Ɛfɛsikaw 1:4 - LAYIDUKURA

⁴ Bari, ale Krista le barika la Ala y'an woloma kabini dinyɛ ma dan fɔlɔ, waasa an ka kɛ mɔgɔnyumanw ye a nyakɔrɔ, jalakiyɔrɔ tɛ minw na kanuya barika la.

Jula NT of Côte d’Ivoire

⁴ Sabu sani dunuɲa ye dan, Ala tun ka an ɲanawoloma ka ban ka an don Kirisita ta jɛnɲɔgɔnya ra, janko an ye saninya, jarakiyɔrɔ si kana sɔrɔ an na a ɲa kɔrɔ.

ALA KA KUMA

⁴ Bari, ale Krista le barika la Ala y'an woloma kabini diɲɛ ma dan fɔlɔ, waasa an ka kɛ mɔgɔɲumanw ye a ɲakɔrɔ, jalakiyɔrɔ te minw na kanuya barika la.

Ɛfɛsikaw 1:4 Iomraidhean Croise

Matiyu 24:22

Ni Ala tun m'a latigɛ ko a bɛna dɔ bɔ o tɔɔrɔ waati la, mɔgɔ si tun tɛna kisi, nga a ye minw woloma k'u kɛ a yɛrɛ taw ye, olu kɔsɔn, dɔ bɛna bɔ a la.

Matiyu 24:24

bari mɔgɔ dɔw bɛna galon tigɛ, k'olu ye Ala ka Mɔgɔwolomanin nin ye. Dɔw fana bɛn'a fɔ k'olu ye kira ye. U bɛna kabakobaw kɛ ka mɔgɔw lafili n'o ye. Ala ye mɔgɔ minw woloma k'u kɛ a yɛrɛ taw ye, n'u tun bɛ se, u tun bɛna olu fana lafili.

Matiyu 24:31

A bɛn'a ka mɛlɛkɛw ci ni buru fiyɛta belebele ye. A ye mɔgɔ minw woloma k'u kɛ a taw ye, u bɛna taa dinyɛ faan naani bɛɛ la k'olu lajɛn.

Matiyu 25:34

O kɔ, a bɛn'a fɔ a kinibolo la taw ye ko: ‘Aw ye na ne Faa ka dubadenw, ka don a ka masaya yɔrɔ la, o min tun labɛnna aw ye kabini dinyɛ dantuma.

Yuhana 10:16

Saga wɛrɛw bɛ ne fɛ minw tɛ wɛɛrɛ nin kɔnɔ. U bɛna na n kaan mɛn. Fɔɔ n ka na n'u ye, u bɛɛ bɛ kɛ kulu kelen ye, ani dɛndɛbaga kelen u kɔ.

Yuhana 15:16

A ma kɛ ko aw le ye ne woloma dɛ, ne le ye aw woloma k'aw bila janko aw ka taa ka baara caaman kɛ, ani o baara nafa ka to, janko aw mana fɛɛn o fɛɛn dali n Faa fɛ ne tɔgɔ la, a k'o di aw ma.

Yuhana 17:24

N Faa, e ye minw woloma k'o di ne ma, ne b'a fɛ ne bɛ yɔrɔ min na olu fana ka kɛ o yɔrɔ la, i ye bonya min la ne kan u ka se k'o ye, bari e ye ne kanu kabini fɔlɔfɔlɔ sanni dinyɛ ka dan.

Kɛwalew 13:48

Siya wɛrɛ minw tun bɛ yen, olu nisɔn diyara kosɛbɛ, k'a daminɛ ka Ala tando. Minw tun ka kan ni sini hɛrɛ ye, olu bɛɛ lara Matigi la.

Kɛwalew 15:18

bari o koo lɔnnin lo kabini fɔlɔ.’

Kɛwalew 18:10

Bari ne bɛ n'i ye. Mɔgɔ si tɛna se ka kojugu kɛ i la, bari ne ka mɔgɔw ka ca dugu nin kɔnɔ.”

Rɔmukaw 8:33

Ala ye mɔgɔ minw woloma, jon le bɛna se ka olu jalaki? Ala yɛrɛ le y'u jati mɔgɔtilenninw ye.

