Tim fɔlɔ 2:8 - LAYIDUKURA

⁸ O la, ne b'a fɛ cɛɛw ka Ala dali yɔrɔ bɛɛ, k'u bolo kɔrɔ ta sanfɛ ka Ala dali ni dusugwɛ ye, dimi ni sɔsɔli kana sɔrɔ u kɔnɔ.

Jula NT of Côte d’Ivoire

⁸ Ayiwa, ne b’a fɛ ko cɛw ye Ala daari yɔrɔ bɛɛ, ka o boro kɔrɔta ni jusukun gbɛnin ye; a kana kɛ ni dimi ye, walama sɔsɔri.

ALA KA KUMA

⁸ O la, ne b'a fɛ cɛɛw ka Ala daali yɔrɔ bɛɛ, k'u bolo kɔrɔta sanfɛ ka Ala daali ni dusugwɛ ye, dimi ni sɔsɔli kana sɔrɔ u kɔnɔ.

Tim fɔlɔ 2:8 Iomraidhean Croise

Matiyu 21:21

Yezu y'u jaabi ko: “Tinyɛ na, ne b'a fɔ aw ye ko n'aw lara ne la, n'aw tɛ sigasiga fewu, ne ye min kɛ torosun na, aw bɛna se k'o nyɔgɔn kabakow kɛ. Aw bɛna dɔ wɛrɛw yɛrɛ kɛ ka tɛmɛ a kan. Hali n'aw y'a fɔ kulu nin ye ko: ‘Bɔ i lɔyɔrɔ la ka taa ben kɔgɔji kɔnɔ,’ o bɛn'a kɛ.

Matiyu 5:44

Ayiwa, ne b'a fɔ aw ye ko aw ka aw juguw kanu ka Ala dali aw tɔɔrɔbagaw ye.

Matiyu 6:12

E ka yafa an ma i n'a fɔ an fana bɛ yafa an hakɛ tabagaw ma cogo min na.

Luka 23:34

Nga Yezu y'a fɔ ko: “N Faa, yafa u ma bari u bɛ min kɛra u m'o lɔn.” U ye kala bon ka Yezu ka faniw tilantilan nyɔgɔn cɛ ka kɛnyɛ n'o ye.

Luka 24:50

O kɔ, Yezu taara ni kalandenw ye fɔɔ Betani faan fɛ. A y'a bolow kɔrɔ ta ka duba kɛ u ye.

Yuhana 4:21

Yezu y'a jaabi ko: “Muso, la a la ko loon bɛna se, mɔgɔw tɛna na Faa Ala bato kulu nin kan ani Zeruzalɛmu tugu.

Kɛwalew 10:2

A tun bɛ Ala ka sariyaw labato a nyaa ma, ale n'a ka somɔgɔw bɛɛ tun bɛ siran Ala nya, k'a bato tuma bɛɛ. A tun bɛ Zuwifuw dɛmɛ kosɛbɛ.

Kɛwalew 10:31

A y'a fɔ ko: ‘Kɔrinɛyi, Ala y'i ka daliliw jaabi, i ye dɛmɛ min kɛ dɛsɛbagatɔw ye, o diyara a ye.

Kɛwalew 10:4

Siranya fɛ, Kɔrinɛyi y'a nyaa basa a la, k'a jaabi ko: “Mun kɛra Matigi?” Mɛlɛkɛ y'a jaabi ko: “I bɛ Ala batoli min kɛ, an'i bɛ dɛmɛ min kɛ faantanw ye, o diyara Ala ye. A hakili b'i la.

Kɛwalew 21:5

O bɛɛ n'a ta, an ye lɔgɔkun kelen nin kɛ ka ban tuma min na, an y'an ka sira ta. Cɛɛw, musow fara denmisɛnw kan, u bɛɛ y'an bila sira. An taamana ka bɔ dugu banakɔ ka se kɛnɛba dɔ la bada la. An bɛɛ y'an kunbiri gwan yen, ka Ala dali.

Kɛwalew 7:60

O kɔ, a y'a kunbiri gwan ka pɛrɛn ko: “Matigi, i kana u ka jurumu nin jati.” A y'o fɔ ka ban minkɛ, a nii bɔra.

Kor fɔlɔ 1:2

bɛ bataki nin ci Ala ka jama ma min bɛ Korɛnti dugu kɔnɔ, Yezu Krista ye minw wele k'u saniya ka kɛ Ala ta ye. A fana cira mɔgɔ bɛɛ ma, olu minw bɛ yɔrɔ bɛɛ la n'u bɛ an Matigi Yezu Krista bato, olu ka Matigi lo, ani an fana ta lo.

Kor fɔlɔ 7:7

A ka di ne ye ni mɔgɔ bɛɛ tun bɛ se ka kɛ i n'a fɔ ne. Nga Ala ye seko min di bɛɛ ma, o ma kɛ kelen ye. Dɔ ta ye nin ye, dɔ wɛrɛ ta ye fɛɛn wɛrɛ ye fana.

Kor 2nan 2:14

Ne bɛ barika la Ala ye ale min b'a to an bɛ niyɔrɔ sɔrɔ Krista ka sesɔrɔko la tuma bɛɛ, ale le b'an ta ka baara kɛ n'an ye ka Krista yira yɔrɔ bɛɛ, i n'a fɔ wusulan.

Filipikaw 1:12

Ne balimaw, ne b'a fɛ aw ka min faamu, o filɛ nin ye: Koo minw ye ne sɔrɔ, o kɛra sababu ye kibaru diman taara nya.

Tes fɔlɔ 1:8

Ala ka koo bonyana aw fɛ fɔɔ o taara mɛn Maseduwani ni Girɛsi maraw la. O dama fana tɛ, aw jigi bɛ Ala kan cogo min na, o fana bɔra ka se yɔrɔ bɛɛ la, fɔɔ kuun t'a la an yɛrɛ ka kuma a koo la.

Tim fɔlɔ 5:14

O le y'a to, ne b'a fɔ firiyamusow ye, minw ma kɔrɔ, ko u ka furu ka deenw sɔrɔ ani u ka janto u ka somɔgɔw la, waasa u kana yɔrɔ di an jugu ma a ka se ka kumajugu fɔ an koo la,

Tite 3:8

Kuma nin ye tinyɛ ye i bɛ se k'i jigi la o min kan. Ne b'a fɛ i ka to o kan k'a fɔ ka gwɛlɛya, waasa mɔgɔ minw ye u jigi la Ala kan, olu ka u yɛrɛ bila konyuman kɛli la, o le ka nyi ani nafa b'o la mɔgɔw fɛ.

Heburuw 10:22

O la sa, an ka miirijuguw bɔ an kɔnɔ, k'an yɛrɛ saniya ni jinyuman ye, ka gwɛrɛ Ala la ni kɔnɔgwɛ ye, ni jigisigi ye.

Yakuba 4:8

Aw ye gwɛrɛ Ala la, ale fana bɛna gwɛrɛ aw la. Kojugukɛla nunu! Aw y'aw bolo n'aw dusu saniya. Kɔnɔ fila tigi nunu!

Piy fɔlɔ 3:7

Cɛɛw, aw fana k'aw ka musow minɛ ka nya ni hakilitigiya ye bari aw barika ka bon n'u ta ye. Aw k'u bonya bari aw bɛɛ bɛna niyɔrɔ kelen sɔrɔ Ala fɛ. Aw ka to k'a kɛ ten, waasa aw bɛ dalili minw kɛ, koo si kana na o bali.