Tes fɔlɔ 3:3 - LAYIDUKURA

³ waasa aw la, mɔgɔ si kunna kana cɛn tɔɔrɔ kɔsɔn minw y'aw sɔrɔ sisan, bari aw yɛrɛ b'o lɔn ka ban ko wajibi lo, o ka an sɔrɔ.

Jula NT of Côte d’Ivoire

³ janko tɔɔrɔ min bɛ aw kan sisan, o kana aw ta lanaya bɔ a nɔ ra. Aw yɛrɛ k’a lɔn ko Ala ka an wele o le kama.

ALA KA KUMA

³ waasa aw, mɔgɔ si fari kana faga tɔɔrɔ kosɔn minw y'aw sɔrɔ sisan, bari aw yɛrɛ b'o lɔn ka ban ko wajibi lo, o k'an sɔrɔ.

Tes fɔlɔ 3:3 Iomraidhean Croise

Luka 21:12

“Nga sanni o koow bɛɛ ka kɛ, mɔgɔw bɛna aw minɛ k'aw tɔɔrɔ kosɛbɛ. U bɛna aw don Alabatoso kuntigiw bolo k'aw don kaso la. U bɛna taa n'aw ye masacɛw ni jamanatigiw fɛ ne kɔsɔn.

Yuhana 16:2

U bɛna aw gwɛn ka bɔ Alabatoso kɔnɔ, waati dɔ bɛna se, mɔgɔ minw bɛna aw faga, olu bɛna miiri k'u ye Ala sago le kɛ.

Yuhana 16:33

Ne y'o fɔ aw ye janko aw ka to ni ne ye ka hɛrɛ sɔrɔ. K'aw to dinyɛ kɔnɔ, dusukasi le bɛ aw kan, nga aw k'aw jaa gwɛlɛya, ne ye see sɔrɔ dinyɛ kan ka ban.”

Kɛwalew 14:22

U tun bɛ to ka kalandenw jaa gwɛlɛya k'u ka banba k'u jigi la Yezu kan kosɛbɛ. U tun b'a fɔ kalandenw ye ko: “Wajibi lo fɔɔ an ka tɔɔrɔ kosɛbɛ ka sɔrɔ ka don Ala ka mara kɔnɔ.”

Kɛwalew 2:25

Masacɛ Dawuda yɛrɛ tun y'a fɔ ale koo la ko: ‘Matigi bɛ ne fɛ tuma bɛɛ, a bɛ ne fɛ minkɛ, o le y'a to fɛɛn si tɛ se ne kɔrɔ.

Kɛwalew 21:11

A nana an sɔrɔ yen minkɛ, a ye Pɔli ka cɛsirilan ta k'a yɛrɛ seen n'a bolow siri n'a ye, k'a fɔ ko: “Mɔgɔ min ta ye cɛsirilan nin ye, Zuwifuw bɛn'a tigi minɛ k'a siri ten Zeruzalɛmu k'a don siya wɛrɛw bolo. Nii Senuman le ko ten.”

Kɛwalew 21:13

Nga a y'an jaabi ko: “Mun na aw bɛ kasira ten, n'aw b'a fɛ ka ne jigi tigɛ? Ka ne siri, o tɛ foyi ye ne fɛ. Ne ka sa yɛrɛ, Matigi Yezu kɔsɔn Zeruzalɛmu, ne labɛnnin lo o kama.”

Kɛwalew 9:16

A ka kan ka tɔɔrɔ minw bɛɛ kɛ ne kɔsɔn, ne yɛrɛ bɛna o bɛɛ yira a la.”

Rɔmukaw 5:3

O dama tɛ, an bɛ nisɔndiya an ka tɔɔrɔkow la, bari an lanin b'a la ko tɔɔrɔ kɔsɔn an bɛ munyu.

Kor fɔlɔ 15:58

O kɔsɔn, ne balima kanuninw, aw ye jija kosɛbɛ, aw kana siran, aw ye taa nya Matigi ka baara la tuma bɛɛ, ka la a la ko aw bɛ baara min kɛra Matigi ye, k'o tɛna kɛ gwansan ye.

Kor fɔlɔ 4:9

Bari ne bɛ miiri ko Ala y'an cidenw kɔni bila mɔgɔ bɛɛ kɔfɛ, i n'a fɔ mɔgɔ minw ka kan ka faga. O la, an kɛra dinyɛ bɛɛ ka tolonkɛfɛn ye, k'a ta mɛlɛkɛw ma fɔɔ ka ta'a bila adamadenw ma.

Ɛfɛsikaw 3:13

O la, ne b'aw dali ko aw kana aw jigi tigɛ ne ka tɔɔrɔko kɔsɔn, ne b'o minw kɛ aw kama, o le ye aw ka yɛrɛbonya sababu ye.

Filipikaw 1:28

Aw kana sɔn aw juguw ka siranya bila aw la, cogo si la. Ni aw jaa ma tigɛ fewu, u bɛn'a lɔn ko olu ta ye halaki ye, ani ko aw ta ye kisili ye o min bɔra Ala fɛ.

Kɔlɔsikaw 1:23

Nga aw ka jija k'aw jigi la a kan kosɛbɛ, fɛɛn si kana aw ka miiriya nyagami k'aw jigi bɔ kibaru diman kan aw ye o min mɛn, ale min koo fɔra danfɛnw bɛɛ ye dinyɛ kɔnɔ. Ne Pɔli kɛra o min baarakɛla ye.

Tes fɔlɔ 5:9

Bari Ala m'a latigɛ ko a ka dimi ka se an ma, nga a y'a latigɛ ko an ka kisi an Matigi Yezu Krista barika la,

Tes 2nan 1:4

fɔɔ an b'an yɛrɛ bonya Ala ka jama cɛma aw ka jijali, n'aw ka lanaya kɔsɔn, hali k'aw to nin tɔɔrɔ ni kɔrɔbɔli bɛɛ la o min b'aw kan.

Tim 2nan 1:8

I kana maloya k'an Matigi koo fɔ, i kana maloya ni ne fana koo ye, ne min bɛ kaso la ale kɔsɔn. Nga i ka sɔn tɔɔrɔ ma i n'a fɔ ne, kibaru diman kɔsɔn, Ala barika la.

Piy fɔlɔ 2:21

Ala y'aw wele o yɛrɛ le kama. Bari Krista fana tɔɔrɔla aw kɔsɔn. A ye wale yira aw la, aw ka kan k'a nɔɔ ta.

Yirari 2:10

Tɔɔrɔ min bɛna aw sɔrɔ, aw kana siran o nya. Ayiwa, aw cɛma, mɔgɔ damani bɛna kaso kɛ Sutana sababu la. A bɛna o kɛ k'aw kɔrɔbɔ. Aw bɛna tɔɔrɔ tile tan kɔnɔ. Aw ka jija fɔɔ ka taa se saya ma, n'o kɛra, aw bɛna sini hɛrɛ sɔrɔ ne barika la.

Yirari 2:13

Aw bɛ dugu min na, ne y'a lɔn ko Sutana ka masasigilan bɛ o yɔrɔ la. O n'a ta bɛɛ, aw nɔrɔnin bɛ ne la, aw ma tigɛ ne la. U ye ne ka seerenyuman Antipasi faga aw fɛ yen loon min na, hali o waati la, aw m'aw jigi bɔ ne kan k'aw to Sutana ka sigiyɔrɔ nin na.