Tes fɔlɔ 3:6 - LAYIDUKURA

⁶ Sisan, Timote bɔra aw fɛ ka na se yan an fɛ. A ye kibarunyuman fɔ aw koo la. A ko jiginyuman bɛ aw fɛ, ko aw bɛ nyɔgɔn kanu. An koo bɛ aw kɔnɔ cogo min na, a ye o fɔ, ko aw b'a fɛ k'an ye kosɛbɛ, i n'a fɔ an fana b'a fɛ ka aw ye cogo min na.

Jula NT of Côte d’Ivoire

⁶ Ayiwa, Timote bɔra aw fɛ yi, ka na kibaroɲuman fɔ an ye aw ta lanaya ko ra, ani aw ta kanuya; a ko aw hakiri bɛ an na kosɛbɛ, ani ko an lɔgɔ bɛ aw ra i n’a fɔ aw fana lɔgɔ bɛ anw na cogo min na.

ALA KA KUMA

⁶ Sisan, Timote bɔra aw fɛ ka na se yan an fɛ. A ye kibaruɲuman fɔ aw koo la. A ko jigiɲuman be aw fɛ, ko aw be ɲɔgɔn kanu. An ka koo be aw kɔnɔ cogo min na, a y'o fɔ, ko aw b'a fɛ k'an ye kosɔbɛ, i n'a fɔ an fana b'a fɛ k'aw ye cogo min na.

Tes fɔlɔ 3:6 Iomraidhean Croise

Kɛwalew 16:1

Pɔli nunu sera Dɛribe, ka taa Lisitɔrɔ. Kalanden dɔ tun b'o yɔrɔ la, a tɔgɔ tun ko Timote. A bamuso tun ye Zuwifu ye, min nana kɛ kretinyɛ ye. Nga a facɛ tun ye girɛki ye.

Kɛwalew 18:1

O kɔ, Pɔli bɔra Atɛni ka taa Korɛnti.

Kɛwalew 18:5

Silasi ni Timote nunu nana yen ka bɔ Maseduwani tuma min na, Pɔli y'a ka baara bɛɛ kɛ Yezu koo fɔli dama ye, k'a yira Zuwifuw la ko Yezu le ye Ala ka Mɔgɔwolomanin ye.

Kor fɔlɔ 11:2

Ne bɛ barika la aw ye bari aw hakili bɛ to ne la waati bɛɛ, ne ye koo minw bɛɛ fɔ aw ye, aw y'o labato ka nya.

Kor fɔlɔ 13:13

Sisan fɛɛn saba nunu le bɛ yen: lanaya, jigi, ani kanuya, nga o fɛɛn saba nunu na, kanuya le bɛ nyafɛ.

Galasikaw 5:6

N'an lanin bɛ Yezu Krista la, i kɛnɛkɛnɛna wo, walima i ma kɛnɛkɛnɛ wo, o si tɛ foyi ye. Min ye koo kuun ye, o ye jigi ye, min b'a to n'an bɛ baara kɛ kanuya kɔsɔn.

Filipikaw 1:8

Ala yɛrɛ b'a lɔn ko aw bɛɛ koo ka di ne ye i n'a fɔ aw koo ka di Yezu Krista ye cogo min na.

Kɔlɔsikaw 1:4

Bari an y'a mɛn ko aw fana lara Yezu Krista la ani ko aw bɛ Ala ka mɔgɔw kanu.

Kɔlɔsikaw 4:18

Ne Pɔli b'aw fo, yan sɛbɛn nɔɔ nin ye ne yɛrɛ bolonɔ ye. Aw kana nyinɛ ko ne bɛ kaso kɔnɔ. Ala ka nɛɛma kɛ aw ye.

Tes fɔlɔ 1:3

Aw lara Ala la ka jija ka baara kɛ a ye, baara gwɛlɛman, kanuya kɔsɔn cogo min na, ani aw bɛ munyuna siniko la cogo min na Matigi Yezu Krista kɔsɔn, an hakili b'o bɛɛ la an Faa Ala nyakɔrɔ.

Tes fɔlɔ 2:17

An kɔni fɛ balimaw, kabini an faranna nyɔgɔn na waati dɔɔni nin kɔnɔ, an kɔni t'aw cɛma, nga an bɛ miiri aw koo la. An ye cogo bɛɛ nyini, janko ka segi ka taa aw fɛ, bari an b'a fɛ ka aw ye.

Tes fɔlɔ 2:9

N balimaw, an ye baara min kɛ k'o sɛgɛn munyu, aw hakili b'o la. K'an to aw cɛma n'an bɛ Ala ka kibaru diman fɔ aw ye, an ye baara kɛ suu fara tile kan waasa an ka doni kana la aw dɔ kan.

Tes fɔlɔ 3:7

O le y'a to, n balimaw, k'an to an ka sɛgɛn n'an ka tɔɔrɔ la, an y'a ye tuma min na ko aw jigi lanin bɛ Matigi kan halibele, an ye nisɔndiya sɔrɔ.

Tes 2nan 1:3

N balimaw, an ka kan ka barika la Ala ye tuma bɛɛ aw koo la, o ka nyi. Bari aw jigi lanin lo Matigi kan kosɛbɛ ani kanuya min bɛ aw ni nyɔgɔn cɛ, o bɛ bonyana ka taa nya,

Tim fɔlɔ 1:5

O ladikun ye min ye, o ye ka kanuya sɔrɔ min bɛ bɔ dusukun gwɛnin na, ni miirinyuman na, ani jigisɛbɛ la.

Tim 2nan 1:3

Ne bɛ barika la Ala ye, ne bɛ baara kɛ ale min ye ni kɔnɔgwɛ ye i n'a fɔ ne y'o sɔrɔ n bɛmaw fɛ cogo min na. Ne bɛ to ka Ala dali i ye suu ni tile.

Filemɔn 1:5

bari, i bɛ Krista kɔmɔgɔw kanu cogo min na, ani i jigi bɛ Matigi Yezu kan cogo min na, ne y'o mɛn.

Heburuw 13:3

Aw k'aw hakili to kasodenw na, k'a kɛ i n'a fɔ aw fana bɛ kaso la n'u ye. U bɛ minw tɔɔrɔla aw k'aw hakili to u la, i n'a fɔ aw yɛrɛ tun bɛ tɔɔrɔla.

Heburuw 13:7

Aw k'aw hakili jigi aw ka nyamɔgɔw la. Olu minw ye Ala ka kuma fɔ aw ye. U sii labanna cogo min na, aw k'o jati k'u taamacogo ladege.

Zan fɔlɔ 3:23

A ka sariya filɛ nin ye, ko an ka la a Deen Yezu Krista la, ani ka nyɔgɔn kanu. Ale yɛrɛ le y'o cii nin don an bolo ten.