Tes fɔlɔ 2:16 - LAYIDUKURA

¹⁶ Olu le b'an bali janko an kana kibaru diman fɔ siya wɛrɛw ye, min bɛ se ka kɛ u bɛ kisili sɔrɔ. O cogo la, u bɛ dɔ farala u ka kojugu kan. Nga a laban na, Ala dimina u kɔrɔ kosɛbɛ.

Jula NT of Côte d’Ivoire

¹⁶ O bɛ cogo ɲini ka an bari ka kisiri ko waajuri kɛ siya wɛrɛ mɔgɔw* ye; o cogo ra o bɛ to ka dɔ fara o ta jurumunw hakɛya kan, k’a caya. Nka a laban, Ala ta dimi sera o ma.

ALA KA KUMA

¹⁶ Olu le b'an bali janko an kana kibaru diman fɔ siya wɛrɛw ye, min be se ka kɛ u be kisili sɔrɔ. A kɛra ten, u be dɔ farala u ka hakɛw kan. Nga a laban na, Ala dimina u kɔrɔ kosɔbɛ.

Tes fɔlɔ 2:16 Iomraidhean Croise

Matiyu 12:45

O tuma na, a bɛ segi ka taa jina wolonwula wɛrɛw wele minw ka jugu n'ale yɛrɛ ye, ka na n'u ye. U bɛ sigi yen nyɔgɔn fɛ. O tuma na, cɛɛ ka bana bɛ wili, ka juguya ka tɛmɛ fɔlɔta kan. O nyɔgɔn le bɛna kɛ bii mɔgɔw la.”

Matiyu 23:32

O ka nyi, aw ka taa nya ka aw bɛmaw ka kɛwali tɔɔ dafa.

Matiyu 24:14

Ala ka kibaru diman bɛna fɔ dinyɛ yɔrɔ bɛɛ la, waasa dinyɛ mɔgɔw bɛɛ k'a koo mɛn. O kɔ, dinyɛ laban bɛ sɔrɔ ka se.

Matiyu 24:6

Aw bɛna yɔrɔjan kɛlɛw kibaru mɛn, ani ka yɔrɔsurun kɛlɛw mankan mɛn. O kana aw hakili nyagami. Wajibi lo o koow ka kɛ, nga o tɛ dinyɛ laban ye.

Matiyu 3:12

A ka sumanfiyɛminan b'a bolo. A bɛn'a ka suman gosinin fiyɛ k'a kisɛ don a ka bondo kɔnɔ k'a nyaga jɛni tasuma fagabali la.”

Marika 16:16

Ni mɔgɔ min lara a la ka batize, o tigi bɛna kisi, nga ni mɔgɔ min ma la a la, o tigi tɛna kisi.

Kɛwalew 13:45

Zuwifuw ye nin ye dɔrɔn, o kereya y'u minɛ. U y'a daminɛ ka Pɔli sɔsɔ, ka to k'a nɛni.

Kɛwalew 13:50

Muso kantigi minw tun bɛ Ala bato, Zuwifuw wilila ka olu ni dugu nyamɔgɔw kɔnɔnasu k'u bila Pɔli ni Barinabasi la. O y'u tɔɔrɔ, k'u gwɛn ka bɔ u ka mara la.

Kɛwalew 14:19

Zuwifu dɔw nana ka bɔ Antiyɔsi, ani Ikɔniyɔmu o tuma na, olu ye jama hakili yɛlɛma fɔɔ u ye Pɔli bonbon ni kabakuruw ye, o kɔ, u y'a kooro ka ta'a fili dugu banakɔ, u ka miiri la ko a sara.

Kɛwalew 14:2

Nga Zuwifu minw tun ma la a la, olu ye siya wɛrɛw kɔnɔnasu ka bila kalandenw na.

Kɛwalew 14:5

Zuwifuw ni siya wɛrɛw, ani u ka nyamɔgɔw labɛnnin tun lo ka Pɔli ni Barinabasi nunu bon ni kabakuruw ye k'u faga.

Kɛwalew 17:13

Nga Tesaloniki Zuwifuw y'a mɛn ko Pɔli taara Ala ka kuma fɔ Berekaw ye fana dɔrɔn, u wilila ka taa yen. U ye jama kɔnɔnasu, janko mankan bɛ wili.

Kɛwalew 19:9

O bɛɛ n'a ta, dɔw tun ye tulogwɛlɛnw ye jama cɛma, olu y'a daminɛ ka to ka Matigi ka sira lɔgɔbɔ mɔgɔ bɛɛ nyana. O tuma na, Pɔli ye olu ye k'u to yen ka taa n'a ka kalandenw ye danna ka to k'u kalan loon o loon Tiranɔsi ka kalanso kɔnɔ.

