Ɛfɛsikaw 5:3 - LAYIDUKURA

³ Kakalaya, walima mɔgɔkolonya, ani wasabaliya, o koo si kana mɛn aw cɛma, bari Ala ka mɔgɔw man kan k'o kɛ.

Jula NT of Côte d’Ivoire

³ Ayiwa, jatɔya, ani ko saninyabari suguya o suguya, ani natabaya, o tɔgɔ yɛrɛ kana fɔ aw cɛ ra; sabu o kow tɛ bɛn Ala ta mɔgɔ saninmanw cɛ ra.

ALA KA KUMA

³ Kakalaya, walima mɔgɔkolonya, ani wasabaliya, o koo si kana mɛn aw cɛma, bari Ala ka mɔgɔw man kan k'o kɛ.

Ɛfɛsikaw 5:3 Iomraidhean Croise

Matiyu 15:19

Bari miirijugu bɛɛ bɛ bɔ mɔgɔ dusu le la, i n'a fɔ mɔgɔfaga, kakalaya, mɔgɔkolonya, sonyali, galontigɛ, ani mɔgɔnɛni.

Luka 12:15

O kɔ, Yezu y'a fɔ jama ye ko: “Aw k'aw yɛrɛ kɔlɔsi nafolo koo hamikojugu ma, bari hali ni nafolo ka ca mɔgɔ fɛ cogo o cogo, o tɛ se ka kɛ a tigi nii suturanin ye.”

Luka 16:14

Nafolo koo ka di Farizinyɛ ye minkɛ, u y'o kuma bɛɛ mɛn tuma min na, u tun bɛ yɛlɛla Yezu ma.

Kɛwalew 15:20

An ka sɛbɛ ci u ma k'a fɔ u ye k'u kana josɔnsogo nyimi, u k'u yɛrɛ tanga kakalaya ma, sogo min kaan ma tigɛ u kana o nyimi, u kana sogo joli dumu.

Kɛwalew 20:33

Ne ma n nyaa bɔ aw si ka wari fɛ, walima sanu, walima fani fɛ.

Rɔmukaw 1:29

Tilenbaliyako sifa bɛɛ b'u kɔnɔ: u bɛ kojugu kɛ, u kɛra mɔgɔkolonw ani mɔgɔjuguw ye, nyagoya fana b'u la, nyɔgɔnfagako le b'u kɔnɔ, ni kɛlɛko, ni benkanni, juguya, ani u bɛ mankan ci.

Rɔmukaw 16:2

Aw k'a minɛ ka nya i n'a fɔ Ala ka jama bɛ mɔgɔ minɛ cogo min na, n'a mako bɛ aw ka dɛmɛli la koo minw na, aw k'a dɛmɛ o la. Bari a ye mɔgɔ caaman dɛmɛ kosɛbɛ, hali ne yɛrɛ.

Rɔmukaw 6:13

Aw kana aw ka farikolo yɔrɔ si kɛ kojugukɛfɛn ye ka to kojugu la. Nga aw ka kɛ i n'a fɔ mɔgɔ min sara ka kunun, k'aw farikolo yɔrɔ bɛɛ kɛ konyumankɛ ta ye, k'u bila Ala ka baara la.

Kor fɔlɔ 10:8

An kana kɛ kakalaw ye, i n'a fɔ u dɔw tun y'a kɛ cogo min na. O la, loon kelen dɔrɔn, mɔgɔ waa mugan ni saba sara u cɛma.

Kor fɔlɔ 5:1

A bɛ fɔra yɔrɔ bɛɛ ko mɔgɔkolonya dɔ kɛra aw cɛma, o min nyɔgɔn tɛ sɔrɔ Alalɔnbaliw fɛ yɛrɛ. Mɔgɔ dɔ b'aw cɛma min y'a facɛ ka muso bɔsi.

Kor fɔlɔ 6:13

U fana ko dumunifɛn dilanna kɔnɔbara kama, kɔnɔbara fana bɛ yen dumuni kama. Nga Ala do bɛna u fila bɛɛ halaki. Mɔgɔ farisogo ma kɛ kakalaya kama, o ye Matigi ta ye ani Matigi bɛ janto a la.

Kor fɔlɔ 6:18

Aw ka kakalaya dabila, mɔgɔ bɛ kojugu minw bɛɛ kɛ, o si tɛ se a farisogo ma fɔɔ. Nga min bɛ kakalaya kɛ, o tigi b'a yɛrɛ hakɛ le ta.

Kor 2nan 12:21

Ne fana bɛ siran ko ne mana se aw fɛ tuma min na, ne ka Ala kana ne majigi aw cɛma. Mɔgɔ minw tun ye kojugu kɛ n'u ma sɔn ka nimisa u ka kakalaya la, n'u ka mɔgɔkolonya n'u ka malobaliya la, ne dusu kana kasi olu kɔsɔn.

Ɛfɛsikaw 5:12

bari u bɛ koo minw kɛ dogo la, o fɔko yɛrɛ ye maloya ye.

Ɛfɛsikaw 5:5

Aw k'a faamu kosɛbɛ ko kakalaw ni mɔgɔnɔgɔninw, ni wasabaliw tɛna don Krista ni Ala ka mara kɔnɔ. Wasabaliya ni josɔn bɛɛ ye kelen ye.

Filipikaw 1:27

Min ka gwɛlɛ, o ye nin ye: Aw ka taamacogo ka kan ka bɛn Krista ka koo ma, waasa hali ni ne nana aw fɛ, walima ne ma se ka na wo, ne k'a mɛn ko aw jijanin lo, ka bɛn ka baara kɛ ni miiriya kelen ye ani dusukun kelen ye kibaru diman kɔsɔn aw y'aw jigi la o min kan.

