Tim fɔlɔ 6:4 - LAYIDUKURA

⁴ o tigi ye yɛrɛbonyala dama ye. A tɛ foyi lɔn. Sɔsɔli ka d'a ye kosɛbɛ ani a bɛ kuma samasama, o min bɛ na ni nyagoya ni kɛlɛ ye, ani tɔgɔ cɛnni, ni bisigijugu.

Jula NT of Côte d’Ivoire

⁴ yɛrɛbonya le bɛ o tigi ra, a tɛ foyi lɔn; a bɛ sɔsɔri kɛ, ka kɛrɛ lawuri kuma dɔrɔn kosɔn, i ko kuma ta bana bɛ mɔgɔ min na. O le bɛ na ni ɲangboya ye, ani kɛrɛ, ani kumajuguw, ani miirijuguw,

ALA KA KUMA

⁴ o tigi ye yɛrɛboɲala dama ye. A te foyi lɔn. Sɔsɔli ka d'a ye kosɔbɛ ani a be kuma samasama, min be na ni ɲagoya ni kɛlɛ ye, ani tɔgɔ cɛnni, ni ŋaniyajugu.

Tim fɔlɔ 6:4 Iomraidhean Croise

Kɛwalew 15:2

Mankanba wilila o mɔgɔw ani Pɔli ni Barinabasi nunu cɛ. U ye nyɔgɔn sɔsɔ kosɛbɛ. O kɔ, u y'a ;naniya ko Pɔli, ni Barinabasi, ani Antiyɔsi kalanden dɔw ka taa Zeruzalɛmu ka koo nin nyafɔ cidenw, ni Ala ka jama nyamɔgɔw ye.

Kɛwalew 18:15

Nga nin ye Zuwifuw dama ka koo ye, bari aw bɛ nyɔgɔn sɔsɔra kalanko ni tɔgɔ koow ani sariya koow le la. Aw y'o nyanabɔ aw ni nyɔgɔn cɛ. Ne tɛ se ka o koo nunu nyɔgɔn kiti tigɛ.”

Kɛwalew 8:9

Cɛɛ dɔ tun b'o dugu nin kɔnɔ, min tɔgɔ tun ko Simɔn. A tun bɛ jinamoriya kɛ ka dugu mɔgɔw bɛɛ kabakoya, k'a yɛrɛ kɛ mɔgɔba ye.

Rɔmukaw 12:16

Bɛɛn ka sɔrɔ aw ni nyɔgɔn cɛ. Aw kana aw yɛrɛ bonya, k'aw yɛrɛ jati kolɔnbagaw ye, aw k'aw yɛrɛ majigi.

Rɔmukaw 13:13

An ka taama tilenninya la i n'a fɔ mɔgɔ bɛ taama cogo min na tile fɛ. An kana kɛ nugubatɔw ni dɔrɔtɔw ye. An k'an yɛrɛ kɔlɔsi kakalaya sifa bɛɛ ma, an kana kɛ kɛlɛtigɛlaw ye, ani keliya kana sɔrɔ an dusu la.

Rɔmukaw 14:1

Mɔgɔ min barika ka dɔgɔ Krista ka sira la, aw k'ale minɛ ka nya, aw kana to a kɔrɔfɔli la.

Rɔmukaw 2:8

Nga minw bɛ sɔsɔli kɛ ka muruti tinyɛ ma ka to kojugu la, olu ta ye dusubɔ ni dimi ye.

Kor fɔlɔ 11:16

Ni mɔgɔ dɔ b'a fɛ ka sɔsɔli kɛ o koo la, anw, ni Ala ka jama ma deli o la.

Kor fɔlɔ 11:18

A fɔlɔ, ne b'a mɛnna ko n'aw ye nyɔgɔn lajɛn tuma min na, aw bɛ faranfaran ka kɛ danna danna. N bɛ miiri ko a bɛ se ka kɛ tinyɛ ye, ko aw tilannin lo jɛnkulu jɛnkulu ye.

Kor fɔlɔ 3:18

Mɔgɔ si kan'a yɛrɛ nigɛ. Ni mɔgɔ dɔ b'aw cɛma min b'a yɛrɛ jati hakilitigi ye dinyɛ na, o tigi ka sɔn fatɔya ma fɔlɔ ka sɔrɔ ka kɛ hakilitigi ye,

Kor fɔlɔ 3:3

Ni keliya ni kɛlɛ b'aw cɛma, aw k'a lɔn ko halibi adamadenya b'aw la, aw ni mɔgɔ tɔw bɛɛ bɛ kɛ kelen ye.

Kor 2nan 11:20

Aw bɛ sɔn u b'aw minɛ i n'a fɔ jɔɔnw, ani u ka ben aw kan k'aw tɔnyɔ, ani k'aw dɔgɔya, hali n'u b'aw tulo ci, aw b'o bɛɛ munyu.

Galasikaw 5:15

Nga n'aw tora nyɔgɔnnyimi na ni nyɔgɔnmandimini na i n'a fɔ kongosogow, aw k'aw yɛrɛ kɔlɔsi. N'o tɛ, aw bɛna nyɔgɔn ban.

Galasikaw 5:26

An kana kɛ tɔgɔnyinilaw ye gwansan, ka to k'an tɔnyɔgɔnw darabɔ. An nyaa kana bɔ an tɔnyɔgɔnw ka fɛɛnw na.

