Ɛfɛsikaw 3:2 - LAYIDUKURA

² Ala ye nɛɛma kɛ ne ye ka baara min kalifa ne ma aw ka hɛrɛ kama, aw y'o koo mɛn.

Jula NT of Côte d’Ivoire

² Ala makarira ne ra cogo min na ka ne kɛ Kibaro Diman fɔbaga ye aw ye, sigiya t’a ra, aw yɛrɛ ka o lɔn.

ALA KA KUMA

² Ala ye nɛɛma kɛ ne ye ka baara min kalifa ne ma aw ka hɛrɛ kama, aw y'o koo mɛn.

Ɛfɛsikaw 3:2 Iomraidhean Croise

Kɛwalew 13:2

K'u to suun ni Ala batoli la loon dɔ, Nii Senuman y'a fɔ u ye ko: “Ne ye n bolo la Barinabasi ni Sɔli kan baara min kama, aw k'u fila bɔ danna waasa u k'o kɛ.”

Kɛwalew 13:46

Pɔli ni Barinabasi hakili sigininba y'a fɔ u ye ko: “Ala ka kuma ka kan ka fɔ aw Zuwifuw le ye fɔlɔ. Nga aw do bɛ banna a la, o b'a yira ko aw man kan ni sini hɛrɛ ye. N'o lo, an b'an nyasin siya wɛrɛw ma,

Kɛwalew 22:21

A y'a fɔ ne ye ko ale bɛna ne ci ka taa yɔrɔjan siya wɛrɛw fɛ.”

Kɛwalew 9:15

Nga Matigi ko Ananiyasi ma: “Taa, bari ne mako b'a la. A bɛna ne ka koo fɔ siya wɛrɛw n'u ka masaw ye ani Isirayɛlidenw ye, u ka ne lɔn.

Rɔmukaw 1:5

An ye nɛɛma sɔrɔ ale le barika la ka kɛ cidenw ye, waasa ka siya wɛrɛw bɛɛ dɛmɛ u k'u jigi la Krista kan ka mɛnni kɛ a fɛ, janko Ala tɔgɔ ka bonya.

Rɔmukaw 11:13

Ne b'o fɔ aw siya wɛrɛw ye, ne cira ka baara kɛ aw le ye, ne bɛ bonya la o baara nin kan,

Rɔmukaw 12:3

Ala ye nɛɛma min kɛ ne ye, o kɔsɔn, ne b'a fɔ aw bɛɛ ye ko aw kana aw yɛrɛ bonya k'a dama tɛmɛ, aw k'aw yɛrɛ majigi ka kɛnyɛ ni jigi ye, Ala y'o min di aw ma ye.

Kor fɔlɔ 4:1

O la, mɔgɔw ka kan k'anw jati Krista ka baaradenw ye, ani mɔgɔ minw bɛ Ala ka baara kunna.

Galasikaw 1:13

Ne tun bɛ cogo min na fɔlɔfɔlɔ, Zuwifu ka Alasira taama na, aw y'o mɛn cɔ! Ne tun bɛ Ala ka jama tɔɔrɔ kosɛbɛ. Hali ne tun b'a fɛ a koo ka dabila pewu.

Ɛfɛsikaw 1:10

A y'a latigɛ n'o koo kɛwaati sera tuma min na, a ka fɛɛn bɛɛ lajɛn minw bɛ sankolo la ani minw bɛ dugukolo kan, Krista ka kɛ u bɛɛ kuntigi ye.

Ɛfɛsikaw 3:7

Ala ye nɛɛma kɛ ne ye a ka sebagaya barika la, ka ne kɛ kibaru diman nin fɔbaga ye.

Ɛfɛsikaw 3:8

Ne min ye Ala ka mɔgɔw bɛɛ la kɔmɔgɔ ye. O bɛɛ n'a ta, Ala ye nɛɛma kɛ ne ye waasa ne ka Krista ka nyumanya fɔ siya wɛrɛw ye, daan tɛ nyumanya min na.

Ɛfɛsikaw 3:9

Ala min ye fɛɛn bɛɛ dan, ale ye koo min dogo kabini waatijan, ne k'o koo kɛcogo fɔ ka gwɛ.

Ɛfɛsikaw 4:21

Aw kɔni y'a koo mɛn, aw kalanna o la ka kɛnyɛ n'a ka tinyɛ ye.

Ɛfɛsikaw 4:7

Nga a ye nɛɛma kɛ an kelen kelen bɛɛ ye ka kɛnyɛ ni seko ye Krista ye min d'an ma.

Kɔlɔsikaw 1:4

Bari an y'a mɛn ko aw fana lara Yezu Krista la ani ko aw bɛ Ala ka mɔgɔw kanu.

Kɔlɔsikaw 1:6

O le sera dinyɛ yɔrɔ bɛɛ la, n'a bɛ baara kɛra yen kosɛbɛ, i n'a fɔ a b'a kɛra aw fɛ cogo min na, kabin'a sera aw fɛ, aw sɔnna a ma, o le y'aw dɛmɛ ka Ala ka nyumanya lɔn sɛbɛ sɛbɛ la.

Tim fɔlɔ 1:11

O kalan nin bɛ sɔrɔ kibaru diman kɔnɔ, dubatigi Ala ye o min fɔko kalifa ne ma.

Tim fɔlɔ 1:4

U bɛ fɔlɔfɔlɔko minw fɔ u kunfɛ ani mɔgɔw buruju fɔko, i k'a fɔ u ye k'u k'o dabila, a bɛ sɔsɔli le caya. Ala sago tɛ se ka kɛ ten, a bɛ se ka kɛ lanaya le barika la.

Tim fɔlɔ 2:7

O le kɔsɔn ne welela ka kɛ ciden ani waajulikɛla ye, ka siya wɛrɛw kalan u ka la Yezu la, ani ka tinyɛ lɔn. Ne bɛ tinyɛ le fɔra, ne tɛ galon tigɛra.

Tim 2nan 1:11

Ala ye ne wele o kibaru diman fɔli kama ka n kɛ ciden ni karamɔgɔ ye.