Tes fɔlɔ 1:3 - LAYIDUKURA

³ Aw lara Ala la ka jija ka baara kɛ a ye, baara gwɛlɛman, kanuya kɔsɔn cogo min na, ani aw bɛ munyuna siniko la cogo min na Matigi Yezu Krista kɔsɔn, an hakili b'o bɛɛ la an Faa Ala nyakɔrɔ.

Jula NT of Côte d’Ivoire

³ Aw ka kɛwale minw kɛ ka kaɲa ni aw ta lanaya ye, ani aw ka baara min kɛ aw ta kanuya kosɔn, ani aw ka aw jigi sigi an Matigi Yesu Kirisita kan ni baraka min ye, an hakiri bɛ o ra tuma bɛɛ an Fa Ala ɲa kɔrɔ.

ALA KA KUMA

³ Aw lara Ala la ka jija ka baara kɛ a ye, baara gwɛlɛman, kanuya kosɔn cogo min na, ani aw be muɲuna cogo min na Matigi Yezu Krista kosɔn, an hakili b'o bɛɛ la an Faa Ala ɲakɔrɔ.

Tes fɔlɔ 1:3 Iomraidhean Croise

Yuhana 14:15

“N'aw bɛ ne kanu, aw bɛna ne ka kuma labato.

Yuhana 15:10

Ni aw bɛ ne ka ciiw labato, aw fana bɛ to ne ka kanuya la, i n'a fɔ ne bɛ n Faa ka ciiw labato cogo min na ka to a ka kanuya la.

Kɛwalew 10:31

A y'a fɔ ko: ‘Kɔrinɛyi, Ala y'i ka daliliw jaabi, i ye dɛmɛ min kɛ dɛsɛbagatɔw ye, o diyara a ye.

Kɛwalew 3:19

O tuma na sa, aw ye nimisa ka faran aw ka kojuguw la ka segi Ala ma, janko a ka yafa aw ma.

Rɔmukaw 12:12

Jigi min b'aw fɛ, aw ka nisɔndiya o kɔsɔn, tɔɔrɔ tuma, aw ka munyuli kɛ, aw ye jija ka Ala dali.

Rɔmukaw 15:13

Ala min bɛ mɔgɔ jigi tugu, ale ka kɛ aw bɛ nisɔndiya kosɛbɛ, ka hɛrɛ kɛ aw ye aw ka lanaya kɔsɔn, janko aw ka jigisɛbɛ sɔrɔ Nii Senuman barika la.

Rɔmukaw 15:4

Koo minw bɛɛ tun fɔra Ala ka kuma na kabini fɔlɔfɔlɔ, o fɔra ka hakili d'an ma, janko an jaa ka gwɛlɛya ani ka munyu, ka jigi sɔrɔ o barika la.

Rɔmukaw 16:26

Nga sisan a yirala kɛnɛ kan, siya wɛrɛw bɛɛ bɛ se k'a lɔn kiraw ka sɛbɛ barika la, ka kɛnyɛ ni Ala ka cii ye, janko u ka se ka la Ala la ka mɛnni kɛ a fɛ.

Rɔmukaw 16:6

Aw ka Mariyamu fo ale min jijara aw koo la kosɛbɛ.

Rɔmukaw 2:7

Mɔgɔ minw jijanin lo ka baaranyuman kɛ n'u bɛ bonya, ni kunkɔrɔta ani hɛrɛ banbali le nyinina, sini hɛrɛ ye olu ta ye.

Kor fɔlɔ 13:13

Sisan fɛɛn saba nunu le bɛ yen: lanaya, jigi, ani kanuya, nga o fɛɛn saba nunu na, kanuya le bɛ nyafɛ.

Kor fɔlɔ 15:58

O kɔsɔn, ne balima kanuninw, aw ye jija kosɛbɛ, aw kana siran, aw ye taa nya Matigi ka baara la tuma bɛɛ, ka la a la ko aw bɛ baara min kɛra Matigi ye, k'o tɛna kɛ gwansan ye.

Kor 2nan 2:17

Mɔgɔ caaman bɛ Ala ka kuma kɛ jagokun ye. An tɛ i n'a fɔ olu. Ala le y'an ci, o la, an bɛ kuma a nyakɔrɔ ni kɔnɔgwɛ ye Krista barika la.

Galasikaw 1:4

Ale Krista min y'a yɛrɛ nii di k'an kunmabɔ an ka kojugu la, waasa k'an tilan ka bɔ bii dinyɛ juguman nin bolo, ka kɛnyɛ n'an Faa Ala sago ye.

Galasikaw 5:13

N balimaw, aw welela hɔrɔnyali le kama. O hɔrɔnyali nin kana kɛ sababu ye aw b'aw farikolo sago kɛ. Nga aw ka nyɔgɔn kanu ka nyɔgɔn dɛmɛ.

