Tes fɔlɔ 4:16 - LAYIDUKURA

¹⁶ Ni sira dira, mɛlɛkɛ kuntigi ka pɛrɛnkan fɛ ani Ala ka buru kaan fɛ, Matigi yɛrɛ bɛna bɔ sankolo la ka jigi, o tuma na mɔgɔ minw tun lara Krista la ka sɔrɔ ka sa, olu bɛ kunun fɔlɔ.

Jula NT of Côte d’Ivoire

¹⁶ Sabu kumakan dɔ bɛna bɔ, o kɔ mɛlɛkɛ kuntigi dɔ kan bɛna bɔ; o kɔ, Ala ta burufiyɛkan bɛ bɔ. Ni o kɛra, Matigi Yesu yɛrɛ bɛ jigi ka bɔ sankolo ra. O tuma, minw sara ka o to Kirisita ta jɛnɲɔgɔnya ra, olugu bɛ kɔn ka kunu.

ALA KA KUMA

¹⁶ Ni sira dira, mɛlɛkɛ kuntigi ka pɛrɛnkan fɛ ani Ala ka buru kaan fɛ, Matigi yɛrɛ bena bɔ sankolo la ka jigi. O tuma na, mɔgɔ minw tun lara Krista la ka sɔrɔ ka sa, olu be kunun fɔlɔ.

Tes fɔlɔ 4:16 Iomraidhean Croise

Matiyu 16:27

Ayiwa, Mɔgɔ Dencɛ bɛna na n'a ka mɛlɛkɛw ye a Faa ka sebagaya la, o cogo la a bɛna mɔgɔw bɛɛ kelen kelen sara ka kɛnyɛ n'u ka kɛwaliw ye.

Matiyu 16:28

Tinyɛ na, ne b'a fɔ aw ye ko aw minw bɛ yan, aw dɔw tɛna sa n'u ma Mɔgɔ Dencɛ natɔ ye n'a ka masaya ye.”

Matiyu 25:31

“Tuma min na Mɔgɔ Dencɛ bɛna na ni mɛlɛkɛw ye, a bɛna sigi a ka masasigilan kan.

Matiyu 26:64

Yezu y'a jaabi ko: “Ele yɛrɛ le y'a fɔ, nga ne b'a fɔ aw ye ko k'a ta sisan ma, aw bɛna Mɔgɔ Dencɛ siginin ye Setigi Ala kinibolo la, o kɔ, aw bɛn'a natɔ ye sankaba kan.”

Kɛwalew 1:11

Cɛɛ fila nunu y'u kaan to u ma ko: “Galilekaw! A kɛra di aw lɔnin bɛ ka sankolo filɛ ten? Aw ye Yezu min yɛlɛtɔ ye arijana na dɛ, a bɛna segi ka na ten ka bɔ o yɔrɔ la.”

Kor fɔlɔ 15:18

O la, mɔgɔ minw sara k'u jigi lanin to Krista kan, olu ta cɛnna.

Kor fɔlɔ 15:20

Nga tinyɛ na, Krista kununna. O cogo la a y'a yira k'a gwɛya ko mɔgɔ minw sara, olu bɛna kunun.

Kor fɔlɔ 15:23

Nga o bɛna kɛ bɛɛ n'a ka lɔyɔrɔ: Krista le kɛra fɔlɔ ye, o kɔ, mɔgɔ minw kɛra a ta ye. A bɛ kɛ ten a natuma na.

Tes fɔlɔ 1:10

Aw y'o kɛ ka to ka Ala dencɛ Yezu kɔsegitɔ makɔnɔ, a y'ale min kunun a sanin kɔ. Yezu le b'an kunmabɔ Ala ka dimi nata ma.

Tes fɔlɔ 3:11

An b'a nyini ale an Faa Ala fɛ ani an Matigi Yezu fɛ, u ka sira di an ma loon dɔ waasa ka taa aw fɛ.

Tes 2nan 1:7

O cogo la, aw minw bɛ tɔɔrɔ la, a ka hɛrɛ kɛ aw ye i n'a fɔ anw. O bɛna kɛ an Matigi yezu kɔsegituma na n'a bɛn'a yɛrɛ yira ka bɔ sankolo la n'a ka mɛlɛkɛ setigiw ye.

Tes 2nan 2:1

Min ye an ka Matigi Yezu Krista ka kɔsegiko ye, ani an lajɛnko ye a fɛ, n balimaw, an b'aw dali ko

Piy 2nan 3:10

Matigi nalon bɛna bari mɔgɔw la i n'a fɔ soon. O loon na, sankolo bɛna tunu ni mankanba ye. Sankolofɛnw bɛɛ bɛna halaki ni tasuma ye pewu! Dinyɛ n'a kɔnɔnafɛnw bɛɛ bɛna ban.

Zude 1:9

O ye koo ye, hali mɛlɛkɛw ka nyamɔgɔ Misɛli ma sɔn k'o min kɛ. Tuma min na, a tun bɛ sɔsɔli kɛra ni Sutana ye Musa suu koo la, a y'a yɛrɛ minɛ, a ma sɔn ka Sutana nɛni. Nga a y'a fɔ ko: “Ala bɛna i sara.”

Yirari 1:10

Dimasilon dɔ la, Nii Senuman barika la, ne ye kumakan dɔ mɛn n kɔfɛ, i n'a fɔ buru fiyɛkan.

Yirari 1:7

Ayiwa, a bɛna na sankaba kan. Mɔgɔ bɛɛ bɛn'a ye. Hali minw tun y'a sɔgɔ ni taman ye, u bɛn'a ye. Siyaw bɛɛ bɛna kasi ale kɔsɔn. Ɔnhɔn, a bɛna kɛ ten. Amiina.

Yirari 14:13

O kɔ, kumakan dɔ bɔra sankolo la ko ne ma: “A sɛbɛn ko: Mɔgɔ minw bɛ sa k'u jigi lanin to Matigi kan, kabini sisan olu bɛ hɛrɛ la.” Nii Senuman ko: “U bɛna lafinyɛ, bari u ye kɛwalinyumanw kɛ.”

Yirari 8:13

O tuma na, ne tun bɛ filɛli kɛra, ne ye sɛgɛn dɔ tɛmɛtɔ pɛrɛnkan mɛn fɔɔ sankolo la. A tun b'a fɔra ko: “Mɛlɛkɛ saba minw tora, olu bɛna buru minw fiyɛ sisan, ebe! Ebe! Bɔnɛ ye dinyɛ mɔgɔw ta ye, o buru nunu fiyɛli kama.”

Yirari 8:2

Ne ye mɛlɛkɛ wolonwula ye minw bɛ lɔ Ala nyafɛ, buru fiyɛta wolonwula dira u ma.