Kɔlɔsikaw 3:5

Koo minw kɛra dugukolo kan koow ye, aw ka olu bɛɛ dabila, i n'a fɔ kakalaya, ni mɔgɔkolonya, ani miirijugu, ni kojugu nigɛ, ani wasabaliya, o min ni josɔn bɛɛ ye kelen ye.

Tes fɔlɔ 4:3

Ala bɛ min fɛ, o ye aw dusu saniyako ye, aw kana kakalaya kɛ.

Tes fɔlɔ 4:7

Bari Ala m'an wele kakalaya kama, nga a y'an wele ka kɛ mɔgɔnyumanw le ye.

Tim fɔlɔ 2:10

Nga u ka masirifɛnw ka kɛ konyuman kɛli ye, i n'a fɔ a bɛnnin bɛ musow fɛ cogo min na olu minw ko u bɛ siran Ala nya.

Tim fɔlɔ 3:3

A man kan ka kɛ dɔrɔtɔ ye, walima mɔgɔ fariman, nga mɔgɔsabalinin. A kana kɛ kɛlɛtigɛla ye, walima mɔgɔ ye min bɛ wari kanu kojugu.

Tim fɔlɔ 6:10

bari wari nigɛ ye kojugu sifa bɛɛ bɔyɔrɔ ye. Mɔgɔ dɔw tugura a nɔɔ fɛ k'o jigi bɔ Krista kan, ka tɔɔrɔ la u yɛrɛ kan.

Tim 2nan 3:2

Mɔgɔw bɛna kɛ sɔnjuguw ye, wari koo bɛna diya u ye kosɛbɛ, u bɛna kɛ yɛrɛbonyalaw ye. U bɛna Ala tɔgɔ cɛn ani u tɛna mɛnni kɛ u wolobagaw fɛ, u bɛna kɛ nyumanlɔnbaliw ye, ani u tɛna Ala ka koow jati.

Tite 1:11

I ka kan k'u bali u kana kuma. U bɛ se ka faaw n'u deenw kunna cɛn, n'u ka kalanjugu ye u b'o min kɛ tɔnɔjugu kama.

Tite 1:7

Ala ka jama nyamɔgɔ, ale min ye a ka jama marabaga ye, o ka kan ka kɛ mɔgɔ ye jalakiyɔrɔ tɛ min na. A kana kɛ yɛrɛ sagokɛla ye, a kana kɛ dusutigi ye fana, walima dɔrɔtɔ, walima mɔgɔ fariman ye, ani a kana kɛ mɔgɔ ye min bɛ nanbaran kɛ ka tɔnɔ sɔrɔ.

Tite 2:3

O cogo la fana, i k'a fɔ musokɔrɔbaw ye ko olu taamacogo ka bɛn ni mɔgɔsɛbɛya ye Ala faan fɛ. U kana kɛ mɔgɔ tɔgɔcɛnlaw ye, ani u fana kana kɛ dɔrɔtɔw ye. Olu ka mɔgɔw dege konyuman kɛli la.

Heburuw 12:16

Mɔgɔ si kana kɛ kakala ye, walima Alanyasiranbali ye, i n'a fɔ Ezawu, ale min y'a ka kɔrɔya falen dumuni na.

Piy fɔlɔ 5:2

Ala y'a ka sagakulu min kalifa aw ma, aw k'o kɔlɔsi ka nya ni dusunyuman ye ka kɛnyɛ ni Ala sago ye. Nga o kana kɛ jagoyako ye. Aw k'o baara nin kɛ ni timinadiya ye, tɔnɔnyini kana sɔrɔ a la.

Piy 2nan 2:10

Minw bɛ boliboli u ka nigɛlakow kɔ, n'u tɛ Masaba bonya, u jaa ka gwɛlɛ, u daa ka bon. Ka arijana kɔnɔ fɛɛnw nɛni, o tɛ foyi ye olu fɛ.

Piy 2nan 2:14

Kakalaya nigɛ tɛ bɔ u la, u bɛ kojugu kɛ tuma bɛɛ. Fanga tɛ minw na, u bɛ olu kunna cɛn. Wariko le ka di u ye kojugu. U danganin lo.

Piy 2nan 2:3

U ka warinyini kojugu kɔsɔn, u bɛna galon labɛn k'aw nyagami n'o ye tɔnɔ kama. U kitibaga labɛnnin lo a mɛnna. U halakiwaati tɔɔ man jan.

Yirari 2:14

O n'a ta bɛɛ, ne b'aw jalaki koo dɔw la. Bari aw cɛma, dɔw nɔrɔnin bɛ Balamu ka kalan na, ale min tun bɛ Balaki kɔnɔnasu waasa a ka Isirayɛlidenw nigɛ k'u bila josɔnsogo nyimi na, ani ka kakalaya kɛ.

Yirari 2:21

N y'a to fɔlɔ waasa a k'a sɔɔn yɛlɛma. Nga a do t'a fɛ k'a ka kakalaya dabila.

Yirari 21:8

Nga siranbagatɔw kɔni, ani lanabaliw, ni mɔgɔjuguw, ni mɔgɔfagalaw, kakalaw, lagwɛlikɛlaw, josɔnlaw, ani galontigɛlaw bɛɛ, olu kɔni niyɔrɔ ye jahanama le ye. O le ye saya filanan ye.”

Yirari 22:15

Nga mɔgɔkolonw, ni lagwɛlikɛlaw, ni kakalaw, ni mɔgɔfagalaw, ni josɔnlaw ani galontigɛlaw, olu kɔni bɛna to dugu kɔɔ kan.

Yirari 9:21

Mɔgɔ nunu ma sɔn k'u ka mɔgɔfaga ni subagaya ani kakalaya ni sonyaliw dabila.