Tim fɔlɔ 6:2 - LAYIDUKURA

² Jɔɔn minw ka kuntigiw jigi bɛ Krista kan, olu kana ban k'u bonya, ko bari u balimaw lo, nga u ka baara kɛ u ye kosɛbɛ, bari mɔgɔ minw b'u ka baara nunu tɔnɔ sɔrɔ, olu kɛra Krista kɔmɔgɔw ye aw yɛrɛ bɛ minw kanu. E ka mɔgɔw kalan ni o koo ye ani ka u ladi.

Jula NT of Côte d’Ivoire

² Minw fana matigicɛw ye lanabagaw ye, olugu kana o matigicɛw dɔgɔya, ko sabu o balemaw lo. O ka kan ka baara kɛ o ye ka ɲa, sabu o ta baara nafa bɛ o mɔgɔ minw kan, olugu ye o balema kanuninw le ye. I ka kan ka mɔgɔw karan nin le ra k’a fɔ o ye k’a gbɛlɛya.

ALA KA KUMA

² Jɔɔn minw kuntigiw lara Yezu la, olu kana ban k'u boɲa bari u balimaw lo, nga u ka baara kɛ u ye kosɔbɛ, bari mɔgɔ minw b'u ka baara nunu tɔnɔ sɔrɔ, olu kɛra Yezu kɔmɔgɔw ye aw yɛrɛ be minw kanu. E ka mɔgɔw kalan ni o koo nin ye ani ka u ladi.

Tim fɔlɔ 6:2 Iomraidhean Croise

Matiyu 23:8

Nga aw kɔni, aw kana sɔn u b'aw wele karamɔgɔ, bari aw bɛɛ ye balimaw ye, aw bɛɛ ka karamɔgɔ ye kelen ye.

Matiyu 25:40

A bɛna u jaabi ko: ‘Tinyɛ na, ne b'a fɔ aw ye, ko aw y'o koo minw kɛ ne balima o balima ye, aw y'o kɛ ne le ye.’

Matiyu 6:24

“Mɔgɔ si tɛ se ka baara kɛ kuntigi fila ye, bari a bɛna kelen kɔniya ka kelen kanu, walima a bɛna nɔrɔ kelen na k'a mako bɔ kelen na. O cogo la, aw tɛ se k'aw jigi la nafolo kan, ka baara kɛ Ala ye fana.

Kɛwalew 1:15

O waati la, kalanden mɔgɔ kɛmɛ ni mugan nyɔgɔn lajɛnnin tun bɛ yen. Piyɛri wilila ka lɔ u cɛma loon dɔ k'a fɔ ko:

Rɔmukaw 11:17

Isirayɛlidenw bɛ i n'a fɔ olivuyiri min tutunin bɛ foro kɔnɔ, aw siya wɛrɛw bɛ i na fɔ waga kɔnɔ ta. U ye foro kɔnɔ ta bolo dɔw tigɛ, k'aw ta ka nɔrɔ o nɔɔ na janko aw ka nɛɛma sɔrɔ o juu fɛ.

Rɔmukaw 8:29

Ala kɔnna ka mɔgɔ minw woloma kabini fɔlɔfɔlɔ, a kɔnna k'a latigɛ fana k'olu cogo ka kɛ i n'a fɔ a Dencɛ ta, janko a Dencɛ nin ka kɛ mɔgɔ caaman kɔrɔ ye.

Galasikaw 5:6

N'an lanin bɛ Yezu Krista la, i kɛnɛkɛnɛna wo, walima i ma kɛnɛkɛnɛ wo, o si tɛ foyi ye. Min ye koo kuun ye, o ye jigi ye, min b'a to n'an bɛ baara kɛ kanuya kɔsɔn.

Ɛfɛsikaw 1:1

Ne Pɔli min kɛra Yezu Krista ka ciden ye ka kɛnyɛ ni Ala sago ye, ne bɛ bataki nin ci Ala ka jama ma, min bɛ Efɛzi dugu kɔnɔ, aw minw kɛra mɔgɔsɛbɛw ye Yezu Krista ka jɛnnyɔgɔnya barika la.

