Tim fɔlɔ 6:12 - LAYIDUKURA

¹² I ka jija k'i jigi to Krista kan, ka sini hɛrɛ banbali sɔrɔ, bari Ala y'i wele o le kama, i n'a fɔ i tun ye seereyanyuman kɛ cogo min na, seere caaman nyana.

Jula NT of Côte d’Ivoire

¹² I jija ka kɛrɛɲuman kɛ, lanaya ta kɛrɛ; ɲanamanya banbari mina kosɛbɛ, sabu Ala ka i wele o le kama; i fana ka o seereyaɲuman fɔ, ka mɔgɔ camanba kɛ i seerew ye.

ALA KA KUMA

¹² I jija lanaya la i ko sɔlidasiɲuman, kɛlɛkɛyɔrɔ la, ka nii banbali sɔrɔ, bari Ala y'i wele o le kama, i n'a fɔ i tun ye seereyaɲuman kɛ cogo min na, seere caaman ɲana.

Tim fɔlɔ 6:12 Iomraidhean Croise

Kor 2nan 6:7

an ka tinyɛ fɔli, ni Ala ka sebagaya fɛ. An bɛ kotilennin ta k'o kɛ i n'a fɔ an ka maramanfɛn, ka kɛlɛ kɛ n'o ye ani k'an yɛrɛ mara n'o ye fana.

Kor 2nan 9:13

N'u y'aw ka dɛmɛ nin ye tuma min na, u bɛn'a lɔn ko aw ye mɔgɔ sifa min ye, o la, u bɛna Ala tando aw koo la, bari aw sɔnna Krista ka kibaru diman ma ka mɛnni kɛ a fɛ, ani aw ka timinadiya kɔsɔn, aw sɔnna ka olu dɛmɛ ani tɔ nunu bɛɛ.

Filipikaw 1:30

O sɛgɛn min b'aw kan, aw ye ne ye o le la, aw b'a lɔn ko halibi, n b'o la fana.

Kɔlɔsikaw 3:15

Krista ka hɛrɛ ka kɛ n'aw ye, aw welela o min kama ka kɛ farisogo kelen ye, ani aw ka kɛ nyumanlɔnbagaw ye.

Tes fɔlɔ 2:12

An y'aw ladi, k'aw jaa gwɛlɛya, ani an y'a nyini aw fɛ kosɛbɛ ko aw k'aw ka taamacogo bɛn ni Ala sago ye, ale min b'aw wele janko aw ka don a ka mara kɔnɔ, ani k'a ka nɔɔrɔ sɔrɔ.

Tes 2nan 2:14

A y'aw wele o le kama an ka kibaru diman fɔli barika la, janko aw k'an Matigi Yezu Krista ka nɔɔrɔ sɔrɔ.

Tim fɔlɔ 1:18

Ne dencɛ Timote, ne b'a gwɛlɛya i ma ko i ka jija ka baaranyuman kɛ ka kɛnyɛ ni kiraya kuma ka dɛmɛ ye min tun fɔra i koo la ka tɛmɛ.

Tim fɔlɔ 1:19

I k'o kɛ ni lanaya, ni dusukunnyuman ye. Mɔgɔ dɔw dɛsɛra o la, o kama u benna.

Tim fɔlɔ 4:14

Ala ye see min d'i ma, i kana farati n'o ye. A y'o min d'i ma kirayakuma fɔwaati la, ani cɛkɔrɔbaw y'u bolo la i kan tuma min na.

Tim fɔlɔ 6:13

Ala min bɛ nii don fɛɛn bɛɛ la ani Yezu Krista min lɔra Pɔnsi Pilati nyakɔrɔ ka seereyanyuman kɛ, n b'a fɔ i ye olu nyana

Tim fɔlɔ 6:19

O cogo la, u bɛna nafolo sɔrɔ sini, ani u fana bɛna hɛrɛsɛbɛ sɔrɔ.

Tim 2nan 1:9

Ale min ye an kisi ni ka an wele ka kɛ a ka siya ye, o ma kɛ an ka kɛwalinyuman sababu la, nga ale yɛrɛ ka koo latigɛnin, n'a ka nɛɛma sababu lo. A y'o nɛɛma labɛn an ye Yezu Krista barika la kabini dinyɛ ma dan fɔlɔ.

Tim 2nan 2:2

I ye fɛɛn min mɛn ne fɛ seere caaman nyana, i k'o kalifa mɔgɔsɛbɛw ma minw bɛ se ka mɔgɔ wɛrɛw kalan n'o ye.

Tim 2nan 4:7

Ne ye baara kɛ ka nya, ne sera ne ka boli danyɔrɔ ma, n jigi lanin tora Matigi kan.

Heburuw 13:23

Ayiwa, n b'a fɔ aw ye ko u y'an badencɛ Timote labila. N'a sera n fɛ yan joona, an bɛna na nyɔgɔn fɛ aw fɛ yen.

Heburuw 3:14

An daminɛna ni jigi min ye, n'an tora o kan fɔɔ a daan na, o tuma na, an ye Krista taamanyɔgɔnw ye.

Heburuw 6:18

O kobaba fila nunu na, Ala tɛ se ka galon tigɛ an ye cogo si la. O kama, an minw jigi b'o kan, o ka kan ka barika don an na kosɛbɛ k'o koo minɛ ka nya.

Piy fɔlɔ 3:9

Aw kana juguya sara ni juguya ye, walima ka dɔ ka nɛnili segi a ma. Nga e ka duba le kɛ. Bari Ala ye aw minw wele, janko aw k'a ka duba sɔrɔ.

Piy fɔlɔ 5:10

Nga tɔɔrɔ dɔɔni tɛmɛnin kɔ, Nyumanyatigi Ala o min y'aw wele waasa aw k'ale ka nɔɔrɔ banbali nyɔgɔn sɔrɔ Krista barika la, ale le bɛna barika don aw la, k'aw ka koo sabati, bagabagali kana se aw kɔrɔ.

Zan fɔlɔ 2:25

Krista y'a daa di an ma koo min na, o ye hɛrɛ banbali koo ye.

Zude 1:3

Ne teriw, ne tun y'a lanyini sɛbɛ la ka sɛbɛ ci aw ma an bɛɛ ka kisili koo la. Ne y'a ye k'o kɛra wajibi ye ne ma k'o kɛ waasa ka ladili di aw ma, ko aw ka jija lanaya koo la Ala y'o min di a ka jama ma sinyɛ kelen, o nyɔgɔn tɛna kɛ tugu.

Yirari 3:3

Aw ye kuma min mɛn ka sɔn a ma, aw k'aw hakili jigi o la, k'aw sɔɔn yɛlɛma k'o kuma nin minɛ ka nya dɛ! N'o tɛ, ne bɛna na bari aw la i n'a fɔ soon, aw tɛna ne natuma lɔn.