Galasikaw 5:6

N'an lanin bɛ Yezu Krista la, i kɛnɛkɛnɛna wo, walima i ma kɛnɛkɛnɛ wo, o si tɛ foyi ye. Min ye koo kuun ye, o ye jigi ye, min b'a to n'an bɛ baara kɛ kanuya kɔsɔn.

Galasikaw 6:9

An kana sɛgɛn konyuman kɛli la, bari n'an ma dɛsɛ k'o dabila, an bɛn'a tɔnɔ sɔrɔ n'a waati sera tuma min na.

Tes fɔlɔ 3:6

Sisan, Timote bɔra aw fɛ ka na se yan an fɛ. A ye kibarunyuman fɔ aw koo la. A ko jiginyuman bɛ aw fɛ, ko aw bɛ nyɔgɔn kanu. An koo bɛ aw kɔnɔ cogo min na, a ye o fɔ, ko aw b'a fɛ k'an ye kosɛbɛ, i n'a fɔ an fana b'a fɛ ka aw ye cogo min na.

Tes 2nan 1:11

O le y'a to an b'an ka Ala dali aw ye tuma bɛɛ, waasa, Ala y'aw wele kuun min na, aw k'o nya. Ani ka see d'aw ma, aw ka jigi kɔsɔn, aw b'a fɛ ka konyuman min kɛ, aw ka se k'o kɛ.

Tes 2nan 1:3

N balimaw, an ka kan ka barika la Ala ye tuma bɛɛ aw koo la, o ka nyi. Bari aw jigi lanin lo Matigi kan kosɛbɛ ani kanuya min bɛ aw ni nyɔgɔn cɛ, o bɛ bonyana ka taa nya,

Tim fɔlɔ 1:14

An Matigi ye nɛɛma kɛ ne ye kosɛbɛ, ka jigi ni kanuya di ne ma o min bɛ sɔrɔ Yezu Krista ka jɛnnyɔgɔnya fɛ.

Tim fɔlɔ 2:3

O le ka nyi, an'a ka di an Kisibaga Ala ye,

Heburuw 10:36

O la, fɔɔ aw ka jija janko n'aw ye Ala sago kɛ ka ban tuma min na, a y'a daa di min na, aw k'o sɔrɔ.

Heburuw 11:17

Ala ye Isiyaka nyini Ibrayima fɛ saraka ye waasa k'a kɔrɔbɔ. Jigi kɔsɔn, a ma ban k'a deen kelenpe nin kɛ saraka ye. K'a sɔrɔ Ala tun y'a daa di a ma

Heburuw 13:21

a yɛrɛ ka barika don aw la, aw ka se ka konyuman sifa bɛɛ kɛ, k'a sago kɛ. Koo min ka di a yɛrɛ ye, a k'o kɛ an ye Yezu Krista barika la. Bonya ka la ale kan tuma bɛɛ. Amiina.

Heburuw 4:11

An ka jija o tuma na ka don o lafinyɛyɔrɔ nin na. An k'an yɛrɛ minɛ waasa mɔgɔ si kana dɛsɛ o yɔrɔ donko la i n'a fɔ Isirayɛliden nunu, Ala ka kuma labatobaliya kɔsɔn.

Heburuw 6:15

Ayiwa, Ibrayima munyuna ka kɔnɔni kɛ. Ala y'a daa d'a ma koo min na, a y'o sɔrɔ.

Piy fɔlɔ 3:4

Nga, aw ka kɛ sɔnnyumantigiw ye, hakili siginin, minw ka koo ka nɔgɔ. O le ka di Ala ye haali.

Zan fɔlɔ 3:18

Ne deenw, an kan'a fɔ an daa la dɔrɔn ko an tɔnyɔgɔn koo ka di an ye. Nga an k'a yira tinyɛ na n'an ka kɛwaliw ye.

Zan fɔlɔ 3:21

Ne terisɛbɛw, n'an kɔnɔnako t'an jalaki, an bɛ se ka Ala dali ni hakilisigi ye.

Zan fɔlɔ 3:3

Mɔgɔ o mɔgɔ jigi b'a kan, o tigi b'a yɛrɛ saniya i n'a fɔ Yezu Krista yɛrɛ bɛ cogo min na.

Zan fɔlɔ 5:3

K'a fɔ ko Ala koo ka d'i ye, o bɛ bɔ a ka ciiw labato cogo la. A ka ciiw labatoli fana man gwɛlɛ,

Yirari 2:19

Aw bɛ min kɛra, ne b'o lɔn. Ne koo ka d'aw ye cogo min na, ani aw jigi bɛ ne kan cogo min na, ne b'o lɔn, n'aw ka baara kɛcogo, ani aw ka munyuli, ne b'o bɛɛ lɔn. Aw bɛ baara min kɛ sisan, o ka ca ni fɔlɔta ye.

Yirari 3:10

Aw banbana ka ne ka kuma labato. O la, ne fana bɛna aw kɔlɔsi tɔɔrɔ tuma na, o min bɛna don dinyɛ mumɛ bɛɛ kɔnɔ ka mɔgɔw kɔrɔbɔ.