Ɛfɛsikaw 2:2 - LAYIDUKURA

² aw tun b'o minw kɛ fɔlɔfɔlɔ, ka kɛnyɛ ni adamaden cogo, ani jinaw kuntigi min bɛ sanfɛ ta ye fana, o min bɛ baara kɛ ni mɔgɔmurutininw ye halibi.

Jula NT of Côte d’Ivoire

² Aw tun bɛ tagama o terenbariyakow, ani o jurumunw le ra, ka kaɲa ni nin dunuɲa ta cogo ye, ani ka kaɲa ni dunuɲa fanga ta kuntigiba sago ye; mɔgɔ minw bɛ muruti Ala ma, o nin le bɛ baara kɛ olugu kɔnɔ.

ALA KA KUMA

² aw tun be minw kɛ fɔlɔfɔlɔ, ka kɛɲɛ ni adamadenya ye, ani sanfɛ jinaw kuntigi ta ye fana, min be baara kɛ ni mɔgɔmurutininw ye halibi.

Ɛfɛsikaw 2:2 Iomraidhean Croise

Matiyu 11:19

Mɔgɔ Dencɛ nana, a bɛ dumuni kɛ, a bɛ dɔrɔ min, mɔgɔw ko a nugu ka bon, ko a ye dɔrɔtɔ ye. U ko wusuruminɛlaw ni kojugukɛla wɛrɛw teri lo. Nga, nafa min sɔrɔla Ala ka baara la, o b'a ka hakilitigiya yira.”

Matiyu 13:22

Mɔgɔ minw bɛ o kuma mɛn, nga, ni nafolo koo, ni dinyɛ hami koo, ni nyanagwɛ koow b'o kuma kɛ kuma gwansan ye u nyana, n'a tɛ foyi nya u ye, olu bɔnin bɛ binjugu yɔrɔ fɛ.

Matiyu 13:38

Foro nin, o ye dinyɛ ye. Sumansi, o ye Ala ka mɔgɔw ye. Binjugu nin, o ye Sutana ka mɔgɔw ye.

Marika 4:19

dinyɛ kɔnɔ hakilinyagamikow, ni nafoloko, ani fɛɛn wɛrɛw nigɛ bɛ kɛ sababu ye, u b'o kuma kɛ kuma fu ye fɔɔ nafa dɔɔni yɛrɛ tɛ sɔrɔ a la.

Luka 16:8

“Cɛɛ nanbarantɔ nin ka kuntigi y'a tando a ka cekuya kɔsɔn. Tinyɛ na, nin dinyɛ mɔgɔw bɛ koow kɛ ni cekuya ye u ni nyɔgɔn cɛ ka tɛmɛ Alalɔnbagaw kan.”

Luka 22:31

Yezu y'a fɔ ko: “Simɔn, Simɔn, Sutana ye sira nyini waasa k'i yuguyugu i n'a fɔ mɔgɔ bɛ mugu tɛntɛn cogo min na,

Yuhana 12:31

Dinyɛ kitiwaati sera sisan sisan yɛrɛ, dinyɛ nin kuntigi bɛna gwɛn ka to kɛnɛma.

Yuhana 13:2

K'u to dumuni na, ale n'a ka kalandenw, o y'a sɔrɔ Sutana tun ye Simɔn deen Zuda Isikariyɔti kɔnɔ fa ka ban ni Yezu janfako ye.

Yuhana 13:27

A ye lɔgɔma nin di tuma min na, o waati yɛrɛ la Sutana y'a daminɛ ka baarajugu kɛ Zuda dusu la. Yezu y'a fɔ a ye ko: “E b'a fɛ ka fɛɛn min kɛ, i ka banba k'o kɛ sa.”

Yuhana 14:30

K'a ta sisan ma ne tɛna kuma caaman fɔ n'aw ye tugu, bari dinyɛ nin kuntigi bɛ nana. A tɛ se ne kɔrɔ.