Ɛfɛsikaw 1:15

O le y'a to, kabini ne y'a mɛn ko aw jigi lanin bɛ Matigi Yezu kan ani ko aw bɛ Ala ka mɔgɔw bɛɛ kanu,

Ɛfɛsikaw 3:6

O kɔrɔ ko siya wɛrɛw ye Isirayɛlidenw ka niyɔrɔ nyɔgɔn sɔrɔ Ala ka koo la, ani layidu koo la, ani ka jɛn ka kɛ kelen ye, kibaru diman kɔsɔn Yezu Krista barika la.

Kɔlɔsikaw 1:2

an bɛ bataki nin ci Ala ka jama ma Kɔlɔsi dugu kɔnɔ, aw minw kɛra balimasɛbɛw ye Krista barika la, an Faa Ala ka nɛɛma ni hɛrɛ kɛ aw ye.

Kɔlɔsikaw 1:4

Bari an y'a mɛn ko aw fana lara Yezu Krista la ani ko aw bɛ Ala ka mɔgɔw kanu.

Kɔlɔsikaw 4:1

Kuntigiw, koo minw ka nyi ani minw bɛnnin lo, aw fana k'o kɛ aw ka jɔɔnw ye, aw ka l'a la ko kuntigi dɔ bɛ aw fana fɛ arijana na.

Tes 2nan 1:3

N balimaw, an ka kan ka barika la Ala ye tuma bɛɛ aw koo la, o ka nyi. Bari aw jigi lanin lo Matigi kan kosɛbɛ ani kanuya min bɛ aw ni nyɔgɔn cɛ, o bɛ bonyana ka taa nya,

Tim fɔlɔ 4:11

I ka kan ka o le nyini mɔgɔw fɛ, ani k'u kalan n'o ye.

Tim fɔlɔ 5:1

N'i bɛ cɛkɔrɔba ladi tuma min na, i kana kuma gwɛlɛman fɔ a ye. Nga i k'a ladi i n'a fɔ i faa. I ka kanbelenw ladi i n'a fɔ i kɔrɔw, walima i dɔgɔw.

Tite 2:1

Ele kɔni, i ka mɔgɔw ladi ka kɛnyɛ ni kalannyuman ye.

Tite 2:15

O cogo la, i ka kan ka mɔgɔw kalan, k'u ladi, k'u filiyɔrɔ fɔ u ye ni kuntigiya ye. I kana to mɔgɔ si k'i dɔgɔya fana.

Tite 3:8

Kuma nin ye tinyɛ ye i bɛ se k'i jigi la o min kan. Ne b'a fɛ i ka to o kan k'a fɔ ka gwɛlɛya, waasa mɔgɔ minw ye u jigi la Ala kan, olu ka u yɛrɛ bila konyuman kɛli la, o le ka nyi ani nafa b'o la mɔgɔw fɛ.

Heburuw 3:1

O kɔsɔn, n badenw, aw minw kɛra Ala taw ye n'a y'aw wele sini hɛrɛ kama, aw ka Yezu filɛ, ale min ye Ala ka ciden, ni sarakalasebagaw kuntigiba ye Ala ka sira la an b'o min koo fɔ.

Heburuw 3:14

An daminɛna ni jigi min ye, n'an tora o kan fɔɔ a daan na, o tuma na, an ye Krista taamanyɔgɔnw ye.

Piy fɔlɔ 5:1

Minw ye Ala ka jama nyamɔgɔw ye aw cɛma, n kaan bɛ olu le ma sisan. Ne fana ye nyamɔgɔ dɔ ye, Krista ye tɔɔrɔ min sɔrɔ, ne y'o seere ye. A bɛna na ni nɔɔrɔ min ye, n bɛna dɔ sɔrɔ o la. Ne b'a nyini aw fɛ ko

Piy 2nan 2:10

Minw bɛ boliboli u ka nigɛlakow kɔ, n'u tɛ Masaba bonya, u jaa ka gwɛlɛ, u daa ka bon. Ka arijana kɔnɔ fɛɛnw nɛni, o tɛ foyi ye olu fɛ.

Zude 1:8

O cogo la fana, o mɔgɔ nunu b'o koow kɛ k'u yɛrɛ nɔgɔ ka ban Ala ta ma ka mɛlɛkɛw nɛni nɔɔrɔ bɛ o minw kan.