Tes fɔlɔ 4:12 - LAYIDUKURA

¹² janko aw taamacogo ka bɛn mɔgɔ wɛrɛw cɛma waasa olu k'aw tɔgɔnyuman fɔ. O cogo la aw tɛna kɛ mɔgɔ si ka doni ye.

Jula NT of Côte d’Ivoire

¹² Ni o kɛra, lanabariw fana bɛna aw bonya; aw fana tɛna kɛ doni ye mɔgɔ si kunna.

ALA KA KUMA

¹² janko aw taamacogo ka bɛn mɔgɔ wɛrɛw cɛma waasa olu k'aw tɔgɔɲuman fɔ. O la, aw tena kɛ mɔgɔ si ka doni ye.

Tes fɔlɔ 4:12 Iomraidhean Croise

Marika 4:11

A y'u jaabi ko: “Mɔgɔw tun ma se ka fɛɛn min faamu Ala ka masaya koo la, Ala ye aw nyaa yɛlɛ k'o faamu. Nga tinyɛ bɛɛ bɛ fɔ mɔgɔ tɔw ye talen na.

Rɔmukaw 12:17

Aw kana kojugu juru sara, aw ye jija ka konyuman kɛ mɔgɔw bɛɛ ye.

Rɔmukaw 13:13

An ka taama tilenninya la i n'a fɔ mɔgɔ bɛ taama cogo min na tile fɛ. An kana kɛ nugubatɔw ni dɔrɔtɔw ye. An k'an yɛrɛ kɔlɔsi kakalaya sifa bɛɛ ma, an kana kɛ kɛlɛtigɛlaw ye, ani keliya kana sɔrɔ an dusu la.

Ɛfɛsikaw 4:28

Mɔgɔ min bɛ sonyali kɛ, o tigi kana sonyali kɛ tugu, nga o tigi ka baara kɛ ka nya, janko a ka se ka sɔrɔli kɛ ka dɔ di dɛsɛbagatɔw ma.

Filipikaw 4:8

O bɛɛ kɔ, n balimaw, koo minw kɛra tinyɛko ye, bonya bɛ sɔrɔ min na, ni tilenninya, ni koo gwɛnin, ni koo diman, ani kunkɔrɔtako, ni sɔnnyuman min bɛ na ni tɔgɔnyuman ye, o dama ka kɛ aw ka miiri ye.

Kɔlɔsikaw 4:5

Minw ma la Matigi la, aw ka taama ni hakilitigiya ye olu cɛma, n'aw ye sababunyuman sɔrɔ, aw ka banba ka Matigi koo fɔ u ye.

Tes fɔlɔ 5:22

Aw k'aw yɛrɛ kɔlɔsi kojugu sifa bɛɛ kɛli ma.

Tim fɔlɔ 3:7

A ka kɛ mɔgɔ ye min tɔgɔnyuman bɛ fɔ mɔgɔ wɛrɛw fɛ, waasa a kana dɔgɔya sɔrɔ Sutana ka se a kɔrɔ.

Piy fɔlɔ 2:12

O la, aw taamacogo ka nya Alalɔnbaliw cɛma, waasa hali n'u ko u bɛna aw tɔgɔ cɛn, aw ka kɛwalinyumanw ka kɛ sababu ye u bɛ Ala tando a nalon na.

Piy fɔlɔ 3:1

Musow, aw fana k'aw yɛrɛ majigi aw cɛɛw ye waasa hali ni dɔw bɛ ban Ala ka kuma na, u ka sɔn a ma aw taamacogo sababu la, o kana kɛ kuma sababu la.