Tim fɔlɔ 5:10 - LAYIDUKURA

¹⁰ Ani a tɔgɔnyuman ka fɔ a ka kɛwalinyuman kɔsɔn, a ka kɛ muso ye min y'a deenw lamɔ ka nya, ka kɛ lonan ladonbaga ye. A ka kɛ Ala ka jama dɛmɛbaga ye. A ka kɛ mɔgɔ ye min y'a hakili to dɛsɛbagatɔw la ka olu dɛmɛ, ani ka kɛwalinyuman sifa bɛɛ kɛ.

Jula NT of Côte d’Ivoire

¹⁰ Bɛɛ ka kan ka a lɔn a ta kɛwaleɲumanw kosɔn, ko a ka a ta denw lamɔ ka ɲa, ko a tun ye jatigimusoɲuman ye, ko a tun bɛ Ala ta mɔgɔ saninmanw sen ko, ka ɲanibagatɔw dɛmɛ, ka koɲuman suguya bɛɛ kɛ.

ALA KA KUMA

¹⁰ Ani a tɔgɔɲuman ka fɔ a ka kɛwaliɲuman kosɔn, a ka kɛ muso ye min y'a deenw lamɔ ka ɲa, ka kɛ lonan ladonbaga ye. A ka kɛ Ala ka mɔgɔw dɛmɛbaga ye. A ka kɛ mɔgɔ ye min y'a hakili to dɛsɛbagatɔw la k'u dɛmɛ, ani ka kɛwaliɲuman sifa bɛɛ kɛ.

Tim fɔlɔ 5:10 Iomraidhean Croise

Matiyu 25:17

Min tun ye fila sɔrɔ, ale fana taara ka jago kɛ ka fila wɛrɛ sɔrɔ tɔnɔ ye.

Matiyu 5:16

Aw ka kɛwalinyumanw kɛ ka yeelen bɔ mɔgɔw ye ten, waasa u ka aw sankolo la Faa bonya.

Luka 7:38

A sera minkɛ, a birila Yezu seen kunna ka kasi daminɛ. A kasira fɔɔ a nyaji ye Yezu seen nyigi. O kɔ, a y'a kunsigi kɛ k'o jɔsi n'a b'o saalon. Ka tilan ka tulu kasadiman bɔn u kan.

Luka 7:44

O kɔ, Yezu y'a nyaa yɛlɛma k'o muso nin filɛ ka sɔrɔ k'a fɔ Simɔn ye ko: “I nyaa bɛ muso nin na kɛ, ne nana i ka soo, i ma senkoji di ne ma. Nga ale ye ne seen ko n'a nyaji ye k'a jɔsi n'a kunsigi ye.

Kɛwalew 10:22

U y'a jaabi ko: “Sɔlidasi kuntigi Kɔrinɛyi le y'an ci e fɛ. Mɔgɔtilennin lo, a bɛ siran Ala nya, Zuwifu jama bɛɛ b'a tɔgɔnyuman fɔ. Ala ka mɛlɛkɛw dɔ y'a yɛrɛ yira a la, k'a fɔ a ye ko a ka cii sama i ma, waasa i ka na a ka soo, kuma min b'i fɛ, i k'o fɔ a ye.”

Kɛwalew 22:12

“Cɛɛ dɔ tun b'o yɔrɔ la, a tɔgɔ tun ko Ananiyasi, a tun bɛ Ala ka sariyaw labato kosɛbɛ, a tɔgɔnyuman tun bɛ Zuwifuw bɛɛ daa la o yɔrɔ la.

Kɛwalew 6:3

O kama, aw yɛrɛ ka mɔgɔ wolonwula woloma aw cɛma minw sɔɔn ka nyi, ni hakili b'u fɛ, ni Nii Senuman. O la, anw bɛna dumuni tilanko don olu bolo.

Kɛwalew 9:36

Zope kalandenw cɛma, muso dɔ tun bɛ yen, a tɔgɔ tun ko Tabita, girɛkikan na, u ko Dɔrɔkasi, o kɔrɔ ko sinɛ. Mɔgɔnyuman tun lo, ka faantanw dɛmɛ, o tun y'a ka baara ye.

Kɛwalew 9:39

O yɔrɔnin bɛ, Piyɛri tugura u kɔ ka taa. U sera tuma min na, u yɛlɛla ni Piyɛri ye sangaso kan. Dɔrɔkasi tun ye fani minw dan k'a to nii na, firiyamusow bɛɛ tun bɛ to ka kasi n'u b'o yira Piyɛri la.

Rɔmukaw 12:13

Aw ye banba ka Ala ka mɔgɔw dɛmɛ u dɛsɛyɔrɔ la, ka mɔgɔ wɛrɛw ladon.

Ɛfɛsikaw 2:10

An ye Ala bolonɔ ye, a y'an dan Yezu Krista barika la kɛwalinyumanw kama, Ala y'o minw latigɛ kabini fɔlɔfɔlɔ janko an k'o kɛ.

Kɔlɔsikaw 1:10

O la, aw ka taamacogo ka se ka bɛn ni Matigi sago ye, ani aw koo ka diya a ye tuma bɛɛ, aw ka se ka baaranyuman sifa bɛɛ kɛ, ani ka Ala lɔn kosɛbɛ kosɛbɛ.

Tim fɔlɔ 2:10

Nga u ka masirifɛnw ka kɛ konyuman kɛli ye, i n'a fɔ a bɛnnin bɛ musow fɛ cogo min na olu minw ko u bɛ siran Ala nya.