Kɛwalew 21:21

Mɔgɔw bɛ min ;nunu;nunu i koo la, u y'o mɛn. Mɔgɔw ka fɔ la, ko i b'a fɔra Zuwifuw ye, minw siginin bɛ jamana kɔ kan siya wɛrɛw cɛma, k'olu kana u deenw kɛnɛkɛnɛ, k'u kana Musa ka sariyasigininw labato. Ko i b'u bali ka landaw labato.

Kɛwalew 23:12

Dugu gwɛra tuma min na, Zuwifu dɔw bɛnna Pɔli fagako la. U ye dajuru ta k'u tɛna dumuni kɛ, k'u tɛna minni kɛ n'u ma Pɔli sɔrɔ k'a faga.

Kɛwalew 24:9

Zuwifu nunu ye cɛɛ ka kuma tintin ko tinyɛ yɛrɛ lo.

Kɛwalew 25:2

Sarakalasebaga kuntigiw ni Zuwifuw ka mɔgɔbabaw taar'a ye Pɔli ka koo la. U y'a dali kosɛbɛ

Kɛwalew 25:7

A nana tuma min na, Zuwifu minw bɔra Zeruzalɛmu, olu wilila a kama ka to ka kumajugujuguw fɔ ka l'a kan. Nga dalilu si tun tɛ u bolo min b'a yira k'u ka fɔta ye tinyɛ ye.

Kɛwalew 4:12

Bari Ala ma mɔgɔ wɛrɛ ci dinyɛ kɔnɔ, adamaden bɛ se ka kisi min barika la.”

Kɛwalew 9:23

Waatijan tɛmɛnin kɔ, Damasi Zuwifuw ye Sɔli fagako lanyini.

Kor fɔlɔ 10:33

O cogo la fana, ne bɛ jija koo bɛɛ la waasa ne ka se ka mɔgɔ bɛɛ ladiya. Ne tɛ n yɛrɛ nafa nyini, nga mɔgɔ caaman ta, waasa olu ka se ka kisi.

Galasikaw 5:11

N balimaw, n'a tun kɛra ko ne bɛ kɛnɛkɛnɛko le waajuli kɛra halibi, k'a fɔ ko a kɛra wajibiko ye, mun na u bɛ ne tɔɔrɔ tugu? Krista sayako lɔgɔ kan, ne b'o min waajuli kɛra, o tun tɛna kɛ baasi ye.

Ɛfɛsikaw 3:13

O la, ne b'aw dali ko aw kana aw jigi tigɛ ne ka tɔɔrɔko kɔsɔn, ne b'o minw kɛ aw kama, o le ye aw ka yɛrɛbonya sababu ye.

Ɛfɛsikaw 3:8

Ne min ye Ala ka mɔgɔw bɛɛ la kɔmɔgɔ ye. O bɛɛ n'a ta, Ala ye nɛɛma kɛ ne ye waasa ne ka Krista ka nyumanya fɔ siya wɛrɛw ye, daan tɛ nyumanya min na.

Tes fɔlɔ 1:10

Aw y'o kɛ ka to ka Ala dencɛ Yezu kɔsegitɔ makɔnɔ, a y'ale min kunun a sanin kɔ. Yezu le b'an kunmabɔ Ala ka dimi nata ma.

Tes 2nan 2:10

A bɛna kojugu sifa bɛɛ kɛ janko mɔgɔ minw bɛ halaki sira kan, a ka olu lafili. Olu bɛna halaki bari u ma sɔn tinyɛ koo ka diya u ye, u tun bɛ se ka kisi o min barika la.

Tim fɔlɔ 2:4

ale min b'a fɛ mɔgɔ bɛɛ ka kisi ani ka se ka tinyɛ lɔn.

Heburuw 6:8

Nga, n'o dugukolo ye ;nɔni, ani sigɛn dama le falen, a tɛ foyi nya, a yɔrɔ man jan danga la. A laban bɛ jɛni.

Yirari 22:11

Ayiwa, mɔgɔ min ye kojugukɛla ye, o ka jija ka to a ka kojugu la. Mɔgɔ min bɛ to ka kojugu kɛ, o ka banba ka taa n'o ye nya. Mɔgɔ min bɛ nyumanya kɛ, o tigi ka dɔ fara o kan. Mɔgɔ min y'a yɛrɛ di Ala ma, o tigi ka jija ka nɔrɔ Ala la.