Kɛwalew 1:11 - LAYIDUKURA

¹¹ Cɛɛ fila nunu y'u kaan to u ma ko: “Galilekaw! A kɛra di aw lɔnin bɛ ka sankolo filɛ ten? Aw ye Yezu min yɛlɛtɔ ye arijana na dɛ, a bɛna segi ka na ten ka bɔ o yɔrɔ la.”

Jula NT of Côte d’Ivoire

¹¹ o cɛ fla ka o ɲininka ko: «Aw Galilekaw, mun le kosɔn aw lɔnin bɛ yan ka to ka sankolo flɛ? Yesu min kɔrɔtara aw ɲa na ka taga sankolo kɔnɔ, ale kelen le bɛna kɔsegi ka na, i ko aw ka a tagatɔ ye cogo min na.»

ALA KA KUMA

¹¹ Cɛɛ fila nunu y'u kaan to u ma ko: «Galilekaw! A kɛra di aw lɔnin be ka sankolo filɛ ten? Aw ye Yezu min yɛlɛtɔ ye arijana na, a bena segi ka na ten ka bɔ o yɔrɔ la.»

Kɛwalew 1:11 Iomraidhean Croise

Matiyu 16:27

Ayiwa, Mɔgɔ Dencɛ bɛna na n'a ka mɛlɛkɛw ye a Faa ka sebagaya la, o cogo la a bɛna mɔgɔw bɛɛ kelen kelen sara ka kɛnyɛ n'u ka kɛwaliw ye.

Matiyu 16:28

Tinyɛ na, ne b'a fɔ aw ye ko aw minw bɛ yan, aw dɔw tɛna sa n'u ma Mɔgɔ Dencɛ natɔ ye n'a ka masaya ye.”

Matiyu 24:30

O tuma na, Mɔgɔ Dencɛ taamasinyɛ bɛna bɔ sankolo la ka ye dugukolo kan. Mɔgɔw bɛɛ bɛna kasi kosɛbɛ, u bɛna Mɔgɔ Dencɛ natɔ ye sankaba kan ni sebagaya, ni nɔɔrɔ ye.

Matiyu 25:31

“Tuma min na Mɔgɔ Dencɛ bɛna na ni mɛlɛkɛw ye, a bɛna sigi a ka masasigilan kan.

Marika 13:26

O tuma na, mɔgɔw bɛna Mɔgɔ Dencɛ natɔ ye sankabaw cɛma ni sebagaya ni nɔɔrɔ ye.

Marika 14:70

Piyɛri y'a sɔsɔ tugu. Waati dɔɔni o kɔ, o yɔrɔ mɔgɔw y'a fɔ Piyɛri ye tugu ko: “Siga t'a la, i ye u dɔ ye, bari i fana ye Galileka ye.”

Marika 16:19

Matigi Yezu kumana kalandenw fɛ ka ban tuma min na, Ala y'a ta ka taa n'a ye sankolo la. A sigira Ala kinibolo fɛ.

Luka 21:27

O tuma na, mɔgɔw bɛna Mɔgɔ Dencɛ natɔ ye sankabaw cɛma ni sebagaya, ni nɔɔrɔ ye.

Luka 24:5

Muso nunu siranna k'u nyaa biri duguma minkɛ, cɛɛ nunu y'a fɔ u ye ko: “Mɔgɔ min bɛ nii na, aw do b'o tigi yaala suuw cɛma mun na?

Yuhana 14:3

Ni n taar'a labɛn ka ban, ne bɛna kɔsegi ka na k'aw ta ka taa n'aw ye, janko ne bɛ yɔrɔ min na aw fana ka kɛ o yɔrɔ la.

Kɛwalew 1:2

fɔɔ ka taa se a kɔrɔ talon ma ka taa arijana na, n y'o bɛɛ lakali o kɔnɔ. Ayiwa, yan ni a ka yɛlɛ ka taa arijana na, a tun ye mɔgɔ minw woloma k'u kɛ a ka cidenw ye, a y'u kalan tugu, ka kangari la u ye Nii Senuman barika la.

Kɛwalew 1:22

k'a taa Yezu batizelon ma Zan fɛ, fɔɔ ka ta'a bila a kɔrɔ talon ma arijana na ka bɔ an cɛma, wajibi lo, olu dɔ ka Zuda nɔɔ ta, ka kɛ an dɔ ye ka Yezu koo fɔ.”

Kɛwalew 1:9

Yezu y'o kuma nunu fɔ ka ban minkɛ, a kɔrɔ tara u nyakɔrɔ ka taa arijana na. K'u to filɛli la, Sankaba dɔ donna u cɛ k'a dogo u la.

Kɛwalew 13:31

Minw tun y'a bila sira ka bɔ Galile mara la ka taa Zeruzalɛmu, a kununnin kɔ, a y'a yɛrɛ yira olu la tile damani kɔnɔ. Olu le fana kɛnin bɛ o koow seerew ye Isirayɛli jama nyana.

Kɛwalew 2:7

U kabakoyara fɔɔ k'a dama tɛmɛ n'u bɛ nyɔgɔn nyininga ko: “Mɔgɔ minw bɛ kumana wo, u bɛɛ tɛ Galilekaw ye wa?

Kɛwalew 3:12

Piyɛri y'o ye minkɛ, a y'a kaan to ko: “Jama, koo min kɛra ten wo, mun na o b'aw kamanagwan k'aw nyaa coron anw na ka kɛ i n'a fɔ anw ka sebagaya le ye cɛɛ kɛnɛya, walima an ka Ala nyasiranya kɔsɔn le?

Kɛwalew 3:21

Nga sanni o waati ka se, a siginin bɛna to Ala kɔrɔ fɔlɔ yan ni yɛlɛmani bɛ don dinyɛ koow bɛɛ la, ka kɛnyɛ ni Ala ka kiraw ka kuma ye, o min fɔra kabini tumajan.

Tes fɔlɔ 1:10

Aw y'o kɛ ka to ka Ala dencɛ Yezu kɔsegitɔ makɔnɔ, a y'ale min kunun a sanin kɔ. Yezu le b'an kunmabɔ Ala ka dimi nata ma.

Tes fɔlɔ 4:16

Ni sira dira, mɛlɛkɛ kuntigi ka pɛrɛnkan fɛ ani Ala ka buru kaan fɛ, Matigi yɛrɛ bɛna bɔ sankolo la ka jigi, o tuma na mɔgɔ minw tun lara Krista la ka sɔrɔ ka sa, olu bɛ kunun fɔlɔ.

Heburuw 9:28

o cogo kelen na, Krista y'a yɛrɛ saraka sinyɛ kelen, ka mɔgɔ bɛɛ ka kojuguw yafa. O kɔ, a bɛna segi ka na, o tɛna kɛ kojuguw yafako kama tugu, nga mɔgɔ minw b'a makɔnɔna, olu kisili kɔsɔn lo.

Yirari 1:7

Ayiwa, a bɛna na sankaba kan. Mɔgɔ bɛɛ bɛn'a ye. Hali minw tun y'a sɔgɔ ni taman ye, u bɛn'a ye. Siyaw bɛɛ bɛna kasi ale kɔsɔn. Ɔnhɔn, a bɛna kɛ ten. Amiina.