Yuhana 15:19

N'aw tun kɛra dinyɛ ta ye, dinyɛ mɔgɔw tun bɛna aw kanu, nga aw ma kɛ dinyɛ ta ye. Ne le ye aw woloma ka bɔ dinyɛ mɔgɔw la, o la dinyɛ mɔgɔw b'aw kɔniya.

Yuhana 16:11

Min ye kitiko ye, a bɛn'a yira u la ko Ala ye dinyɛ nin kuntigi kiti ka ban.

Yuhana 7:7

Adamadenw kɔni tɛ se k'aw kɔniya. Nga u bɛ ne kɔniya, bari ne bɛ to k'a fɔ ko u ka kɛwaliw ka jugu.

Yuhana 8:23

Yezu y'u jaabi ko: “Aw ye dugukolo kan mɔgɔw ye, nga ne bɔra sankolo la. Aw ye dinyɛ nin ka mɔgɔw ye. Nga, ne tɛ yan mɔgɔ ye.

Yuhana 8:44

Aw faa ye Sutana le ye. Aw do b'a fɛ k'ale sago le kɛ. Kabini dinyɛ daminɛtuma na, ka mɔgɔ nii bɔ, o le kɛra a sago ye. A ma sɔn ka tinyɛ fɔ ka ye, bari tinyɛtigi tɛ. N'a bɛ kuma o kuma fɔ, o bɛɛ bɛ kɛ galon ye, bari, ale yɛrɛ le ye galon faa ye.

Kɛwalew 19:35

Cɛɛ min tun bɛ to ka dugu ka nyɔgɔnyebaw kunnafoniw sɛbɛn, ale sera ka mɔgɔw fɛnkɛ u jera. A ye kuma ta k'a fɔ ko: “N badenw, an ka joba, min ye Aritemi ye, mɔgɔ jumɛn bɛ yen n'a t'a lɔn ko a juu maranin tɛ an Efɛzikaw fɛ? A jaa min bɔra sankolo la ka ben an fɛ yan, jon t'o kala ma Efɛzi?

Kɛwalew 5:3

O tuma na, Piyɛri y'a fɔ a ye ko: “Ananiyasi, a kɛra di i y'a to Sutana sera i kɔrɔ fɔɔ i bɛ galon tigɛ Nii Senuman ye? Mun na i ye foro sɔngɔ nin dɔ dogo?

Rɔmukaw 12:2

Aw kana aw yɛrɛ kɛnyɛ ni bii dinyɛ ye, nga aw ye hakilikura min sɔrɔ, aw jogo ka yɛlɛma ka kɛnyɛ n'o ye, janko aw ka se ka Ala sago lɔn, o min ye konyuman ye, min ka di Ala ye, n'a dafanin bɛ.

Kor fɔlɔ 5:10

Ne kaan tɛ dinyɛ kakalaw ma, walima sɔnjuguw, walima soonw, walima josɔnlaw ma dɛ, bari o tɛ se ka kɛ n'aw ma bɔ dinyɛ na.

Kor fɔlɔ 6:11

Aw dɔw tun bɛ ten fana, nga aw saniyara ka kɛ Ala taw ye, ani ka kɛ mɔgɔtilenninw ye, an Matigi Yezu Krista tɔgɔ la ani an ka Ala ka Nii Senuman barika la.

Kor 2nan 4:4

Minw tɛ la Ala la, dinyɛ kuntigi Sutana ye olu hakili dibi waasa u kana se ka kibaru diman yeelen ye o min bɛ Krista ka nɔɔrɔ yira, ale min ye Ala jaa ye.

Galasikaw 1:4

Ale Krista min y'a yɛrɛ nii di k'an kunmabɔ an ka kojugu la, waasa k'an tilan ka bɔ bii dinyɛ juguman nin bolo, ka kɛnyɛ n'an Faa Ala sago ye.

