:22

Ala ka jama min tun bɛ Zeruzalɛmu, olu y'o kibaru mɛn, u ye Barinabasi ci u fɛ Antiyɔsi.

Kɛwalew 11:27

O waati la, kira dɔw bɔra Zeruzalɛmu ka taa Antiyɔsi.

Kɛwalew 11:29

Ayiwa, Antiyɔsi kalandenw ye ;naniya ta k'u bolo farafara nyɔgɔn kan ka kɛnyɛ n'u bɛɛ seko ye, k'u b'o ci u baden Zudekaw ma.

Kɛwalew 14:20

Nga kalandenw nana lɔ k'a lamini tuma min na, a wilila ka don n'u ye dugu kɔnɔ. O dugusagwɛ, ale ni Barinabasi taara Dɛribe.

Kɛwalew 14:22

U tun bɛ to ka kalandenw jaa gwɛlɛya k'u ka banba k'u jigi la Yezu kan kosɛbɛ. U tun b'a fɔ kalandenw ye ko: “Wajibi lo fɔɔ an ka tɔɔrɔ kosɛbɛ ka sɔrɔ ka don Ala ka mara kɔnɔ.”

Kɛwalew 14:23

U ye nyamɔgɔw bɔ ka sɔrɔ ka suun don ka Ala dali, k'u kalifa Matigi ma, u jigi lanin bɛ ale min kan, k'u sigisigi dugu kelen kelen bɛɛ ka Ala ka jama kunna.

Kɛwalew 14:27

U sera yen tuma min na, u y'o yɔrɔ jama senuman lajɛn. Ala y'u dɛmɛ ka koo min bɛɛ kɛ, a ye sira di siya wɛrɛw ma cogo min na u ka la Matigi la, u y'o bɛɛ nyafɔ u ye.

Kɛwalew 14:28

U ye waati dɔ kɛ o yɔrɔ kalandenw fɛ.

Kɛwalew 18:27

Apolɔsi tun b'a fɛ k'a kuun sin Akayi minkɛ, Efɛzi kalandenw ye sɛbɛ ci u badenw ma yen, ko ni Apolɔsi sera yen, k'u k'a minɛ ka nya. A sera o yɔrɔ la tuma min na, a ye dɛmɛ don u ye kosɛbɛ Ala barika la.

Kɛwalew 19:9

O bɛɛ n'a ta, dɔw tun ye tulogwɛlɛnw ye jama cɛma, olu y'a daminɛ ka to ka Matigi ka sira lɔgɔbɔ mɔgɔ bɛɛ nyana. O tuma na, Pɔli ye olu ye k'u to yen ka taa n'a ka kalandenw ye danna ka to k'u kalan loon o loon Tiranɔsi ka kalanso kɔnɔ.

Kɛwalew 20:1

Mankanba nin nɔgɔyara tuma min na, Pɔli ye kalandenw bɛɛ lajɛn ka ladili d'u ma, k'u jaa gwɛlɛya. O kɔ, a ye sira nyini u fɛ, ka taa Maseduwani mara la.

Kɛwalew 20:30

Dɔw fana bɛna wili aw yɛrɛ cɛma ka to ka galon tigɛ, waasa ka kalandenw caaman sama ka tugu u yɛrɛ kɔ.

Kɛwalew 21:4

An ye kalanden dɔw sɔrɔ o yɔrɔ la, an ye tile wolonwula kɛ ni olu ye. Nii Senuman barika la, olu tun b'a fɔ Pɔli ye ko a kana taa Zeruzalɛmu.

Kɛwalew 26:28

Agiripa ko a ma: “E b'a miiri ko i bɛna ne kɛ Krista ka mɔgɔ ye waatisurun kɔnɔ ten wa?”

Kɛwalew 6:1

Kalandenw tora ka buguya dɔrɔn. Waati dɔ la, Zuwifu minw bɔra yɔrɔ wɛrɛ, n'u bɛ girɛkikan fɔ, olu tora ka tɔw kɔrɔfɔ k'u tɛ to k'u mako don olu ka firiyamusow la kosɛbɛ dumuni tilantuma na loon o loon.

