Kɛwalew 10:35 - LAYIDUKURA

³⁵ i mana kɛ siya o siya ye, n'i bɛ siran Ala nya ka to ka tilenninyakow kɛ, i koo bɛ diya a ye.

Jula NT of Côte d’Ivoire

³⁵ nka siya o siya ra, mɔgɔ min bɛ siran Ala ɲa, ka tagama terenninya kan, o tigi ko ka di Ala ye.

ALA KA KUMA

³⁵ i mana kɛ siya o siya ye, n'i be siran Ala ɲa ka to ka tilenninyakow kɛ, i koo be diya a ye.

Kɛwalew 10:35 Iomraidhean Croise

Luka 1:28

Mɛlɛkɛ sera Mariyamu fɛ k'a fɔ a ye ko: “I ni ce, i koo diyara Ala ye, Matigi Ala b'i fɛ.”

Kɛwalew 10:2

A tun bɛ Ala ka sariyaw labato a nyaa ma, ale n'a ka somɔgɔw bɛɛ tun bɛ siran Ala nya, k'a bato tuma bɛɛ. A tun bɛ Zuwifuw dɛmɛ kosɛbɛ.

Kɛwalew 10:28

Piyɛri y'a fɔ u ye ko: “Aw b'a lɔn ko a daganin tɛ Zuwifu ka taa siya wɛrɛ yɔrɔ filɛ, walima u ka jɛn ka koo dɔ kɛ nyɔgɔn fɛ. Nga Ala y'a yira ne la a ma mɛn, ko ne man kan ka mɔgɔ si jati tugu ko mɔgɔharamunin.

Kɛwalew 15:9

A ma danfara kɛ an Zuwifuw ni olu cɛ, bari u lara a la minkɛ, a y'u dusu saniya o lanaya kɔsɔn.

Kɛwalew 9:31

O tuma na, Ala ka jama tun bɛ hɛrɛ la Zude, ni Galile ani Samari mara nunu bɛɛ la. U tun bɛ buguya ka taa. U taamacogo tun bɛ bonya la Matigi kan kosɛbɛ. Nii Senuman barika la, u ka koow tun bɛ sabati.

Rɔmukaw 2:13

A ma kɛ ko mɔgɔ minw bɛ sariya kuma lamɛn, k'olu le ye mɔgɔtilenninw ye Ala fɛ, mɔgɔ minw b'a sira taama, olu le bɛna jati mɔgɔtilenninw ye Ala fɛ.

Rɔmukaw 2:14

Ala tun ye sariya min di Musa ma, ale tɛ siya wɛrɛ minw fɛ, olu bɛ sariya sira taama, u ka cogo la, k'a sɔrɔ u ma Ala ka sariya lɔn.

Rɔmukaw 3:22

Mɔgɔ o mɔgɔ lara Yezu Krista la, Ala bɛ olu bɛɛ jati mɔgɔtilenninw ye, wolomani t'o la.

Kor fɔlɔ 12:13

bari an bɛɛ le batizera Nii Senuman kelen le barika la, an ka se ka kɛ farikolo kelen ye, k'a ta Zuwifu ma wo, walima siya wɛrɛ wo, jɔɔn, walima hɔrɔn wo, o Nii Senuman kelen lo bɛ an bɛɛ fɛ.

Kor 2nan 7:1

Ne teriw, layidu nunu tara an ye minkɛ, o kama, an k'an yɛrɛ saniya ka bɔ nɔgɔ sifa bɛɛ la, farisogo ta, ni dusukun ta. An ka kɛ mɔgɔdafaninw ye Ala nyasiran barika la.

Galasikaw 3:28

O cogo la, Zuwifu ni siya wɛrɛ bɛɛ ye kelen ye, jɔɔn ni hɔrɔn fana ye kelen ye, cɛɛ ni muso bɛɛ ye kelen ye. Bari aw bɛɛ kɛra kelen ye Yezu Krista barika la.

Ɛfɛsikaw 1:6

An ka Ala tando a ka nɛɛma kɔsɔn a y'o min kɛ an ye, a Deen kanunin barika la.

Ɛfɛsikaw 5:21

Krista nyasiran kɔsɔn, aw k'aw yɛrɛ majigi nyɔgɔn ye.

Filipikaw 3:3

Bari mɔgɔ minw ka kɛnɛkɛnɛli kɛra kosɛbɛ ye, o ye anw le ye, an minw bɛ Ala bato Nii Senuman barika la, k'an ka bonya sɔrɔ Yezu Krista barika la, an minw tɛ an jigi la farisogo kan.

Kɔlɔsikaw 1:6

O le sera dinyɛ yɔrɔ bɛɛ la, n'a bɛ baara kɛra yen kosɛbɛ, i n'a fɔ a b'a kɛra aw fɛ cogo min na, kabin'a sera aw fɛ, aw sɔnna a ma, o le y'aw dɛmɛ ka Ala ka nyumanya lɔn sɛbɛ sɛbɛ la.

Kɔlɔsikaw 3:11

O cogo la, siya wɛrɛ ni Zuwifu kɛra kelen ye, kɛnɛkɛnɛninw ni kɛnɛkɛnɛbaliw kɛra kelen ye, lonanw ni siyajuguw kɛra kelen ye, jɔɔnw ni hɔrɔnw kɛra kelen ye. U bɛɛ kɛra kelen ye Krista barika la.

Zan fɔlɔ 2:29

Aw b'a lɔn ko Krista ka koo tilennin lo. Ayiwa, aw k'a lɔn fana ko ni mɔgɔ o mɔgɔ bɛ kotilennin kɛ, k'o tigi ye Ala deen ye.