Tim fɔlɔ 3:7 - LAYIDUKURA

⁷ A ka kɛ mɔgɔ ye min tɔgɔnyuman bɛ fɔ mɔgɔ wɛrɛw fɛ, waasa a kana dɔgɔya sɔrɔ Sutana ka se a kɔrɔ.

Jula NT of Côte d’Ivoire

⁷ Lanabariw ka kan ka a tɔgɔɲuman fɔ, janko dɔgɔyari kana se a ma, ani a kana mina Setana ta jan na.

ALA KA KUMA

⁷ A ka kɛ mɔgɔ ye min tɔgɔɲuman be fɔ mɔgɔ wɛrɛw fɛ, waasa a kana dɔgɔya sɔrɔ ka ben Sutana ka jɔɔ la.

Tim fɔlɔ 3:7 Iomraidhean Croise

Marika 4:11

A y'u jaabi ko: “Mɔgɔw tun ma se ka fɛɛn min faamu Ala ka masaya koo la, Ala ye aw nyaa yɛlɛ k'o faamu. Nga tinyɛ bɛɛ bɛ fɔ mɔgɔ tɔw ye talen na.

Kɛwalew 10:22

U y'a jaabi ko: “Sɔlidasi kuntigi Kɔrinɛyi le y'an ci e fɛ. Mɔgɔtilennin lo, a bɛ siran Ala nya, Zuwifu jama bɛɛ b'a tɔgɔnyuman fɔ. Ala ka mɛlɛkɛw dɔ y'a yɛrɛ yira a la, k'a fɔ a ye ko a ka cii sama i ma, waasa i ka na a ka soo, kuma min b'i fɛ, i k'o fɔ a ye.”

Kɛwalew 22:12

“Cɛɛ dɔ tun b'o yɔrɔ la, a tɔgɔ tun ko Ananiyasi, a tun bɛ Ala ka sariyaw labato kosɛbɛ, a tɔgɔnyuman tun bɛ Zuwifuw bɛɛ daa la o yɔrɔ la.

Kɛwalew 6:3

O kama, aw yɛrɛ ka mɔgɔ wolonwula woloma aw cɛma minw sɔɔn ka nyi, ni hakili b'u fɛ, ni Nii Senuman. O la, anw bɛna dumuni tilanko don olu bolo.

Kor fɔlɔ 10:32

Aw kana kɛ sababu ye ka mɔgɔ si kunnacɛn, a kɛra siya wɛrɛ ye wo, walima Zuwifu ye wo, walima Ala ka jama wo, aw kana kɛ sababu ye u si ma.

Kor fɔlɔ 5:12

Aw nyana, ne ka kan ka mɔgɔ wɛrɛw le jalaki wa? Aw m'a lɔn ko aw ka kan k'an ka mɔgɔw le jalaki wa?

Kor 2nan 6:3

An t'a fɛ mɔgɔ si k'an ka baara lɔgɔbɔyɔrɔ sɔrɔ, o la, an t'a fɛ ka mɔgɔ si kunna cɛn koo si la.

Kor 2nan 8:21

An t'a fɛ ka tilenninya kɛ Matigi dama nyakɔrɔ, an b'a fɛ k'a kɛ mɔgɔw nyakɔrɔ fana.

Kɔlɔsikaw 4:5

Minw ma la Matigi la, aw ka taama ni hakilitigiya ye olu cɛma, n'aw ye sababunyuman sɔrɔ, aw ka banba ka Matigi koo fɔ u ye.

Tes fɔlɔ 4:12

janko aw taamacogo ka bɛn mɔgɔ wɛrɛw cɛma waasa olu k'aw tɔgɔnyuman fɔ. O cogo la aw tɛna kɛ mɔgɔ si ka doni ye.

Tes fɔlɔ 5:22

Aw k'aw yɛrɛ kɔlɔsi kojugu sifa bɛɛ kɛli ma.

Tim fɔlɔ 3:6

A kana kɛ mɔgɔkura ye fana Ala ka jama cɛma, waasa yɛrɛbonya kana don a la ka kɛ sababu ye Sutana ka jalaki nyɔgɔn ka se a ma.

Tim fɔlɔ 5:14

O le y'a to, ne b'a fɔ firiyamusow ye, minw ma kɔrɔ, ko u ka furu ka deenw sɔrɔ ani u ka janto u ka somɔgɔw la, waasa u kana yɔrɔ di an jugu ma a ka se ka kumajugu fɔ an koo la,

Tim fɔlɔ 6:9

Nga mɔgɔ minw b'a fɛ ka kɛ fɛntigiw ye, olu nigɛra ka sɔrɔ miirijugu fɛ, o minw bɛ mɔgɔw cɛn ani k'u bila halakili la,

Tim 2nan 2:26

O cogo la, u bɛna u yɛrɛ sɔrɔ ka bɔ Sutana ka jɔɔ la, min tun ye u minɛ janko a ka to k'a sago kɛ n'u ye.

Tite 2:5

U ka kɛ muso hakilitigiw ye minw ka kɛwaliw ka nyi, minw jijanin bɛ u ka sokɔnɔbaaraw la, ani minw sɔɔn ka nyi, ani u b'u yɛrɛ majigi u cɛɛw ye, waasa mɔgɔw kana se ka Ala ka kuma lɔgɔbɔ.

Tite 2:8

I ka kuma ka kɛ kuma ye, mɔgɔ tɛ se ka min sɔsɔ waasa an juguw kana fɔta sɔrɔ an kama, u ka to maloya la.

Zan 3nan 1:12

Demetiriyusi kɔni, mɔgɔ bɛɛ b'ale tɔgɔnyuman fɔra. U do bɛ tinyɛ le fɔra. Anw fana b'a tɔgɔnyuman fɔ. I b'a lɔn ko an bɛ min fɔ, ko tinyɛ lo.