Galasikaw 6:3

Bari ni mɔgɔ dɔ bɛ miiri ko ale ka fisa, k'a sɔrɔ a tɛ foyi nya, a b'a yɛrɛ nigɛra le.

Filipikaw 1:15

Tinyɛ na, mɔgɔ dɔw bɛ Krista ka kibaru fɔ ni keliya ani kɔnɔnajuguya ye, nga dɔw kɔni b'a fɔra ni kɔnɔgwɛ ye.

Filipikaw 2:14

Aw ka koo bɛɛ kɛ, ;nunu;nunu ni sɔsɔli kana sɔrɔ a si la,

Filipikaw 2:3

Aw kana foyi kɛ ni kɔnɔnajuguya ye, ani yɛrɛbonya ye, nga aw k'aw yɛrɛ majigi k'aw tɔnyɔgɔn filɛ ko a ka fisa n'aw ye.

Kɔlɔsikaw 2:18

Mɔgɔ minw b'a kɛ i n'a fɔ u majiginin lo ani minw bɛ to ka mɛlɛkɛw bato, aw kan'a to u si k'aw nyagami. U jijanin lo u ka fɛɛn yetaw fɔko la. U b'u yɛrɛ bonya ni adamaden ka miiriya dama ye.

Tes 2nan 2:4

Ale bɛna wili batofɛn bɛɛ kama k'a yɛrɛ bonya ka taa sigi Alabatosoba kɔnɔ k'a yɛrɛ kɛ Ala ye.

Tim fɔlɔ 1:4

U bɛ fɔlɔfɔlɔko minw fɔ u kunfɛ ani mɔgɔw buruju fɔko, i k'a fɔ u ye k'u k'o dabila, a bɛ sɔsɔli le caya. Ala sago tɛ se ka kɛ ten, a bɛ se ka kɛ lanaya le barika la.

Tim fɔlɔ 1:7

U b'a fɛ ka kɛ sariya karamɔgɔw ye, nga u bɛ kuma min fɔra, n'u lanin bɛ u yɛrɛ la o kuma nin koo la, u t'o faamu.

Tim fɔlɔ 3:6

A kana kɛ mɔgɔkura ye fana Ala ka jama cɛma, waasa yɛrɛbonya kana don a la ka kɛ sababu ye Sutana ka jalaki nyɔgɔn ka se a ma.

Tim 2nan 2:14

I ka mɔgɔw hakili jigi o koow la Ala nyakɔrɔ k'a gwɛlɛya u ma k'u ka u yɛrɛ kɔlɔsi sɔsɔli gwansan ma. O tɛ foyi nya fɔɔ k'u lamɛnbagaw nigɛ dɔrɔn.

Tim 2nan 2:23

I ka ban sɔsɔli gwansanw ma, i b'a lɔn k'olu bɛ kɛlɛw wili dɔrɔn.

Tim 2nan 3:4

U bɛna kɛ janfatiw ni dusutigiw ye. U bɛna kɛ mɔgɔw ye yɛrɛbonya bɛna fanga sɔrɔ minw kan. Dinyɛ koo bɛna diya u ye ka tɛmɛ Ala kan.

Tite 3:9

Nga i k'i yɛrɛ kɔlɔsi kumakolon, ni mɔgɔ buruju fɔko, ani sɔsɔli ni sariya koo mankan ma. U tɛ foyi nya, o ye gwansan ye.

Yakuba 1:19

N badenw, aw minw koo ka di ne ye, aw k'a lɔn kosɛbɛ ko mɔgɔ kelen kelen bɛɛ ka kan ka lamɛnni kɛ ka nya, nga a kana teliya ka kuma, a kana dimi joona.

Piy 2nan 2:12

O mɔgɔ nunu ka kɛwaliw ni begɛnw ta kɛra kelen ye. U ka laban ni begɛnw ta bɛna kɛ kelen ye. U bɛna halaki. U tɛ fɛɛn min lɔn, u bɛ kumajugu fɔ o le koo la.

Piy 2nan 2:18

U b'u daa di kobabaw la k'a sɔrɔ foyi! Minw sera ka bɔsi fɔlɔ taamacogojugu nunu ma sisan sisan, u bɛ olu nigɛ k'u ben n'u fari ka labilali ye, ni nyamɔgɔya ye.

Zude 1:10

O mɔgɔ nunu tɛ fɛɛn minw lɔn, u bɛ olu le lɔgɔbɔ. Lɔnniya min b'u fɛ, o ye adamaden ta ye, o ni kongosogo bɛɛ ta ka kan, o le b'u bila halakili la.

Zude 1:16

O mɔgɔ nunu dusu man di, u bɛ ;nunu;nunu, u bɛ taama ka kɛnyɛ n'u yɛrɛ ka nigɛjugu ye dama. U dalakuma bɛɛ kɛra yɛrɛbonya kuma ye, u bɛ mɔgɔw nigɛ u yɛrɛ ka nafa kama.

Yirari 3:17

Aw b'a miiri ko aw ye fɛntigiw ye, ko fɛɛn bɛɛ b'aw fɛ, ko aw wasara, k'a sɔrɔ aw m'a lɔn ko aw ye dɛsɛbagatɔw ye, ni makaritɔw, ni faantanw, ni finyɛntɔw ani fɛɛrɛtɔw ye.