Kɛwalew 10:38 - LAYIDUKURA

³⁸ Ala ye Nii Senuman ni sebagaya di ale Yezu ma ka bɔ Nazarɛti, ka jamana bɛɛ munumunu ka to ka konyuman kɛ mɔgɔw ye, ka jinatɔw kɛnɛya, bari Ala tun b'a fɛ.

Jula NT of Côte d’Ivoire

³⁸ Ayiwa, Ala ka Yesu Nazarɛtikacɛ ɲanawoloma cogo min na k’a fa Nin Saninman* na, ka sebagaya di a ma, aw ka o lɔn. A tun bɛ yɔrɔw yaalayaala, ka koɲuman kɛ mɔgɔw ye, ani minw bɛɛ tun bɛ Setana ta jɔnya ra, a tun bɛ olugu bɛɛ kisi ka bɔ o jɔnya ra, sabu Ala tun bɛ ni a ye.

ALA KA KUMA

³⁸ Ala ye Nii Senuman ni sebagaya di ale Nazarɛtika Yezu ma, ka jamana bɛɛ munumunu ka to ka koɲuman kɛ mɔgɔw ye, ka mɔgɔw kɛnɛya minw bɛɛ tun be Sutana bolo, bari Ala tun b'a fɛ.

Kɛwalew 10:38 Iomraidhean Croise

Matiyu 12:15

Yezu bɔra Farizinyɛw ka koo nin kala ma minkɛ, a bɔra o yɔrɔ la ka taa. Jamaba tugura a kɔ. A ye banabagatɔw bɛɛ kɛnɛya.

Matiyu 12:28

Ni n bɛ jinaw gwɛn ka bɔ mɔgɔw la Nii Senuman barika la, o b'a yira ko Ala sera aw ma n'a ka masaya ye.

Matiyu 9:19

Yezu n'a ka kalandenw wilila ka tugu a kɔ.

Matiyu 9:35

Yezu tun bɛ taa dugubaw ni dugudenninw na ka mɔgɔw kalan u ka Alabatosow kɔnɔ. A tun bɛ Sankolo tigi ka masaya koo fɔ a ka waajuli la, ani ka banabagatɔ sifa bɛɛ kɛnɛya.

Marika 6:6

U ma la Yezu la minkɛ, o y'a kabakoya. O kɔ, a taara u lamini duguw la ka mɔgɔw kalan.

Luka 3:22

Nii Senuman y'a yɛrɛ kɛ i n'a fɔ jɛnɛtugan, ka jigi a kan. Kumakan dɔ bɔra sankolo la k'a fɔ ko: “I ye ne Dencɛ ye, ne le y'i Faa ye.”

Luka 4:18

“Matigi Ala Nii bɛ ne fɛ, bari a ye ne woloma ka kibaru diman fɔ faantanw ye. A ye ne ci ko n k'a fɔ jɔɔnw ye ko u bɛna hɔrɔnya, ko n k'a fɔ finyɛntɔw ye k'u nyaa bɛna yɛlɛ, ko n ka mɔgɔtɔɔrɔninw bɔ u juguw bolo k'u bila,

Luka 9:42

Deen gwɛrɛtɔ, jina y'a ta k'a ben duguma k'a yuguyugu kosɛbɛ. Nga Yezu jamana jina kunna k'a gwɛn. Deen kɛnɛyara, a y'a d'a faa ma.

Luka 9:56

O kɔ, u tɛmɛna ka taa dugu wɛrɛ la.

Yuhana 10:32

O la, Yezu y'a fɔ u ye ko: “Ne ye konyuman caaman kɛ n Faa barika la, aw y'u ye. Aw b'a fɛ ka ne bon olu jumɛn kama?”

Yuhana 16:32

Ayiwa, waati dɔ bɛna se, o waati nin yɛrɛ sera ka ban, aw bɛɛ bɛna boli k'aw yɛrɛ nyini, ka ne kelen to, nga ne tɛna to n kelen bari n Faa bɛ ni ne ye.

Yuhana 3:2

Ale nana Yezu sɔrɔ sufɛ k'a fɔ a ye ko: “Karamɔgɔ, anw y'a lɔn ko Ala le y'i ci. Bari i bɛ kabako minw kɛ, ni Ala tɛ e mɔgɔ min fɛ, e tɛ se k'o kɛ.”

Yuhana 3:34

Ala ye mɔgɔ min ci, o tigi bɛ Ala ka kuma yɛrɛ le fɔ bari Ala bɛ Nii Senuman d'a ma, daan tɛ o min dili la.

Yuhana 6:27

Aw kana baara kɛ dumuni tolita kɔsɔn dɛ! Nga dumuni min tɛ cɛn, aw ye baara kɛ o le kɔsɔn, o min bɛ sini hɛrɛ di. O dumuni nin, Mɔgɔ Dencɛ bɛna o d'aw ma. A Faa Ala y'a ka taamasinyɛ bila ale kan.”

Kɛwalew 10:37

K'a ta Zan ka batizeli wango latuma na, koo minw daminɛna Galile mara la fɔɔ ka n'a bila Zude mara la, aw b'o lɔn.

Kɛwalew 2:22

“Ayiwa Isirayɛli jama, n bɛna kuma minw fɔ sisan, aw ye u lamɛn dɛ! Ala ye Nazarɛti Yezu ci aw fɛ, ka see d'a ma ka kabakow kɛ aw nyana. Aw yɛrɛ y'o lɔn.

Heburuw 1:9

Tilenninya koo ka d'i ye, kojugu man d'i ye. O le y'a to, e ka Ala y'e woloma ka bonya ni nisɔndiya d'i ma ka tɛmɛ i tɔnyɔgɔnw kan.”

Piy fɔlɔ 5:8

Aw k'aw yɛrɛ kɔlɔsi dɛ! Aw labɛnnin ka to. Bari aw jugu Sutana b'a la ka munumunu i n'a fɔ jara, a b'a fɛ ka dɔ le minɛ k'a nyimi.

Zan fɔlɔ 2:20

Aw kɔni, Nii Senuman y'aw woloma ka jigi aw kan. O kama, aw bɛɛ bɛ koo bɛɛ lɔn.

Zan fɔlɔ 3:8

Min bɛ to ka kojugu kɛ, o tigi ye Sutana ka mɔgɔ ye, bari Sutana ye kojugukɛla ye kabini fɔlɔfɔlɔ. Ala Dencɛ nana, waasa ka Sutana ka kɛwaliw cɛn.