Ɛfɛsikaw 1:21

A siginin bɛ fangatigi yebaliw ni kuntigiw ani setigiw ni masaw bɛɛ kunna, ani fɛɛn wɛrɛw minw tɔgɔ bɛ se ka wele bii ani sini, a b'u bɛɛ kunna.

Ɛfɛsikaw 2:11

Aw ma kɛ Zuwifuw ye. Zuwifuw b'aw wele ko kɛnɛkɛnɛbaliw, k'u yɛrɛ wele ko kɛnɛkɛnɛninw, k'a sɔrɔ u ka kɛnɛkɛnɛko kɛra adamaden bolonɔ ye. Aw tun bɛ cogo min na fɔlɔ la, aw k'aw hakili jigi o la.

Ɛfɛsikaw 2:13

Aw yɔrɔ tun ka jan Ala la, nga sisan, aw gwɛrɛla a la Yezu Krista kɔsɔn a joli barika la.

Ɛfɛsikaw 2:3

An fana, an bɛɛ tun kɛra i n'a fɔ olu, an tun b'an ta farisogo nigɛlakow fɛ, k'a sago kɛ, ani k'an yɛrɛ ka miiriya kɛ. Ka kɛnyɛ n'an cogo ye, Ala tun bɛ dimi an kɔrɔ i n'a fɔ tɔw fana.

Ɛfɛsikaw 4:17

Ne bɛ min fɔ aw ye k'a gwɛlɛya Matigi barika la, o ye nin ye: ko aw kana taama i n'a fɔ Alalɔnbaliw bɛ taama cogo min na u ka miiriya fufafu fɛ.

Ɛfɛsikaw 4:22

O la, aw k'aw jogokɔrɔ bila, o min tun ye juguya ni nigɛjuguw ye, olu sababu la, aw tun bɛ fili.

Ɛfɛsikaw 5:6

Aw kana sɔn mɔgɔ si k'aw nyagami n'a ka kuma fufafu ye, bari o nyɔgɔn le b'a to Ala bɛ dimi a ka kuma labatobaliw fɛ.

Ɛfɛsikaw 5:8

Fɔlɔfɔlɔ, aw kɔnɔ tun finnin lo, sisan aw kɔnɔ gwɛnin lo Matigi barika la. Mɔgɔ minw kɔnɔ gwɛnin lo, aw ka taama i n'a fɔ olu,

Ɛfɛsikaw 6:12

Bari an tɛ kɛlɛ kɛ ni adamadenw ye, nga an bɛ kɛlɛ kɛ ni dinyɛjugu kuntigiw ye, ani sanfɛ fangatigiw ye, ni setigiw, ani jinaw ye.

Kɔlɔsikaw 1:21

Aw minw yɔrɔ tun ka jan Ala la fɔlɔfɔlɔ, ani aw tun ye Ala juguw ye aw ka miiriya, n'aw ka kɛwalijuguw kɔsɔn,

Tim 2nan 4:10

Demasi faranna ne la bari a ye dinyɛ kanu ka tɛmɛ, a taara Tesaloniki. Keresan taara Galati mara la, Titi fana taara Dalimati mara la.

Yakuba 1:27

Alasira taamacogo min tilennin bɛ, ni finyɛ t'a la an Faa Ala nyakɔrɔ, o filɛ: e k'i janto falatɔw ni firiyamusow la u ka tɔɔrɔ tuma na. Ani e k'i yɛrɛ tanga dinyɛ ka koo nɔgɔninw bɛɛ ma.

Yakuba 1:7

O tigilamɔgɔ kan'a miiri ko a bɛna fɛɛn dɔ sɔrɔ Matigi fɛ.

Yakuba 4:4

Kakala nunu! Aw m'a lɔn ko ni mɔgɔ min ye dinyɛ koo diya a yɛrɛ ye, k'o tigi ni Ala tɛ bɛn wa? Ayiwa, ni mɔgɔ min bɛ dinyɛ koo diya a yɛrɛ ye, o tigi b'a yɛrɛ kɛ Ala jugu ye.

