Tes fɔlɔ 2:4 - LAYIDUKURA

⁴ Nga Ala yɛrɛ y'a ye ko an bɛ se, o la, a y'o kibaru diman fɔko kalifa an ma, an fana b'a fɔ a fɔcogo la. An tɛ mɔgɔ diyana koo nyinina, nga Ala min b'an kɔnɔnakow lɔn, an bɛ ale ta le kɛ.

Jula NT of Côte d’Ivoire

⁴ Nka Ala ka an sɛgɛsɛgɛ, k’a jigi la an kan, ka Kibaro Diman karifa an ma cogo min na, an fana b’a fɔ ten le; an tɛ kuma ka an yɛrɛ ko diya mɔgɔw ye, nka an bɛ an yɛrɛ ko diya Ala le ye, ale min bɛ mɔgɔw jusukunnakow bɛɛ sɛgɛsɛgɛ.

ALA KA KUMA

⁴ Nga Ala yɛrɛ y'a ye ko an be se, o la, a y'o kibaru diman fɔko kalifa an ma, an fana b'a fɔ a cogo la. An te mɔgɔ diyanako ɲinina, nga Ala min b'an kɔnɔnakow lɔn, an be ale ta le kɛ.

Tes fɔlɔ 2:4 Iomraidhean Croise

Luka 12:42

Matigi y'a jaabi ko: “Baaraden kuntilennin hakiliman jumɛn bɛ yen, n'a ka kuntigi y'a ka nafolo nyamɔgɔya don a bolo janko a bɛ baaraden tɔw ka dumuni d'u ma a dituma na n'a tɛ a kɛ?

Luka 16:11

N'aw ma kɛ mɔgɔsɛbɛw ye nin dinyɛ nafolo koow la, jon le bɛna nafolosɛbɛ kalifa aw ma?

Yuhana 21:17

O kɔ, a y'a fɔ a ye a sinyɛ sabanan na ko: “Zan dencɛ Simɔn, ne koo ka di i ye wa?” Piyɛri hakili nyagamina bari a y'a nyininga fɔɔ sinyɛ saba ko ale koo ka di a ye wa. A y'a jaabi ko: “Matigi, e yɛrɛ bɛ koo bɛɛ lɔn, e b'a lɔn ko e koo ka di ne ye.” Yezu y'a fɔ a ye ko: “I ka ne ka sagaw dɛndɛ.”

Rɔmukaw 8:27

Ala min bɛ adamaden dusulako lɔn, ale b'a lɔn Nii Senuman bɛ fɛɛn min fɛ, bari Nii Senuman bɛ dalili kɛ Ala ka mɔgɔw ye k'o kɛnyɛ ni Ala sago ye.

Kor fɔlɔ 7:25

Sisan, minw ma furu kɛ fɔlɔ, n kaan bɛ olu le ma. Matigi ka kuma tɛ, nga ne yɛrɛ ka miiriya lo, n bɛ min d'u ma. Matigi ka makari barika la, mɔgɔ bɛ se k'a jigi la a kan.

Kor fɔlɔ 9:17

Ni ne y'o baara kɛ ni dusudiya ye, ne bɛna o sara sɔrɔ, nga ni ne b'o kɛ ni jagoya ye, o ye karabako ye n ma.

Kor 2nan 2:17

Mɔgɔ caaman bɛ Ala ka kuma kɛ jagokun ye. An tɛ i n'a fɔ olu. Ala le y'an ci, o la, an bɛ kuma a nyakɔrɔ ni kɔnɔgwɛ ye Krista barika la.

Kor 2nan 4:2

An banna dibidibiko ma maloya b'o min na, an tɛ koo kɛ ni nanbaran ye, an fana tɛ Ala ka kuma kɔrɔ yɛlɛma fewu. An kɔni, an bɛ tinyɛ yɛrɛ yɛrɛ le fɔ, janko mɔgɔw k'u jigi la an kan Ala nyakɔrɔ.