Kɛwalew 6:5

O kuma nin diyara jama ye. O tuma na, u ye mɔgɔw woloma, olu tɔgɔw filɛ nin ye: Etiyɛni, min jigi tun bɛ Ala kan kosɛbɛ ni Nii Senuman tun b'a fɛ, ni Filipi, ani Porokɔri, Nikanɔri ni Timɔn, ani Parimenasi, ani Nikola ka bɔ Antiyɔsi, min donna Zuwifuya la.

Kɛwalew 9:19

O kɔ, a ye dumuni kɛ, ka fanga sɔrɔ. A kɛra ten, Sɔli ye tile damani kɛ ni Damasi kalandenw ye.

Kɛwalew 9:38

Zope ni Lida man jan nyɔgɔn na minkɛ, kalandenw y'a mɛn ko Piyɛri b'o yɔrɔ la. U ye ciraden fila bila ka ta'a fɛ k'a dali ko a ka teliya ka na bɔ u fɛ Zope joona joona.

Kor fɔlɔ 11:18

A fɔlɔ, ne b'a mɛnna ko n'aw ye nyɔgɔn lajɛn tuma min na, aw bɛ faranfaran ka kɛ danna danna. N bɛ miiri ko a bɛ se ka kɛ tinyɛ ye, ko aw tilannin lo jɛnkulu jɛnkulu ye.

Kor fɔlɔ 12:12

Yɔrɔ caaman bɛ mɔgɔ farikolo la, o bɛɛ n'a ta, u bɛɛ lajɛnnin le ye farikolo kelen ye, hali u n'u ka caya bɛɛ. Krista bɛ o cogo la fana,

Kor fɔlɔ 14:23

N'a kɛra ko Ala ka jama bɛɛ ye nyɔgɔn lajɛn, ni bɛɛ tora ka kaan wɛrɛ fɔ, ni mɔgɔ gwansan walima Alalɔnbali dɔ nana don aw cɛma, ale tɛn'a fɔ ko aw kɛra fatɔw ye wa?

Kor fɔlɔ 4:17

O le kɔsɔn, n deen min koo ka di ne ye n'o ye Timote ye, n y'o ci aw fɛ. Mɔgɔsɛbɛ lo Matigi ka sira la. Ale bɛna aw hakili jigi ne ka taamacogo la Krista ka sira la, i n'a fɔ ne bɛ Ala ka jama kalan yɔrɔ bɛɛ cogo min na.

Ɛfɛsikaw 3:15

ale min ye sankolo ni dugukolo kan mɔgɔw bɛɛ dan.

Yakuba 2:7

U b'aw wele ni tɔgɔnyuman min ye, olu le tɛ o cɛnbagaw ye wa?

Piy fɔlɔ 4:14

Ni mɔgɔw b'aw nɛni bari aw ye Krista taw ye, duba bɛ aw ye. Bari Ala Nii b'aw fɛ, o min ye Nii Senuman ye.

Piy fɔlɔ 4:16

Nga n'aw dɔ bɛ tɔɔrɔla bari a ye Krista ta ye, o kana kɛ maloya ye a fɛ, a ka barika la Ala ye o tɔgɔ nin koo la.

Zan fɔlɔ 2:27

N'o tɛ aw kɔni, aw ye Krista ka Nii Senuman min sɔrɔ, o b'aw fɛ. Aw bɛ koo lɔn, kalankun t'aw la. Nii Senuman b'aw kalan koo bɛɛ la. A b'aw kalan ni min ye, galon si t'o la. Aw ye la o la nyanaman ka nɔrɔ Krista la.

Yirari 3:18

Ayiwa, ne b'aw ladi. Aw ye na sanu yɛrɛ yɛrɛ san ne fɛ, fɛɛn min b'a to aw bɛ kɛ fɛntigiw ye. Aw ye na fanigwɛ san k'aw ka maloya bɔ, ani ka nyadimifura minɛ ne fɛ k'aw yɛrɛ furakɛ waasa aw ka yeli kɛ.