Kor fɔlɔ 1:8

Ala kelen le bɛ barika don aw la fɔɔ ka taa se an Matigi Yezu Krista nalon ma, jalakiyɔrɔ kana sɔrɔ aw la o loon na.

Galasikaw 5:13

N balimaw, aw welela hɔrɔnyali le kama. O hɔrɔnyali nin kana kɛ sababu ye aw b'aw farikolo sago kɛ. Nga aw ka nyɔgɔn kanu ka nyɔgɔn dɛmɛ.

Galasikaw 5:22

Nga Nii Senuman bɛ fɛɛn minw di, o ye nin ye: Kanuya, nisɔndiya, hɛrɛ, munyuli, nyumanya, hinɛ, tilenninya, sabali, ni yɛrɛminɛ.

Galasikaw 5:6

N'an lanin bɛ Yezu Krista la, i kɛnɛkɛnɛna wo, walima i ma kɛnɛkɛnɛ wo, o si tɛ foyi ye. Min ye koo kuun ye, o ye jigi ye, min b'a to n'an bɛ baara kɛ kanuya kɔsɔn.

Ɛfɛsikaw 2:10

An ye Ala bolonɔ ye, a y'an dan Yezu Krista barika la kɛwalinyumanw kama, Ala y'o minw latigɛ kabini fɔlɔfɔlɔ janko an k'o kɛ.

Ɛfɛsikaw 3:17

janko Krista koo ka se ka sigi aw kɔnɔ jigi barika la, kanuyasɛbɛ ka se ka sɔrɔ aw kɔnɔ fɔɔ ka nya.

Ɛfɛsikaw 4:2

k'aw yɛrɛ majigi koo bɛɛ la ka kɛ mɔgɔsabalininw ye, ka munyuli kɛ, ka nyɔgɔn dɛmɛdɛmɛ kanuya la.

Ɛfɛsikaw 5:2

Aw ka koo bɛɛ kɛ ni kanuya ye, i n'a fɔ Krista, ale min y'an kanu k'a yɛrɛ di ka kɛ saraka ye an kɔsɔn o min diyara Ala ye i n'a fɔ wusulan.

Ɛfɛsikaw 5:27

a ka jama dafanin ka sɔrɔ a yɛrɛ nyakɔrɔ, nɔɔ si kana ye a kan, ni kurukuruyɔrɔ ani dɛsɛyɔrɔ si kana ye a la. A b'a fɛ a ka jama ka kɛ a nyanaman ye, jalakiyɔrɔ kana sɔrɔ a la.

Filipikaw 2:15

waasa aw ka kɛ mɔgɔ jalakibaliw ye, ni mɔgɔnyumanw, ani Ala deenw ye, juguya tɛ minw kɔnɔ fewu dinyɛ mɔgɔw cɛma, olu minw ka jugu ani u tilennin tɛ. Aw ka kɛ yeelen ye u cɛma i n'a fɔ lolow.

Kɔlɔsikaw 1:22

sisan Ala bɛnna n'aw ye a Dencɛ ka saya barika la, waasa aw saniyanin, ni jalakibali ka se ka lɔ a nyakɔrɔ.

Kɔlɔsikaw 2:2

waasa olu ka se ka jigitugu sɔrɔ, ani u ka se ka kɛ kelen ye kanuya la, fɛɛn min dogonin tun bɛ Ala fɛ, ka hakili nyanaman sɔrɔ ka se k'o lɔn, o min ye Krista ye.

Kɔlɔsikaw 3:12

Ala ye aw woloma k'aw kɛ a ka mɔgɔw ye ani aw koo ka di a ye kosɛbɛ. O la, aw ka kɛ mɔgɔnyumanw ye, minw bɛ makari. Aw k'aw yɛrɛ majigi, ka kɛ mɔgɔsabalininw ye, minw bɛ munyuli kɛ.

Tes fɔlɔ 3:12

Kanuya min bɛ aw ni nyɔgɔn cɛ, ani mɔgɔ wɛrɛw faan fɛ, Matigi k'o sabati kosɛbɛ i n'a fɔ an b'aw kanu cogo min na.

