Tes fɔlɔ 2:5 - LAYIDUKURA

⁵ O cogo la, aw b'a lɔn ko an ka kuma ma kɛ nanbaran kuma ye fewu. An fana m'o fɔ aw ye an yɛrɛ ka tɔnɔ kɔsɔn. Ala yɛrɛ b'o lɔn.

Jula NT of Côte d’Ivoire

⁵ Ayiwa, aw yɛrɛ k’a lɔn ko an ma mɔgɔ nɛgɛ ni an darakan ye fiyewu; an fana ma an ta waajuri kɛ nafa kosɔn; Ala yɛrɛ ye an seere ye.

ALA KA KUMA

⁵ A kɛra ten, aw b'a lɔn ko an ka kuma ma kɛ namarakuma ye fewu. An fana m'o fɔ aw ye an yɛrɛ ka tɔnɔ kosɔn. Ala yɛrɛ b'o lɔn.

Tes fɔlɔ 2:5 Iomraidhean Croise

Matiyu 22:16

U y'u ka kalanden dɔw, ni Erɔdi ka mɔgɔ dɔw ci, waasa u k'a fɔ Yezu ye ko: “Karamɔgɔ, an y'a lɔn ko i bɛ tinyɛ fɔ, an'i bɛ mɔgɔ kalan ni tinyɛ ye Ala ka sira la. E fana tɛ siran mɔgɔ si nya ka sɔn o tigi ka miiriya ma, i tɛ mɔgɔ bɔ mɔgɔ la.

Matiyu 23:13

“Bɔnɛ y'aw ta ye, aw sariya karamɔgɔw ni Farizinyɛ nanbaranmɔgɔw, bari aw bɛ Ala ka masaya yɔrɔ donda tugu, aw tɛna don, minw b'a fɛ ka don fana, aw t'a to olu fana ka don.

Kɛwalew 20:33

Ne ma n nyaa bɔ aw si ka wari fɛ, walima sanu, walima fani fɛ.

Rɔmukaw 1:9

Ne bɛ Ala min bato ni n dusu ye ani k'a Dencɛ koo fɔ, o min ye kibaru diman ye, ale ye ne seere ye ko ne tɛ nyinɛ aw kɔ abada.

Rɔmukaw 16:18

O mɔgɔ nunu tɛ baara kɛra an Matigi Krista ye, nga janko u kɔnɔbara ka fa. Fanga tɛ mɔgɔ minw na o bɛ olu kunnacɛn n'u ka kuma diman ye ani u ka nanbarankuma ye.

Rɔmukaw 9:1

Krista ka jɛnnyɔgɔnya barika la ne bɛ min fɔ, o ye tinyɛ ye, galon tɛ, Nii Senuman yɛrɛ b'a yira ne dusukun na ko ne bɛ min fɔ, ko tinyɛ lo.

Kor 2nan 12:17

Ne ye mɔgɔ minw ci aw fɛ, ne ye tɔnɔ dɔ sɔrɔ aw kun olu dɔ barika la wa?

Kor 2nan 2:17

Mɔgɔ caaman bɛ Ala ka kuma kɛ jagokun ye. An tɛ i n'a fɔ olu. Ala le y'an ci, o la, an bɛ kuma a nyakɔrɔ ni kɔnɔgwɛ ye Krista barika la.

Kor 2nan 4:2

An banna dibidibiko ma maloya b'o min na, an tɛ koo kɛ ni nanbaran ye, an fana tɛ Ala ka kuma kɔrɔ yɛlɛma fewu. An kɔni, an bɛ tinyɛ yɛrɛ yɛrɛ le fɔ, janko mɔgɔw k'u jigi la an kan Ala nyakɔrɔ.

Kor 2nan 7:2

Aw k'an koo diya aw yɛrɛ ye. An ma mɔgɔ si hakɛ ta, an ma mɔgɔ si mako sa, an fana ma mɔgɔ si ka fɛɛn nanbaran.

Galasikaw 1:20

Ne bɛ koo minw bɛɛ fɔra aw ye, Ala b'a lɔn ko ne tɛ galon tigɛra.

Tes fɔlɔ 2:10

Aw yɛrɛ b'a lɔn ni Ala fana, ko aw minw lara Krista la, an ka taamacogo tun ka nyi aw cɛma, a tilennin tun lo, jalakiyɔrɔ tun tɛ an na.

Tim fɔlɔ 3:3

A man kan ka kɛ dɔrɔtɔ ye, walima mɔgɔ fariman, nga mɔgɔsabalinin. A kana kɛ kɛlɛtigɛla ye, walima mɔgɔ ye min bɛ wari kanu kojugu.

Tim fɔlɔ 3:8

Ala ka jama nyamɔgɔw dɛmɛbagaw ka kan ka kɛ mɔgɔsɛbɛw ni kuma kelen tigiw ye, u man kan ka kɛ dɔrɔtɔw ye walima mɔgɔ minw bɛ tɔnɔ nyini tilenbaliya la.

Tite 1:7

Ala ka jama nyamɔgɔ, ale min ye a ka jama marabaga ye, o ka kan ka kɛ mɔgɔ ye jalakiyɔrɔ tɛ min na. A kana kɛ yɛrɛ sagokɛla ye, a kana kɛ dusutigi ye fana, walima dɔrɔtɔ, walima mɔgɔ fariman ye, ani a kana kɛ mɔgɔ ye min bɛ nanbaran kɛ ka tɔnɔ sɔrɔ.

Piy fɔlɔ 5:2

Ala y'a ka sagakulu min kalifa aw ma, aw k'o kɔlɔsi ka nya ni dusunyuman ye ka kɛnyɛ ni Ala sago ye. Nga o kana kɛ jagoyako ye. Aw k'o baara nin kɛ ni timinadiya ye, tɔnɔnyini kana sɔrɔ a la.

Piy 2nan 2:18

U b'u daa di kobabaw la k'a sɔrɔ foyi! Minw sera ka bɔsi fɔlɔ taamacogojugu nunu ma sisan sisan, u bɛ olu nigɛ k'u ben n'u fari ka labilali ye, ni nyamɔgɔya ye.

Piy 2nan 2:3

U ka warinyini kojugu kɔsɔn, u bɛna galon labɛn k'aw nyagami n'o ye tɔnɔ kama. U kitibaga labɛnnin lo a mɛnna. U halakiwaati tɔɔ man jan.

Zude 1:11

Bɔnɛ y'u ta ye, bari u ye Kayɛn ka sirajugu nyɔgɔn taama. U ye tinyɛ sira bila sara kama i n'a fɔ Balamu tun y'a kɛ cogo min na. U ta cɛnna murutili kama i n'a fɔ Kɔre halakira cogo min na.