Tim fɔlɔ 4:3 - LAYIDUKURA

³ O mɔgɔ nunu b'a fɔ ko a daganin tɛ ka furu kɛ. U bɛ mɔgɔw bali dumuni dɔw la k'u man kan k'o dumu. K'a sɔrɔ Ala y'o dumunifɛn nunu dan, minw lara Yezu la, olu ka dumu kɔsɔn, olu minw ye tinyɛ lɔn, u ka barika la Ala ye o dumuwaati la.

Jula NT of Côte d’Ivoire

³ O bɛ mɔgɔw karan ko o man kan ka furu, ko domunifɛn dɔw man kan ka domu; k’a sɔrɔ Ala ka o fɛnw dan janko lanabaga minw ka can sira lɔn, olugu ye o domu ka baraka la Ala ye.

ALA KA KUMA

³ O mɔgɔ nunu b'a fɔ ko a daganin te ka furu. U be mɔgɔw bali dumuni dɔw la k'u man kan k'o dumu. K'a sɔrɔ Ala y'o dumunifɛn nunu dan, minw lara Yezu la, n'u b'o dumuni nunu kɛ, olu minw ye tiɲɛ lɔn, u ka barika la Ala ye o dumuwaati la.

Tim fɔlɔ 4:3 Iomraidhean Croise

Matiyu 14:19

O kɔ, a y'a fɔ jama ye k'u ka sigi biin kan. A ye burukun duuru ni jigɛ deen fila nunu ta, k'a nyaa kɔrɔta sanfɛ ka barika la Ala ye, k'o tilantilan k'o di a ka kalandenw ma, kalandenw y'o tilan jama cɛ.

Matiyu 15:11

A ma kɛ i n'a fɔ ko mɔgɔ bɛ fɛɛn min dumu, o le b'a nɔgɔ, nga a kɔnɔnako le b'a nɔgɔ.”

Matiyu 15:36

A ye buru ni jigɛ nunu ta ka barika la Ala ye k'o tilantilan k'o di kalandenw ma, olu y'o tilan jama ye.

Luka 24:30

Dumunikɛtuma, Yezu sigira n'u ye dumuni na, a ye buru ta ka barika la Ala ye, k'a tilantilan k'a d'u ma.

Yuhana 6:23

Matigi ye barika la Ala ye ka buru caya k'a di mɔgɔw ma yɔrɔ min na, kurun dɔw bɔra Tiberiyadi ka na se o yɔrɔ.

Kɛwalew 27:35

A y'o kuma fɔ ten ka ban minkɛ, a ye buru ta ka barika la Ala ye k'a karikari, k'a daminɛ k'a nyimi.

Rɔmukaw 14:17

Bari ka kɛ Ala ta ye, dumuniko, walima minnifɛn koo t'o la, nga tilenninya ni hɛrɛ ani nisɔndiya koo le kɛra o koo ye, Nii Senuman barika la.

Rɔmukaw 14:3

mɔgɔ min bɛ fɛɛn bɛɛ dumu, ale man kan ka dɔ nin dɔgɔya, ani min tɛ fɛɛn bɛɛ dumu, ale fana kan'a tɔnyɔgɔn nin jalaki, bari Ala sɔnna a ma.

Rɔmukaw 14:6

Mɔgɔ min bɛ loonw jatiminɛ o tigi b'o kɛ Matigi le kɔsɔn, min fana bɛ fɛɛn bɛɛ dumu, o tigi fana b'o kɛ Matigi le kɔsɔn, a fana bɛ barika la Ala ye. Min tɛ fɛɛn bɛɛ dumu, o tigi fana b'o kɛ Matigi le kɔsɔn, a fana bɛ barika la Ala ye.

Kor fɔlɔ 6:13

U fana ko dumunifɛn dilanna kɔnɔbara kama, kɔnɔbara fana bɛ yen dumuni kama. Nga Ala do bɛna u fila bɛɛ halaki. Mɔgɔ farisogo ma kɛ kakalaya kama, o ye Matigi ta ye ani Matigi bɛ janto a la.

Kor fɔlɔ 7:28

Nga n'i ye muso furu, o tɛ kojugu ye. Ni sunguru furula fana, ale ma kojugu kɛ. Nga mɔgɔ minw ye furu kɛ ka ban, olu bɛna tɔɔrɔba sɔrɔ. Ne b'a fɛ k'aw dɛmɛ ka kisi o ma.

Kor fɔlɔ 8:8

A ma kɛ ko dumunifɛn le b'an gwɛrɛ Ala la, hali n'an m'o dumu, foyi tɛ bɔ an na. N'an fana y'o dumu, foyi tɛ fara an kan.

Kɔlɔsikaw 2:16

Aw kan'a to mɔgɔ si k'aw jalaki dumuni koo ni minnifɛn koo la, walima sankura nyanagwɛ koo, walima kalokura nyanagwɛ koo la, walima lafinyɛlon koo la.

Kɔlɔsikaw 3:17

N'aw bɛ fɛɛn o fɛɛn kɛ walima ka fɛɛn o fɛɛn fɔ, aw k'o bɛɛ kɛ Matigi Yezu tɔgɔ la, ka barika la an Faa Ala ye.

Tim fɔlɔ 2:4

ale min b'a fɛ mɔgɔ bɛɛ ka kisi ani ka se ka tinyɛ lɔn.

Tim fɔlɔ 4:4

Ala ye fɛɛn minw dan, o bɛɛ ka nyi. Foyi si man kan ka fili olu la, nga a daan ye an ka barika la Ala ye k'o dumu,

Tim fɔlɔ 5:14

O le y'a to, ne b'a fɔ firiyamusow ye, minw ma kɔrɔ, ko u ka furu ka deenw sɔrɔ ani u ka janto u ka somɔgɔw la, waasa u kana yɔrɔ di an jugu ma a ka se ka kumajugu fɔ an koo la,

Heburuw 13:4

Mɔgɔ bɛɛ ka furu bonya, kakalaya kana kɛ furu kɔnɔ. Bari Ala bɛna nyamɔgɔyakɛlaw ni kakalaw kiti.

Heburuw 13:9

Aw kan'a to mɔgɔ si k'aw kuun nyagami ni kalan wɛrɛ ye. Ayiwa, a ka nyi an ka jagwɛlɛya sɔrɔ Ala ka nɛɛma barika la. O kana kɛ landa dumuni dɔw barika la, o min ma deli ka nafa di o dumubagaw ma ka ye.