Kɛwalew 1:3 - LAYIDUKURA

³ Yezu sanin kɔ, ka kunun, a y'a yɛrɛ yira a ka cidenw na cogo caaman ani sinyɛ caaman na tile bi naani kɔnɔ janko u k'a lɔn ko ale tɛ suu ye tugu. A tora n'u ye n'a b'u kalan Ala ka masaya sigiko la.

Jula NT of Côte d’Ivoire

³ Yesu ta tɔɔrɔ bannin kɔ, a ɲanaman ka a yɛrɛ yira a ta karamɔgɔdenw na; a ka o kɛ ka se fɔ tere binaani, janko o y’a lɔn ko sigiya t’a ra, ko ale ɲanaman lo. Ala bɛna a ta Masaya* sigi cogo min na, a ka o ɲafɔ o ye.

ALA KA KUMA

³ Yezu sanin kɔ, ka kunun, a y'a yɛrɛ yira a ka cidenw na cogo caaman ani siɲɛ caaman na tile bi naani kɔnɔ janko u k'a lɔn ko ale kununna. A tora n'u ye n'a b'u kalan Ala ka masaya sigiko la.

Kɛwalew 1:3 Iomraidhean Croise

Matiyu 21:43

Yezu y'a fɔ u ye tugu ko: “Ne b'a fɔ aw ye k'o cogo la, Ala ka koo nyamɔgɔya bɛna bɔsi aw la, ka di siya wɛrɛw ma. Olu bɛna kɛwalinyuman kɛ. [

Matiyu 28:9

O yɔrɔnin bɛ, Yezu y'u kunbɛn k'a fɔ u ye ko: “Aw dansɛ.” U gwɛrɛla a la k'u kunbiri gwan a kɔrɔ, k'a bato.

Matiyu 3:2

A tun b'a fɔ mɔgɔw ye ko: “Aw ye nimisa ka faran aw ka kojuguw la, bari Sankolo tigi ka masaya waati surunyana.”

Matiyu 4:2

Yezu ye tile bi naani ni suu bi naani kɛ a ma dumuni kɛ, kɔngɔ y'a minɛ.

Marika 16:19

Matigi Yezu kumana kalandenw fɛ ka ban tuma min na, Ala y'a ta ka taa n'a ye sankolo la. A sigira Ala kinibolo fɛ.

Yuhana 20:26

O loon nyɔgɔn tugu, Yezu ka kalandenw tun bɛ soo kɔnɔ, o loon na Toma tun bɛ n'u ye. U tun ye daaw bɛɛ tugu k'o sɔgɔ, o bɛɛ n'a ta, Yezu nana don ka lɔ u cɛma k'a fɔ u ye ko: “Hɛrɛ ka kɛ aw ye.”

Yuhana 21:1

O kɔ fana, Yezu y'a yɛrɛ yira a ka kalandenw na tugu, Tiberiyadi bada la. A y'a yɛrɛ yira cogo min na, o filɛ.

Yuhana 21:14

O le tun kɛra Yezu sinyɛ sabanan ye n'a b'a yɛrɛ yira a ka kalandenw na kabini a kununna a sanin kɔ.

Kɛwalew 13:31

Minw tun y'a bila sira ka bɔ Galile mara la ka taa Zeruzalɛmu, a kununnin kɔ, a y'a yɛrɛ yira olu la tile damani kɔnɔ. Olu le fana kɛnin bɛ o koow seerew ye Isirayɛli jama nyana.

Kɛwalew 19:8

O kɔ, Pɔli tora ka taa Alabatoso kɔnɔ, ka to yen n'a bɛ mɔgɔw kalan Ala ka masaya koo la fɔɔ kalo saba. A tun bɛ jija waasa ka se a lamɛnbagaw kɔrɔ.

Kɛwalew 28:23

Ayiwa, u bɛnna loon wɛrɛ la. O loon, Zuwifu nunu nana caaman Pɔli ka soo. K'a ta sɔgɔma fɔɔ wulafɛ, Pɔli ye Ala ka masaya koo fɔ u ye. A jijanin tun bɛ ka Yezu koo don u dusu la. O kama a tun bɛ Ala ka sariya ani kiraw ka sɛbɛw kɔnɔnakumaw nyafɔ u ye.

Kɛwalew 28:31

A tun bɛ Ala ka masaya koo fɔ u ye, ka mɔgɔw kalan Matigi Yezu Krista ka koow la ni jagwɛlɛya ye, mɔgɔ si tun t'a bali.

Kɛwalew 8:12

Nga, Filipi nana Yezu ka kibaru diman ni Ala ka masaya sigiko fɔ u ye minkɛ, u lara Yezu la. Filipi y'u batize, cɛɛ fara musow kan.

Rɔmukaw 14:17

Bari ka kɛ Ala ta ye, dumuniko, walima minnifɛn koo t'o la, nga tilenninya ni hɛrɛ ani nisɔndiya koo le kɛra o koo ye, Nii Senuman barika la.

Kɔlɔsikaw 1:13

A y'an tila ka bɔ dibi ka fanga bolo, ani k'an don a Deen ka mara la, deen min koo ka di a ye kosɛbɛ.

Tes fɔlɔ 2:12

An y'aw ladi, k'aw jaa gwɛlɛya, ani an y'a nyini aw fɛ kosɛbɛ ko aw k'aw ka taamacogo bɛn ni Ala sago ye, ale min b'aw wele janko aw ka don a ka mara kɔnɔ, ani k'a ka nɔɔrɔ sɔrɔ.

Zan fɔlɔ 1:1

Kuma min bɛ nii don mɔgɔ la, o Kuma nin tun bɛ yen ni fɛɛn si ma dan fɔlɔ. Anw y'o Kuma mɛn, an nyaa lar'a kan, k'a filɛ kosɛbɛ, ka maga a la,