Tim fɔlɔ 1:16 - LAYIDUKURA

¹⁶ Ne min tun kɛra fɔlɔ ye u bɛɛ cɛma, ni Ala hinɛna ne la, a b'a fɛ Yezu Krista k'a ka nyumanya le yira k'o kɛ taamasinyɛ ye mɔgɔw fɛ, olu minw bɛna la ale la ka sini hɛrɛ sɔrɔ.

Jula NT of Côte d’Ivoire

¹⁶ O kosɔn ne min ye bɛɛ ra jurumunkɛbagaba ye, Ala hinara ne ra, janko o ye kɛ sababu ye k’a to mɔgɔw y’a lɔn ko Yesu Kirisita bɛ muɲu kosɛbɛ, ani janko minw bɛ la a ra ka ɲanamanya banbari sɔrɔ, olugu ye ne cogo ye, k’a lɔn ko Ala bɛ makari.

ALA KA KUMA

¹⁶ Ne min tun ka jugu u bɛɛ cɛma, ni Ala hinɛna ne la, a b'a fɛ Yezu Krista k'a ka ɲumanya le yira k'o kɛ taamasiɲɛ ye mɔgɔw fɛ, olu minw bena la ale la ka nii banbali sɔrɔ.

Tim fɔlɔ 1:16 Iomraidhean Croise

Luka 15:10

O cogo la, ne b'a fɔ aw ye ko ni kojugukɛla kelen nimisara ka faran a ka kojuguw la, nisɔndiya bɛ kɛ Ala ka mɛlɛkɛw fɛ o tigi kɔsɔn.”

Luka 23:43

Yezu y'a jaabi ko: “Tinyɛ na, ne b'a fɔ i ye, i bɛna kɛ ne fɛ arijana na bii yɛrɛ.”

Luka 7:47

O kama, kanuyasɛbɛ min b'a dusu la, ne b'a fɔ i ye k'o kɔsɔn, a ka kojuguw bɛɛ yafara a ma. U ma mɔgɔ min ka kojuguw bɛɛ yafa, kanuyasɛbɛ tɛna kɛ o dusu la.”

Yuhana 20:31

Nga minw sɛbɛnna, olu sɛbɛnkun ye nin ye, janko aw ka se ka l'a la ko Yezu ye Ala ka Mɔgɔ wolomanin nin ye, Ala Dencɛ, n'aw lara o la, aw ka se ka hɛrɛ banbali sɔrɔ a barika la.

Yuhana 3:36

Ni mɔgɔ min y'a jigi la Ala Deen kan, o tigi ye hɛrɛ banbali sɔrɔ ka ban. Nga ni mɔgɔ min ma sɔn k'a jigi la a Deen kan, o tigi tɛna sini hɛrɛ sɔrɔ, Ala bɛn'a tɔɔrɔ kosɛbɛ.”

Yuhana 5:24

Tinyɛ tinyɛ na, ne b'a fɔ aw ye ko ni mɔgɔ min ye n ka kuma lamɛn ka la n cibaga la, o tigi ye hɛrɛ banbali sɔrɔ. A tɛna kiti, a niin bɔra saya la ka don hɛrɛ la ka ban.

Yuhana 6:37

Ni n Faa ye mɔgɔ o mɔgɔ di ne ma, o bɛna la ne la, ne fana tɛna ban o tigi la.

Yuhana 6:40

N Faa ko ni mɔgɔ o mɔgɔ ye ne ye k'a jigi la ne kan, k'o tigi bɛna sini hɛrɛ sɔrɔ. Ne fana bɛn'a kunun labanlon na.”

Yuhana 6:54

Ni mɔgɔ min ye ne farisogo dumu ka ne joli min, o tigi bɛna hɛrɛ banbali sɔrɔ, ne b'o tigi kunun labanlon na.

Kɛwalew 13:39

Nga mɔgɔ o mɔgɔ mana la Yezu la, ale barika la, o tigi bɛna kɛ jalakibali ye.

Rɔmukaw 15:4

Koo minw bɛɛ tun fɔra Ala ka kuma na kabini fɔlɔfɔlɔ, o fɔra ka hakili d'an ma, janko an jaa ka gwɛlɛya ani ka munyu, ka jigi sɔrɔ o barika la.

Rɔmukaw 6:23

Bari kojugu sara ye halakili ye, nga Ala ka makariko, o bɛ hɛrɛ banbali di an Matigi Yezu Krista barika la.

Kor fɔlɔ 7:25

Sisan, minw ma furu kɛ fɔlɔ, n kaan bɛ olu le ma. Matigi ka kuma tɛ, nga ne yɛrɛ ka miiriya lo, n bɛ min d'u ma. Matigi ka makari barika la, mɔgɔ bɛ se k'a jigi la a kan.

Kor 2nan 4:1

Ala ka nyumanya kɔsɔn a ye baara nin kalifa an ma, o la, an jigi tɛ tigɛ fewu.

Ɛfɛsikaw 1:12

an minw kɔnna k'an jigi la Krista kan, waasa an k'a tando.

Ɛfɛsikaw 1:6

An ka Ala tando a ka nɛɛma kɔsɔn a y'o min kɛ an ye, a Deen kanunin barika la.

Ɛfɛsikaw 2:7

O cogo la, a tun y'a latigɛ k'a ka nɛɛma dafanin kɛ waati nataw la an faan fɛ, o min nyɔgɔn tɛ, a ka nyumanya kɔsɔn Yezu Krista barika la.

Tes 2nan 1:10

Mɔgɔ minw y'u jigi la a kan, a bɛna na o loon na janko olu k'a bonya, ani u ka nisɔndiya a ka koo la, aw fana do sɔnna an ka kuma ma.

Tim fɔlɔ 1:13

Fɔlɔfɔlɔ ne min tun b'a tɔgɔ cɛn, ka Alanyasiranbagaw tɔɔrɔ, ani ne tun ka fari, nga o bɛɛ n'a ta a makarila ne la, bari ne ka lanabaliya ni kolɔnbaliya le kɔsɔn lo, ne tun bɛ o kɛra.

Heburuw 7:25

O kama, mɔgɔ minw bɛ gwɛrɛ Ala la ale sababu la, see b'a ye k'olu kisi bii ani sini, bari a bɛ yen tuma bɛɛ ka Ala dali u ye.

Piy fɔlɔ 3:20

Olu minw tun murutira Ala ma, a munyuna, Nuhun ye kurunba lalaga, mɔgɔ damani le kisira o kɔnɔ, mɔgɔ seegi dɔrɔn.

Piy 2nan 3:15

N'aw y'a ye ko Matigi tɛ kɔsegira ka na joona, o kɛra aw ka kisili kɔsɔn le. An balimacɛ n'an tericɛ Pɔli ye sɛbɛ ci aw ma o koo la. Ala ye lɔnniya min d'a ma, a y'o kɛ k'aw ladi.

Piy 2nan 3:9

Matigi y'a daa di koo min na, dɔw ko a ka suma o kɛko la. K'a sɔrɔ a man suma. Nga a bɛ munyu aw le kɔrɔ, a t'a fɛ mɔgɔ si ka halaki, a b'a fɛ bɛɛ ka se ka nimisa ka faran a ka kojuguw la.