Tes fɔlɔ 4:7

Bari Ala m'an wele kakalaya kama, nga a y'an wele ka kɛ mɔgɔnyumanw le ye.

Tim 2nan 1:9

Ale min ye an kisi ni ka an wele ka kɛ a ka siya ye, o ma kɛ an ka kɛwalinyuman sababu la, nga ale yɛrɛ ka koo latigɛnin, n'a ka nɛɛma sababu lo. A y'o nɛɛma labɛn an ye Yezu Krista barika la kabini dinyɛ ma dan fɔlɔ.

Tim 2nan 2:10

O le y'a to ne bɛ koo bɛɛ munyu Ala ka mɔgɔwolomaninw kɔsɔn, waasa olu fana ka kisi Yezu Krista barika la, ani ka bonya sɔrɔ daan tɛ min na.

Tim 2nan 2:19

O bɛɛ n'a ta, Ala ye koo min dabɔ, o bɛ to a nɔɔ na, kuma nin le kɛra o taamasinyɛ ye, ko: “Minw kɛra Matigi ta ye, a b'olu lɔn,” ani “Mɔgɔ minw bɛɛ bɛ Matigi bato, olu ka faran tilenbaliya koo la.”

Yakuba 2:5

N badenw, aw minw koo ka di ne ye, aw ye mɛnni kɛ, minw bɛ jati faantanw ye dinyɛ kɔnɔ, Ala m'u woloma k'u kɛ fɛntigiw ye lanaya koo la, ani k'u ladon a ka mara la wa? A tun y'a daa di a kanubagaw ma o min koo la.

Piy fɔlɔ 1:2

Faa Ala y'aw woloma kabini fɔlɔ, k'aw kɛ a taw ye Nii Senuman barika la, waasa ka mɛnni kɛ Yezu Krista fɛ ani ka saniya a ka joli bɔnnin na. Ala ka nɛɛma ni hɛrɛ kɛ aw ye tuma bɛɛ.

Piy fɔlɔ 1:20

o min tun labɛnna o kama kabini dinyɛ ma dan fɔlɔ. Nga o koo kɛra sisan laban tuma nin na aw le kama.

Piy fɔlɔ 2:9

Nga aw kɔni, Ala ye aw woloma k'aw kɛ ale Masaba ka sarakalasebagaw, n'a ka jama ye. A y'aw sama ka bɔ dibi la k'aw bila a ka kɛnɛba la janko aw k'a ka nyumanya koo fɔ.

Piy 2nan 3:14

Ayiwa, n teriw, o kama, aw labɛnnin ka to o makɔnɔni na, aw ye jija jalakiyɔrɔ kana sɔrɔ aw la Ala fɛ, aw ni Ala ka bɛn.

Zan fɔlɔ 4:16

Ala b'an kanu cogo min na, anw kɔni b'o lɔn, ani anw lara o la. N'i ko Ala, i ko kanuya. Ni mɔgɔ min b'a mɔgɔnyɔgɔn kanu, o tigi nɔrɔnin bɛ Ala la, Ala fana bɛ n'o tigi ye.

Yirari 13:8

U tun ye Sagaden min faga kabini dinyɛ dantuma, mɔgɔ nyanamanw ka tɔgɔ bɛ ale ka sɛbɛ min kɔnɔ, mɔgɔ minw tɔgɔ tɛ o kɔnɔ, olu bɛɛ bɛna sogo nin bato.

Yirari 17:8

I ye Sogo min ye, a tun bɛ yen fɔlɔ la, nga sisan a tɛ yen tugu, A bɛna na bɔ Dingɛjugu la ka ta'a halakiyɔrɔ. Kabini dinyɛ dantuma, adamaden minw tɔgɔ tɛ Ala ka sɛbɛ kɔnɔ, olu bɛɛ bɛna Sogo nin ye, ka kabakoya a koo la, bari a tun bɛ yen fɔlɔ la, nga sisan a tɛ yen tugu. O n'a ta bɛɛ, a bɛna na tugu.