Tes fɔlɔ 3:8 - LAYIDUKURA

⁸ Sisan an bɛ se ka ninakili ka nya bari aw jijanin lo ka to Matigi ka jɛnnyɔgɔnya la.

Jula NT of Côte d’Ivoire

⁸ Ayiwa, sisan kɔni an ja gbɛlɛyara, sabu an k’a lɔn ko aw ta lanaya bɛ a nɔ ra, Matigi ta jɛnɲɔgɔnya ra.

ALA KA KUMA

⁸ Sisan an be se ka ninakili ka ɲa bari aw jijanin lo ka to Matigi ka jɛnɲɔgɔnya la.

Tes fɔlɔ 3:8 Iomraidhean Croise

Yuhana 15:4

Aw ye to ni ne ye i n'a fɔ ne bɛ n'aw ye cogo min na. Yiribolo tɛ se ka tigɛ ka to a kelen na ka se ka deen kɛ cogo min na a yɛrɛ ma, o cogo kelen na fana, n'aw ma to ne fɛ aw tɛ se ka foyi kɛ.

Yuhana 15:7

Ni aw tora ne fɛ, ani ne ka kuma ka to aw kɔnɔ, aw bɛ fɛɛn min fɛ, aw k'o dali aw bɛna o sɔrɔ.

Yuhana 8:31

Zuwifuw nyamɔgɔ minw lara Yezu la, a y'a fɔ olu ye ko: “N'aw ye ne ka kuma labato, aw bɛ kɛ n ka kalandenw ye tinyɛ na.

Kɛwalew 11:23

Ala y'o mɔgɔ nunu dɛmɛ cogo min na, Barinabasi sera yen k'o ye, a nisɔn diyara. A y'u jaa gwɛlɛya k'u ka banba ka nɔrɔ Matigi kelen na.

Kor fɔlɔ 15:58

O kɔsɔn, ne balima kanuninw, aw ye jija kosɛbɛ, aw kana siran, aw ye taa nya Matigi ka baara la tuma bɛɛ, ka la a la ko aw bɛ baara min kɛra Matigi ye, k'o tɛna kɛ gwansan ye.

Kor fɔlɔ 16:13

Aw labɛnnin ka to, aw ye jija aw jigi ka to Ala kan kosɛbɛ, aw ka kɛ mɔgɔ jagwɛlɛnw ye, ani ka barika don aw yɛrɛ la.

Galasikaw 5:1

Krista y'an hɔrɔnya janko an ka kɛ hɔrɔnw ye sɛbɛ la, o la, aw ye jija, aw kana tila ka don jɔnya la tugu.

Ɛfɛsikaw 3:17

janko Krista koo ka se ka sigi aw kɔnɔ jigi barika la, kanuyasɛbɛ ka se ka sɔrɔ aw kɔnɔ fɔɔ ka nya.

Filipikaw 1:21

bari ni ne bɛ nii na, ne bɛ nii na Krista ka baara kɔsɔn, nga ni ne sara, o fana bɛ kɛ ne ma hɛrɛ ye.

Filipikaw 1:27

Min ka gwɛlɛ, o ye nin ye: Aw ka taamacogo ka kan ka bɛn Krista ka koo ma, waasa hali ni ne nana aw fɛ, walima ne ma se ka na wo, ne k'a mɛn ko aw jijanin lo, ka bɛn ka baara kɛ ni miiriya kelen ye ani dusukun kelen ye kibaru diman kɔsɔn aw y'aw jigi la o min kan.

Filipikaw 4:1

O le kɔsɔn n balimaw, ne bɛ aw minw kanu, ani ne b'a fɛ ka aw minw ye tugu, ne bɛ nisɔndiya aw minw kɔsɔn, ani aw minw kɛra ne ka jala ye, aw ka jija kosɛbɛ Matigi barika la, ne teriw.

Kɔlɔsikaw 1:23

Nga aw ka jija k'aw jigi la a kan kosɛbɛ, fɛɛn si kana aw ka miiriya nyagami k'aw jigi bɔ kibaru diman kan aw ye o min mɛn, ale min koo fɔra danfɛnw bɛɛ ye dinyɛ kɔnɔ. Ne Pɔli kɛra o min baarakɛla ye.

Tes fɔlɔ 3:7

O le y'a to, n balimaw, k'an to an ka sɛgɛn n'an ka tɔɔrɔ la, an y'a ye tuma min na ko aw jigi lanin bɛ Matigi kan halibele, an ye nisɔndiya sɔrɔ.

Heburuw 10:23

An ko jigi min b'an fɛ, an kana an fari faga o koo la. Bari Ala min y'a daa di, kantigi lo.

Heburuw 3:14

An daminɛna ni jigi min ye, n'an tora o kan fɔɔ a daan na, o tuma na, an ye Krista taamanyɔgɔnw ye.

Heburuw 4:14

Ayiwa, sarakalasebagaw kuntigiba nyanaman b'an fɛ minkɛ, n'o ye Ala Dencɛ Yezu ye, ale ye sankolo cɛtigɛ ka se Ala fɛ. O la, an jigi bɛ min kan, an k'a to o kan.

Piy fɔlɔ 5:10

Nga tɔɔrɔ dɔɔni tɛmɛnin kɔ, Nyumanyatigi Ala o min y'aw wele waasa aw k'ale ka nɔɔrɔ banbali nyɔgɔn sɔrɔ Krista barika la, ale le bɛna barika don aw la, k'aw ka koo sabati, bagabagali kana se aw kɔrɔ.

Piy 2nan 3:17

Ayiwa, n teriw, aw kɔni lasɔmina ka ban. Aw k'aw yɛrɛ kɔlɔsi Alanyasiranbaliw si kana aw kuun nyagami. Aw kana to u b'aw jigi tigɛ ka bɔ fu la.

Yirari 3:11

N bɛ na yan ni dɔɔni. Aw ye jija k'aw yɛrɛ kɔlɔsi waasa mɔgɔ si kana na aw ka sesɔrɔjala bɔsi aw la.

Yirari 3:3

Aw ye kuma min mɛn ka sɔn a ma, aw k'aw hakili jigi o la, k'aw sɔɔn yɛlɛma k'o kuma nin minɛ ka nya dɛ! N'o tɛ, ne bɛna na bari aw la i n'a fɔ soon, aw tɛna ne natuma lɔn.