Tim fɔlɔ 4:7 - LAYIDUKURA

⁷ Nga i ka ban siirinkolonw ni kumakolonw ma, minw ni Ala ka koo tɛ bɛn. I ka siran Ala nya.

Jula NT of Côte d’Ivoire

⁷ Ayiwa, fɔlɔfɔlɔ kumaw, minw tɛ bɛn ni lanaya ye, kuma caman nafantanw, i kana o lamɛn.

ALA KA KUMA

⁷ Nga i ka ban siirinkolonw ni kumakolonw ma, minw ni Ala ka koo te bɛn. I jija Ala ɲasiranya la.

Tim fɔlɔ 4:7 Iomraidhean Croise

Kɛwalew 24:16

O kama ne banbanin lo, n ka kɛ mɔgɔ kɔnɔgwɛnin ye Ala ni mɔgɔw nyana.

Tim fɔlɔ 1:4

U bɛ fɔlɔfɔlɔko minw fɔ u kunfɛ ani mɔgɔw buruju fɔko, i k'a fɔ u ye k'u k'o dabila, a bɛ sɔsɔli le caya. Ala sago tɛ se ka kɛ ten, a bɛ se ka kɛ lanaya le barika la.

Tim fɔlɔ 1:9

An k'a faamu fana ko sariya ma sigi mɔgɔnyumanw kama, nga a sigira banbagaw le kama, ni mɔgɔmurutininw, mɔgɔjuguw, kojugukɛlaw, Ala nyasiranbaliw, ani minw bɛ Ala tɔgɔ cɛn, ni minw bɛ u faa, walima u baaw faga, ani mɔgɔfagalaw,

Tim fɔlɔ 2:10

Nga u ka masirifɛnw ka kɛ konyuman kɛli ye, i n'a fɔ a bɛnnin bɛ musow fɛ cogo min na olu minw ko u bɛ siran Ala nya.

Tim fɔlɔ 3:16

An ka Alanyasiran, o ye gundoba ye! A y'a yɛrɛ kɛ mɔgɔ ye ka na, Nii Senuman y'a koo yira k'o gwɛya, mɛlɛkɛw y'a ye. A ka kibaru fɔra siya wɛrɛw cɛma, ani mɔgɔw lara a la dinyɛ kɔnɔ, a kɔsegira ka taa Ala fɛ. Mɔgɔ si tɛ se k'o sɔsɔ.

Tim fɔlɔ 4:8

Nafa dɔɔni bɛ farikolo tolon na, nga nafa bɛ Ala nyasiran na kosɛbɛ. Bii ka hɛrɛ ni sini ta bɛɛ bɛ sɔrɔ o la.

Tim fɔlɔ 6:11

Nga e kɔni, Ala ka mɔgɔ, i k'i yɛrɛ tanga o fɛɛnw bɛɛ ma, ka to ka tilenninyakow kɛ, ka siran Ala nya, k'i jigi la a kan, k'a kanu, ka munyuli kɛ, ani ka to ka nyumanya kɛ mɔgɔw ye.

Tim fɔlɔ 6:20

Timote, koo minw kalifara i ma, i ka olu mara kosɛbɛ. I k'i yɛrɛ tanga kuma fufafu ma olu minw ni Ala sira tɛ bɛn, o min bɛ jati lɔnniya ye, k'a sɔrɔ lɔnniyasɛbɛ tɛ.

Tim fɔlɔ 6:3

Ni mɔgɔ dɔ bɛ mɔgɔw kalan ni koo wɛrɛ ye, n'o tigi ka kuma ni an Matigi Yezu Krista ka kuma nyanaman ma kɛ kelen ye, ani n'o tɛ bɛn Ala sira taamacogo ma, ani kalan min bɛ bɛn ni Alanyasiran ye,

Tim fɔlɔ 6:5

A fana bɛ na ni sɔsɔli caaman ye, min bɛ wili mɔgɔw cɛ minw kɛra nalomanw ye. O mɔgɔ nunu tɛ tinyɛ lɔn tugu. U bɛ miiri ko u bɛna nafolo sɔrɔ Alasira taama barika la, ka kɛ fɛntigiw ye.

Tim 2nan 2:16

I yɛrɛ kɔlɔsi kuma caaman ma, o ma nyi. Bari mɔgɔ minw b'o kɛ, o tigiw bɛ don tilenbaliya la.

Tim 2nan 2:23

I ka ban sɔsɔli gwansanw ma, i b'a lɔn k'olu bɛ kɛlɛw wili dɔrɔn.

Tim 2nan 3:12

Mɔgɔ minw bɛɛ b'a fɛ ka jɛn ni Yezu Krista ye ka kɛ Alanyasiranbagaw ye sɛbɛ la, olu bɛna tɔɔrɔ sɔrɔ.

Tim 2nan 3:5

U bɛna u yɛrɛ kɛ Ala nyasiranbagaw ye, nga o tɛ sɔn tinyɛ ma o min ye see sɔrɔyɔrɔ ye. E k'i yɛrɛ kɔlɔsi o mɔgɔ sugu nunu na.

Tim 2nan 4:4

U tɛna sɔn tinyɛ ma k'a lamɛn, siirin lamɛnni le bɛna diya u ye.

Tite 1:14

I b'a fɔ u ye ko u kana nɔrɔ Zuwifuw ka siirinw na tugu, ani mɔgɔ minw banna tinyɛ na, ko u kana sɔn olu ka fɔta ma.

Tite 2:12

Ale min b'a yira an na ko an ka siran Ala nya ani ka ban nin dinyɛ nigɛjuguw la, waasa k'an to bii dinyɛ na, an ka se k'an yɛrɛ minɛ ka taama tilenninya la Ala nyakɔrɔ.

Tite 3:9

Nga i k'i yɛrɛ kɔlɔsi kumakolon, ni mɔgɔ buruju fɔko, ani sɔsɔli ni sariya koo mankan ma. U tɛ foyi nya, o ye gwansan ye.

Heburuw 5:14

Nga mɔgɔkɔrɔbaw bɛ dumuni gwiliman dumu. U delila o la minkɛ, u ye hakili sɔrɔ ka nyumaman ni juguman lɔn ka bɔ nyɔgɔn na.