Kor 2nan 5:11

Matigi nyasiran b'an dusu la minkɛ, o la, an bɛ banba ka mɔgɔw dɛmɛ u k'a lɔn. Ala b'an lɔn kosɛbɛ, ne bɛ miiri ko aw fana b'an lɔn ten.

Kor 2nan 5:16

O cogo la, an tɛ mɔgɔ si jati adamadenw ka jaticogo la tugu. Hali n'an tun ye Krista lɔn ten, sisan an t'a lɔn o cogo la tugu.

Galasikaw 1:10

O tuma na, sisan a fɔra ko ne b'a fɛ ne koo ka diya mɔgɔ ye wa, walima Ala ye? Walima ne b'a fɛ ka mɔgɔ diyanako le kɛ? Ni ne tun b'a fɛ k'o kɛ, ne tun tɛna kɛ Krista ka baarakɛla ye.

Galasikaw 2:7

Nga olu y'a faamu ko Ala ye kibaru diman fɔ baara kalifa ne ma siya wɛrɛw cɛma, i n'a fɔ a y'a kalifa Piyɛri fana ma cogo min na Zuwifuw cɛma.

Ɛfɛsikaw 3:8

Ne min ye Ala ka mɔgɔw bɛɛ la kɔmɔgɔ ye. O bɛɛ n'a ta, Ala ye nɛɛma kɛ ne ye waasa ne ka Krista ka nyumanya fɔ siya wɛrɛw ye, daan tɛ nyumanya min na.

Ɛfɛsikaw 6:6

Aw kana o kɛ u nyana dɔrɔn k'aw koo diya u ye, nga aw k'o kɛ i n'a fɔ Krista ka jɔɔnw, ka Ala sago kɛ sɛbɛ la.

Kɔlɔsikaw 3:22

Jɔɔnw, aw ka mɛnni kɛ aw kuntigiw fɛ koo bɛɛ la ka kɛnyɛ ni adamadenya ye, aw kana baara kɛ aw ka kuntigiw nyana dɔrɔn janko k'aw koo diya u ye, nga o ka kɛ ni dusukun gwɛnin ye Matigi nyasiran kɔsɔn.

Tim fɔlɔ 6:20

Timote, koo minw kalifara i ma, i ka olu mara kosɛbɛ. I k'i yɛrɛ tanga kuma fufafu ma olu minw ni Ala sira tɛ bɛn, o min bɛ jati lɔnniya ye, k'a sɔrɔ lɔnniyasɛbɛ tɛ.

Tim 2nan 1:14

I ye konyuman minw sɔrɔ, i ka olu minɛ kosɛbɛ Nii Senuman barika la, ale min bɛ an kɔnɔ.

Tim 2nan 2:2

I ye fɛɛn min mɛn ne fɛ seere caaman nyana, i k'o kalifa mɔgɔsɛbɛw ma minw bɛ se ka mɔgɔ wɛrɛw kalan n'o ye.

Tite 1:3

A ka waati latigɛnin sera tuma min na, a y'o yira kibaru diman barika la. An kisibaga Ala le y'o baara kalifa ne ma.

Heburuw 4:13

O danfɛn tɛ yen Ala nyaa tɛ min ye. U bɛɛ b'a nyakɔrɔ, u si dogonin tɛ a nyana. An bɛna an ka koow bɛɛ nyafɔ ale le ye.

Piy fɔlɔ 4:11

Ni mɔgɔ min bɛ waajuli kɛ, o tigi ka kuma ka kɛ Ala ka kuma ye. Min bɛ baara dɔ kɛ tɔw ye, o tigi k'o kɛ ni Ala ka barika ye, waasa Yezu Krista sababu la bonya ka la Ala kan koo bɛɛ la. Bonya ni sebagaya ye ale min ta ye tuma bɛɛ. Amiina!

Yirari 2:23

N bɛna saya lase a deenw ma, o la Ala ka jama bɛɛ bɛn'a lɔn ko ne le bɛ mɔgɔ bɛɛ kɔnɔnako n'u ka ;naniyaw lɔn. N bɛna aw kelen kelen bɛɛ sara ka kɛnyɛ n'aw ka kɛwaliw ye.