Tes fɔlɔ 1:6 - LAYIDUKURA

⁶ Aw kɔni, aw ye an cogo dege ni Matigi ta fana, aw sɔnna Ala ka kuma ma ni nisɔndiya ye o min ye Nii Senuman ta ye, k'aw to tɔɔrɔba cɛma.

Jula NT of Côte d’Ivoire

⁶ Aw kɔni kɛra an ladegibagaw ye, ani Matigi yɛrɛ ladegibagaw; sabu aw ka tɔɔrɔ caman le sɔnmina ka sɔn Ala ta kuma ma, fɔ ka ɲagari Nin Saninman baraka ra.

ALA KA KUMA

⁶ Aw kɔni, aw ye an cogo dege ni Matigi ta fana, aw sɔnna Ala ka kuma ma ni nisɔndiya ye min ye Nii Senuman ta ye, k'aw to tɔɔrɔba cɛma.

Tes fɔlɔ 1:6 Iomraidhean Croise

Matiyu 16:24

Yezu y'a fɔ a ka kalandenw ye ko: “Ni mɔgɔ min b'a fɛ ka tugu ne kɔ, o tigi kana miiri a yɛrɛ ka nafa koo la. A ka tɔɔrɔ bɛɛ munyu ne kɔsɔn ka tugu ne kɔ.

Yuhana 8:12

Yezu kumana jama fɛ tugu ko: “Ne ye dinyɛ ka yeelen ye. Ni mɔgɔ min sɔnna ne ma, o tigi tɛna taama dibi la. A bɛna to yeelen na min bɛ ta'a don sini hɛrɛ yɔrɔ la.”

Kɛwalew 13:52

Kalanden minw tora u kɔfɛ, Nii Senuman tun b'u fɛ, u nisɔn tun ka di.

Kɛwalew 5:41

Cidenw nisɔn diyanin bɔra kiti tigɛyɔrɔ la, bari Ala ye bonya la u kan o min kɛra u lɔgɔbɔko ye Yezu tɔgɔ kɔsɔn.

Kɛwalew 9:31

O tuma na, Ala ka jama tun bɛ hɛrɛ la Zude, ni Galile ani Samari mara nunu bɛɛ la. U tun bɛ buguya ka taa. U taamacogo tun bɛ bonya la Matigi kan kosɛbɛ. Nii Senuman barika la, u ka koow tun bɛ sabati.

Rɔmukaw 15:13

Ala min bɛ mɔgɔ jigi tugu, ale ka kɛ aw bɛ nisɔndiya kosɛbɛ, ka hɛrɛ kɛ aw ye aw ka lanaya kɔsɔn, janko aw ka jigisɛbɛ sɔrɔ Nii Senuman barika la.

Kor fɔlɔ 11:1

Aw ka kɛ ne ladegebagaw ye, i n'a fɔ ne fana kɛra Krista ladegebaga ye cogo min na.

Kor fɔlɔ 11:2

Ne bɛ barika la aw ye bari aw hakili bɛ to ne la waati bɛɛ, ne ye koo minw bɛɛ fɔ aw ye, aw y'o labato ka nya.

Kor fɔlɔ 4:16

Ne b'aw dali ko aw ka kɛ ne ladegebagaw ye.

Kor 2nan 6:10

U b'an dusu cɛn, nga an bɛ nisɔndiya sɔrɔ tuma bɛɛ. U b'an jati faantanw ye, nga an bɛ mɔgɔ caaman kɛ fɛntigiw ye. U bɛ miiri ko foyi t'an fɛ, k'a sɔrɔ fɛɛn bɛɛ b'an fɛ.

Kor 2nan 8:5

U kɔnna k'u yɛrɛ di Matigi ma, ka mɛnni kɛ an fana fɛ ka kɛnyɛ ni Ala sago ye, fɔɔ u sera ka koo kɛ an yɛrɛ ka miiriya tun ma se o min ma.

Galasikaw 5:22

Nga Nii Senuman bɛ fɛɛn minw di, o ye nin ye: Kanuya, nisɔndiya, hɛrɛ, munyuli, nyumanya, hinɛ, tilenninya, sabali, ni yɛrɛminɛ.

Ɛfɛsikaw 5:1

Aw ka banba ka Ala ladege, bari aw y'a deenw ye minw koo ka d'a ye.

Filipikaw 3:17

N balimaw, aw ka kɛ ne ladegebagaw ye, anw ye cogonyuman min yira aw la, aw ka tugu o kɔ i n'a fɔ tɔw.

Tes 2nan 1:4

fɔɔ an b'an yɛrɛ bonya Ala ka jama cɛma aw ka jijali, n'aw ka lanaya kɔsɔn, hali k'aw to nin tɔɔrɔ ni kɔrɔbɔli bɛɛ la o min b'aw kan.

Tes 2nan 3:7

Aw ka kan k'an ladege cogo min na, aw yɛrɛ b'o lɔn, bari an tun ma kɛ salabagatɔw ye aw cɛma.

Tes 2nan 3:9

A ma kɛ ko an tun man kan n'o ye. An tun ka kan n'a ye, nga an tun b'a fɛ ka koo le nyayira aw la.

Tim 2nan 4:2

i ka Ala ka kuma fɔ tuma bɛɛ, waati nɔgɔman ni waatigwɛlɛn na. Mɔgɔ minw filila, i k'olu jalaki k'u ka filiyɔrɔ yira u la, k'u ladi ni munyuli ye u kalanwaati la.

Heburuw 10:34

Aw sɛgɛnna ni kasodenw ye u ka tɔɔrɔw la. Aw sɔnna k'aw ka bololafɛnw to u bɔsibagaw bolo ni nisɔndiya ye. Bari, aw ko nafolo wɛrɛ b'aw fɛ min ka fisa n'o ye n'a tɛ ban abada.

Piy fɔlɔ 1:6

O la, hali k'aw to dusukasi la waati dɔɔni nin yɛrɛ kɔnɔ tɔɔrɔ sifa caaman na, aw ka nisɔndiya kosɛbɛ.

Piy fɔlɔ 1:8

Aw nyaa ma la a kan, nga a koo do diyara aw ye. Aw y'aw jigi la a kan, k'a sɔrɔ aw m'a ye fɔlɔ, ka nisɔndiya kosɛbɛ o nisɔndiya min tɛ se ka lakali.

Piy fɔlɔ 3:13

Jon bɛ se ka kojugu kɛ aw la, n'aw ye konyumankɛlaw ye?

Zan 3nan 1:11

N terinyuman, i kana mɔgɔ ka kojugu ladege fɔɔ konyuman. Mɔgɔ min bɛ konyuman kɛ, o tigi ye Ala ta ye. Nga kojugukɛla kɔni t'a ye.