Tes fɔlɔ 4:8 - LAYIDUKURA

⁸ O le y'a to ni mɔgɔ min ma sɔn o ladili ma, o tigi ma ban mɔgɔ ka kuma na, nga a banna Ala la, min b'a ka Nii Senuman d'aw ma.

Jula NT of Côte d’Ivoire

⁸ O kosɔn ni mɔgɔ min ka ban nin kuma ma, o tigi ma ban mɔgɔ kan ma; Ala min ka a ta Nin Saninman* di aw ma, a banna o le kan ma.

ALA KA KUMA

⁸ O le y'a to ni mɔgɔ min ma sɔn o ladili ma, o tigi ma ban mɔgɔ ka kuma na, nga a banna Ala le la, min b'a ka Nii Senuman d'aw ma.

Tes fɔlɔ 4:8 Iomraidhean Croise

Luka 10:16

O kɔ, a y'a fɔ a ka kalandenw ye ko: “Mɔgɔ minw mana aw lamɛn, o tigiw bɛ ne yɛrɛ le lamɛn. Mɔgɔ minw mana ban k'aw ladon, a bɛ kɛ i n'a fɔ u banna ka ne yɛrɛ le ladon. Ni mɔgɔ minw do banna ka ne ladon, olu bɛ banna ne cibaga le la.”

Yuhana 12:48

Mɔgɔ min banna ne la ani a ma sɔn ne ka kuma na, o tigi kitibaga bɛ yen, ne ye kuma min fɔ, o le bɛn'a tigi kiti dinyɛ labanlon na.

Kɛwalew 13:41

‘Aw, yɛrɛbonyalaw, aw ye filɛli kɛ, kabakoya ka dama tɛmɛ. N bɛna koo dɔ kɛ aw nyana, ni mɔgɔ b'o lakali aw ye, aw tɛna la o la.’ ”

Rɔmukaw 5:5

Jigi do tɛ taa ka mɔgɔ to bololakolon, bari Ala y'an kanu cogo min na, o b'an dusu la Nii Senuman barika la, a y'ale min d'an ma.

Kor fɔlɔ 2:10

Ala y'o koo dogoninw yira an na Nii Senuman barika la, bari Nii Senuman bɛ koo bɛɛ sɛgɛsɛgɛ kosɛbɛ fɔɔ ka taa se Ala ka koo dogoninw ma.

Kor fɔlɔ 7:40

O bɛɛ n'a ta, n'a tora ten, o tun ka fis'a ma kosɛbɛ. O ye ne ka miiriya ye. N bɛ miiri fana ko Ala ka Nii Senuman bɛ n fɛ.

Kor 2nan 1:22

k'a ka taamasinyɛ la an kan, ani ka Nii Senuman d'an ma k'a ka nyumanya nata yira an na.

Galasikaw 4:6

Aw ye Ala deenw ye sɛbɛ la. Ala yɛrɛ y'a Dencɛ Nii don an kɔnɔ, ale min b'a to an bɛ Ala wele ko an Faa.

Piy fɔlɔ 1:12

Ala y'a yira u la k'u ka koo tɛ o ye, nga u tun b'o kuma fɔra ka bila aw le ye. Aw y'o kira nunu ka kumaw mɛn sisan Kibaru Diman fɔbagaw fɛ, Nii Senuman barika la, o min cira ka bɔ sankolo la ka jigi u kan. O diyara mɛlɛkɛw ye fɔɔ u tun b'a fɛ ka koo nin ye.

Piy 2nan 1:21

A ma kɛ i n'a fɔ kirayakuma bɔra mɔgɔw fɛ, nga Nii Senuman yɛrɛ le y'a don u daa la u tora ka kuma Ala tɔgɔ la.

Zan fɔlɔ 3:24

Ni mɔgɔ min b'a ka sariya nin labato, Ala b'o tigi fɛ, o tigi ye Ala ta ye. An b'a lɔn o fɛ ko Ala b'an fɛ, a ka Nii Senuman barika la a y'o min d'an ma.

Zude 1:8

O cogo la fana, o mɔgɔ nunu b'o koow kɛ k'u yɛrɛ nɔgɔ ka ban Ala ta ma ka mɛlɛkɛw nɛni nɔɔrɔ bɛ o minw kan.