Piy fɔlɔ 1:14

Aw ka mɛnni kɛ Ala fɛ i n'a fɔ dennyumanw. Aw kana taama nigɛlafɛnw kɔ i n'a fɔ aw tun b'a kɛ cogo min na k'aw to kolɔnbaliya la.

Piy fɔlɔ 4:3

Aw y'aw yɛrɛ nigɛlako minw kɛ ka tɛmɛ, o b'aw bɔ, i n'a fɔ kakalaya, nigɛjuguw, dɔrɔtɔya, nugubatɔya, dɔrɔminkojugu, ani subagaya i n'a fɔ Alalɔnbaliw b'a kɛ cogo min na.

Piy 2nan 2:14

Kakalaya nigɛ tɛ bɔ u la, u bɛ kojugu kɛ tuma bɛɛ. Fanga tɛ minw na, u bɛ olu kunna cɛn. Wariko le ka di u ye kojugu. U danganin lo.

Zan fɔlɔ 3:10

Ala deenw ni Sutana ka mɔgɔw bɛ lɔn ka bɔ nyɔgɔn na kɛwali nunu le fɛ. Mɔgɔ o mɔgɔ tɛ tilenninya sira taama, ani n'a t'a mɔgɔnyɔgɔn kanu, o tigi tɛ Ala ta ye.

Zan fɔlɔ 3:8

Min bɛ to ka kojugu kɛ, o tigi ye Sutana ka mɔgɔ ye, bari Sutana ye kojugukɛla ye kabini fɔlɔfɔlɔ. Ala Dencɛ nana, waasa ka Sutana ka kɛwaliw cɛn.

Zan fɔlɔ 4:4

Ne deenw, aw kɔni ye Ala taw ye. Aw sera kira nunu kɔrɔ bari Nii Senuman bɛ ni aw ye. Ale fanga ka bon ni Sutana ta ye, o min bɛ dinyɛ kɔnɔ.

Zan fɔlɔ 5:19

Anw y'a lɔn ko anw ye Ala deenw ye. Nga dinyɛ kɔnɔ fɛɛn tɔw bɛɛ bɛ Sutana ka sago kɔrɔ.

Zan fɔlɔ 5:4

bari mɔgɔ min ye Ala deen ye ka ban, o tigi sera dinyɛ kɔrɔ. Jigi min b'an fɛ, o le b'a to an bɛ se dinyɛ kɔrɔ.

Yirari 12:9

Misɛli ye Sogojuguba nin n'a kɔmɔgɔw gwɛn ka jigi dugukolo kan. U b'ale Sogojugu nin le wele fana ko sakɔrɔ, jinaw kuntigi, Sutana, dinyɛ nyagamibaga.

Yirari 13:14

Sebagaya min dir'a ma, a y'o kɛ ka mɔgɔ caaman lafili Sogo fɔlɔ nin nyana. A y'a fɔ mɔgɔw ye k'u ka Sogo fɔlɔ nin jaa dilan k'a bonya, o Sogo min tun mandimina n'a ma sɔrɔ ka sa.

Yirari 13:8

U tun ye Sagaden min faga kabini dinyɛ dantuma, mɔgɔ nyanamanw ka tɔgɔ bɛ ale ka sɛbɛ min kɔnɔ, mɔgɔ minw tɔgɔ tɛ o kɔnɔ, olu bɛɛ bɛna sogo nin bato.

Yirari 16:17

O kɔ, mɛlɛkɛ wolonwulanan y'a ta yɛlɛma fɔnyɔ na. Kumakanba dɔ bɔra masasigilan yɔrɔ la Alabatoso kɔnɔ ko: “A bɛɛ dafara sisan.”

Yirari 20:2

A ye Sogojugu nin minɛ, o min ye sakɔrɔ nin ye, n'o ye Sutana ye fana. A y'a minɛ ka jɔrɔkɔ kɛ a la, a ka kan ka saan waa kelen kɛ jɔrɔkɔ la.