Kɛwalew 10:11 - LAYIDUKURA

¹¹ Sankolo daa tun yɛlɛla ni fɛɛn dɔ bɛ jigira ka bɔ yen. O bɔnin tun bɛ fanibelebeleba dɔ fɛ. Juru sirinin tun bɛ a dakun naani nunu na.

Jula NT of Côte d’Ivoire

¹¹ A ka sankolo dayɛlɛnin ye, ka fɛn dɔ ye i ko faniba dɔ, a sirinin bɛ a kun naani na, a bɛ jigira ka na dugu ma.

ALA KA KUMA

¹¹ Sankolo daa tun yɛlɛla, fɛɛn dɔ be jigira ka bɔ yen. O bɔnin tun be fanibelebeleba dɔ fɛ. Dakun naani tun b'a la.

Kɛwalew 10:11 Iomraidhean Croise

Matiyu 8:11

Ne b'a fɔ aw ye ko mɔgɔ caaman bɛna bɔ kɔrɔn ni tileben fɛ ka taa sigi Ibrayima ni Isiyaka ani Yakuba fɛ sankolo tigi ka masaya yɔrɔ la ka dumuni kɛ.

Luka 3:21

Zan ye mɔgɔw bɛɛ batize, ka Yezu fana batize. Ka Yezu to Ala dali la, sankolo dayɛlɛla,

Yuhana 1:51

Yezu y'a fɔ tugu ko: “Tinyɛ tinyɛ na, aw bɛna sankolo dayɛlɛnin ye ka Ala ka mɛlɛkɛ yɛlɛtɔw n'u jigitɔw ye Mɔgɔ Dencɛ kan.”

Yuhana 11:52

O fana tun tɛ kɛ u ka siya dama kɔsɔn, nga Ala deenw minw jɛnsɛnnin bɛ, a ka se k'olu kori nyɔgɔn na.

Yuhana 12:32

Ne kɔni, ni ne kɔrɔ tara sanfɛ tuma min na, ne bɛna mɔgɔ bɛɛ sama ka na ne fɛ.”

Kɛwalew 10:12

Ala ye sogo sifa minw bɛɛ dan, sennaanifɛnw ni seen fila fɛɛnw, ani minw bɛ fofo u kɔnɔ kan, olu bɛɛ dɔ tun b'a la.

Kɛwalew 11:5

A ko: “N tun bɛ Ala dali la ka n to Zope dugu kɔnɔ, Ala ye fɛɛn dɔ yira n na. O fɛɛn nin bɔnin tun bɛ fanibelebeleba dɔ ma n'a bɛ jigira ka bɔ sankolo la fɔɔ ka na se ne kɔrɔ. Juru sirinin tun bɛ a dakun naani nunu na.

Kɛwalew 7:56

Etiyɛni pɛrɛnna ko: “Ne nyaa bɛ sankolo dayɛlɛnin na, Mɔgɔ Dencɛ lɔnin bɛ Ala kinibolo fɛ.”

Rɔmukaw 1:16

Ne tɛ maloya ka kibaru diman fɔ, bari Ala ka sebagaya koo lo, mɔgɔ minw bɛ la a la, kisili ye olu ta ye, k'a daminɛ Zuwifu ma fɔlɔ, o kɔ siya wɛrɛw.

Rɔmukaw 9:4

olu minw ye Isirayɛlidenw ye. Ala ye olu minw minɛ k'o kɛ a ka deenw ye, k'a yɛrɛ yira u la, ka bɛn n'u ye sinyɛ caaman, ka sariya sigi u ye k'a yɛrɛ batocogo yira u la, ka layiduw ta u ye.

Galasikaw 2:15

An kɔni, an wolola Zuwifuya la, an ma kɛ siya wɛrɛw ye olu minw bɛ jati kojugukɛlaw ye.

Galasikaw 3:28

O cogo la, Zuwifu ni siya wɛrɛ bɛɛ ye kelen ye, jɔɔn ni hɔrɔn fana ye kelen ye, cɛɛ ni muso bɛɛ ye kelen ye. Bari aw bɛɛ kɛra kelen ye Yezu Krista barika la.

Ɛfɛsikaw 1:10

A y'a latigɛ n'o koo kɛwaati sera tuma min na, a ka fɛɛn bɛɛ lajɛn minw bɛ sankolo la ani minw bɛ dugukolo kan, Krista ka kɛ u bɛɛ kuntigi ye.

Ɛfɛsikaw 3:6

O kɔrɔ ko siya wɛrɛw ye Isirayɛlidenw ka niyɔrɔ nyɔgɔn sɔrɔ Ala ka koo la, ani layidu koo la, ani ka jɛn ka kɛ kelen ye, kibaru diman kɔsɔn Yezu Krista barika la.

Kɔlɔsikaw 3:11

O cogo la, siya wɛrɛ ni Zuwifu kɛra kelen ye, kɛnɛkɛnɛninw ni kɛnɛkɛnɛbaliw kɛra kelen ye, lonanw ni siyajuguw kɛra kelen ye, jɔɔnw ni hɔrɔnw kɛra kelen ye. U bɛɛ kɛra kelen ye Krista barika la.

Yirari 11:19

O kɔ, Alabatoso dayɛlɛla arijana na, ne ye Ala ka layidu taamasinyɛ kɛsu ye o soo nin kɔnɔ. O tuma na, saan tora ka pɛrɛn, ka manamana, kumakanbabaw bɔra. Sanbɛrɛ tora ka jigi ni fanga ye, dugukolo yɛrɛyɛrɛla.

Yirari 19:11

O tuma na ne ye arijana daa yɛlɛnin ye, ka mɔgɔ dɔ siginin ye soo gwɛman dɔ kan. O tigi tɔgɔ ko Mɔgɔtilennin, ani Tinyɛ Tigi. A bɛ kiti tigɛ. A bɛ kɛlɛ kɛ ni tilenninya ye.

Yirari 4:1

O kɔ, ne ye daa dɔ yɛlɛnin ye sankolo la: Ne tun ye kumakan min mɛn fɔlɔ la i n'a fɔ buru fiyɛkan, o kumakan nin ko ne ma: “Yɛlɛ ka na yan, n bɛna koo nataw yira i la.”