Tim fɔlɔ 3:2

Nyamɔgɔ ka kan ka kɛ mɔgɔnyuman ye, jalakiyɔrɔ man kan ka sɔrɔ a la, muso kelen tigi, hakilitigi, mɔgɔ min b'a ka koo bɛɛ kɛ ka kɛnyɛ. A ka kɛ mɔgɔ ye min bɛ se ka lonanw ladon, ani ka kɛ mɔgɔ ye min bɛ se ka mɔgɔw kalan.

Tim fɔlɔ 3:7

A ka kɛ mɔgɔ ye min tɔgɔnyuman bɛ fɔ mɔgɔ wɛrɛw fɛ, waasa a kana dɔgɔya sɔrɔ Sutana ka se a kɔrɔ.

Tim fɔlɔ 5:16

Muso min lara Krista la, n'a kɛra ko firiyamusow bɛ ale ka mɔgɔw cɛma, ale yɛrɛ k'a janto olu la, a kana u to Ala ka jama kunna, waasa olu ka se ka firiyamusow dɛmɛ, mɔgɔ tɛ minw fɛ.

Tim fɔlɔ 5:25

Kɛwalinyuman fana bɛ ye joona, hali minw yeli ka gwɛlɛ, u si tɛ se ka to dogo la.

Tim fɔlɔ 6:18

I k'a fɔ u ye ko u ka konyuman kɛ, kɛwalinyuman kɛli ka kɛ u ka nafolo ye. U k'u tigɛw dayɛlɛ ka mɔgɔ wɛrɛw dɛmɛ.

Tim 2nan 1:5

Ne hakili b'i ka jigisɛbɛ koo la. Jigi min tun bɛ i mamamuso Loyisi an'i bamuso Unisi fɛ, ne lanin b'a la k'o nyɔgɔn b'i fɛ fana.

Tim 2nan 2:21

Ni mɔgɔ min ye a yɛrɛ saniya, k'a yɛrɛ tanga koo nunu ma, ne y'o minw fɔ, o tigi bɛna kɛ daganyuman ye min saniyanin bɛ. A b'a Kuntigi mako nya, a labɛnnin bɛ konyuman sifa bɛɛ kɛli kama.

Tim 2nan 3:15

Kabini i denmisɛn tuma, i ye Ala ka kuma lɔn, min bɛ se ka hakilitigiya d'i ma, o min barika la mɔgɔ b'a jigi la Yezu Krista kan ka kisi.

Tim 2nan 3:17

waasa Ala ka baarakɛla ka kɛ mɔgɔ dafanin ye ka se ka konyuman sifa bɛɛ kɛ.

Tite 2:14

Ale lo y'a yɛrɛ di an kɔsɔn, waasa k'an kunmabɔ tilenbaliya koow bɛɛ la, ani k'an saniya k'an kɛ a yɛrɛ ka jama ye, k'a kɛ mɔgɔw ye minw labɛnnin bɛ konyuman kɛli kama.

Tite 2:7

fɛɛn bɛɛ la. I ka cogonyuman yira u la, k'i ka kalan minɛ ka nya.

Tite 3:1

I k'a fɔ bɛɛ ye ko u k'u yɛrɛ majigi kuntigiw ni faamaw ye, k'u bonya, ani u labɛnnin ka to konyuman sifa bɛɛ kɛli kama.

Tite 3:14

An ka mɔgɔw fana ka kan ka konyuman kɛli dege, waasa u bɛna se ka koo gwanninmanw nyanabɔ, o cogo la, u tɛna to gwansan.

Tite 3:8

Kuma nin ye tinyɛ ye i bɛ se k'i jigi la o min kan. Ne b'a fɛ i ka to o kan k'a fɔ ka gwɛlɛya, waasa mɔgɔ minw ye u jigi la Ala kan, olu ka u yɛrɛ bila konyuman kɛli la, o le ka nyi ani nafa b'o la mɔgɔw fɛ.

Heburuw 10:24

An ka jija ka nyɔgɔn dɛmɛ ka kanuya sira taama, ka konyuman kɛ.

Heburuw 13:2

Aw hakili ka to a la ko aw ka kan ka lonanw ladon. Lonanladon sababu la, dɔw ye mɛlɛkɛw ladon k'a sɔrɔ u m'a lɔn ko mɛlɛkɛw lo.

Heburuw 13:21

a yɛrɛ ka barika don aw la, aw ka se ka konyuman sifa bɛɛ kɛ, k'a sago kɛ. Koo min ka di a yɛrɛ ye, a k'o kɛ an ye Yezu Krista barika la. Bonya ka la ale kan tuma bɛɛ. Amiina.

Piy fɔlɔ 2:12

O la, aw taamacogo ka nya Alalɔnbaliw cɛma, waasa hali n'u ko u bɛna aw tɔgɔ cɛn, aw ka kɛwalinyumanw ka kɛ sababu ye u bɛ Ala tando a nalon na.

Piy fɔlɔ 4:9

Aw ka nyɔgɔn ladon ka nya, ;nunu;nunu kana sɔrɔ a la.

Zan 3nan 1:12

Demetiriyusi kɔni, mɔgɔ bɛɛ b'ale tɔgɔnyuman fɔra. U do bɛ tinyɛ le fɔra. Anw fana b'a tɔgɔnyuman fɔ. I b'a lɔn ko an bɛ min fɔ, ko tinyɛ lo.