Piy fɔlɔ 4:10 - LAYIDUKURA

¹⁰ Aw kelen kelen bɛɛ ye seko min sɔrɔ Ala fɛ, o minw bɛ danna danna nyɔgɔn na, aw k'o kɛ ka tɔw mako nya. O cogo la, aw bɛna kɛ Ala ka baarakɛlanyumanw ye.

Jula NT of Côte d’Ivoire

¹⁰ Aw bɛɛ kelen kelen ka ninyɔrɔ min sɔrɔ Ala fɛ ka kaɲa ni Ala yɛrɛ ta dicogo ye, aw ye kɛ o sebagayaw minabagaɲumanw ye ka mɔgɔ tɔw dɛmɛ ni o ye.

ALA KA KUMA

¹⁰ Aw kelen kelen bɛɛ ye seko min sɔrɔ Ala fɛ, minw be danna danna, aw k'o kɛ ka tɔw mako ɲa. O la, aw bena baaraɲuman kɛ ni Ala ka nɛɛma ye.

Piy fɔlɔ 4:10 Iomraidhean Croise

Matiyu 20:28

O cogo la, Mɔgɔ Dencɛ ma na waasa mɔgɔw ka baara kɛ a ye. Nga, a nana mɔgɔw mako nya, ani k'a yɛrɛ nii di ka kɛ mɔgɔ bɛɛ nii kunmabɔ sara ye.”

Matiyu 24:14

Ala ka kibaru diman bɛna fɔ dinyɛ yɔrɔ bɛɛ la, waasa dinyɛ mɔgɔw bɛɛ k'a koo mɛn. O kɔ, dinyɛ laban bɛ sɔrɔ ka se.

Matiyu 24:21

O bɛna kɛ tɔɔrɔba ye, min nyɔgɔn ma kɛ ka ye kabini dinyɛ dantuma, fɔɔ ka na se bii ma, ani o tɔɔrɔ nyɔgɔn fana tɛna kɛ tugu abada.

Matiyu 24:45

“Baaradennyuman hakilitigi ye jumɛn ye? O ye nin ye: A ka kuntigi taatɔ taama na, a y'a ka baaraden tɔw kalifa a ma, ko a ka dumuni d'u ma a diwaati la.

Matiyu 25:17

Min tun ye fila sɔrɔ, ale fana taara ka jago kɛ ka fila wɛrɛ sɔrɔ tɔnɔ ye.

Matiyu 25:44

Olu fana bɛn'a jaabi ko: ‘Matigi, an tun y'i ye tuma jumɛn ni kɔngɔ b'i la, walima minnɔgɔ, walima n'i kɛra lonan ye, walima ni fani t'i fɛ, walima n'i bananin lo, walima kaso la, n'an m'i mako nya?’

Marika 10:45

bari Mɔgɔ Dencɛ ma na ko mɔgɔw ka baara kɛ a ye, nga a nana ka mɔgɔw mako nya, ani k'a yɛrɛ nii di ka kɛ mɔgɔ bɛɛ nii kunmabɔ sara ye.”

Luka 12:42

Matigi y'a jaabi ko: “Baaraden kuntilennin hakiliman jumɛn bɛ yen, n'a ka kuntigi y'a ka nafolo nyamɔgɔya don a bolo janko a bɛ baaraden tɔw ka dumuni d'u ma a dituma na n'a tɛ a kɛ?

Luka 19:13

Sanni a ka taa, a y'a ka baaradenw mɔgɔ tan wele ka sanukuru kelen kelen di u bɛɛ kelen kelen ma k'a fɔ u ye k'u ka jago kɛ n'o ye fɔɔ ale ka taa ka na.

Luka 8:3

ni Zaani min ye Erɔdi ka nafolokɔlɔsibaga Suza muso ye, ni Suzani, ani muso wɛrɛw, o minw tun bɛ Yezu n'a ka kalandenw dɛmɛ n'u bololafɛnw ye.

Rɔmukaw 15:25

Nga sisan ne bɛ taa Zeruzalɛmu ka dɛmɛ kɛ Ala ka mɔgɔw ye.

Rɔmukaw 15:27

U y'o latigɛ, u fana tun ka kan k'o kɛ. Bari ni olu siya tɔw ye niyɔrɔ sɔrɔ u ka Ala koo la, olu fana ka kan k'u dɛmɛ ni u bololafɛnw ye.

Kor fɔlɔ 15:10

Nga ne bɛ yɔrɔ min na sisan, o ye Ala ka nɛɛma nɔɔ ye. O nɛɛma nin ma kɛ gwansan ye ne faan fɛ. Ne ye baara kɛ ka tɛmɛ olu bɛɛ kan. O ma kɛ ne yɛrɛ ka seko ye, o ye Ala ka nɛɛma nɔɔ ye.

Kor fɔlɔ 3:10

Ala ka nɛɛma barika la a y'o min kɛ ne ye, ne kɛra solɔlanyuman ye, ne ye soo juu sigi, mɔgɔ dɔ wɛrɛ bɛ lɔli kɛ o kan, nga mɔgɔ kelen kelen bɛɛ ka kan k'a ka lɔcogo kɔlɔsi,

Kor fɔlɔ 4:7

Jon le y'a kɛ i fisayara ni tɔw ye? Mun le b'i fɛ ni Ala m'o d'i ma? N'i do y'o sɔrɔ Ala fɛ, mun na i b'i yɛrɛ bonya i n'a fɔ i yɛrɛ seko lo?

Kor 2nan 6:1

An bɛ baara kɛra ni Ala ye, o le kɔsɔn an b'aw dali ko Ala ye nɛɛma min kɛ aw ye, aw kan'a to o bɛ kɛ gwansan ye,

Kor 2nan 9:1

Min ye bolomafara ka koo ye, min bɛ kɛra Ala ka jama kɔsɔn, kuun t'a la ne ka bataki ci aw ma o koo la.

Ɛfɛsikaw 3:8

Ne min ye Ala ka mɔgɔw bɛɛ la kɔmɔgɔ ye. O bɛɛ n'a ta, Ala ye nɛɛma kɛ ne ye waasa ne ka Krista ka nyumanya fɔ siya wɛrɛw ye, daan tɛ nyumanya min na.

Ɛfɛsikaw 4:11

Ale Krista kelen le ye mɔgɔw bonya ka seko d'u ma, dɔw ka kɛ cidenw ye, dɔw ka kɛ kiraw ye, dɔw ka kɛ a ka kibaru diman fɔbagaw ye, dɔw fana ka kɛ Ala ka sagaw kɔlɔsibagaw ni karamɔgɔw ye.

Tim 2nan 1:18

Matigi ka makari a la laban loon na. A ye dɛmɛ min kɛ ne ye k'an to Efɛzi, ele yɛrɛ bɛ o kala ma ka tɛmɛ bɛɛ kan.

Tite 1:7

Ala ka jama nyamɔgɔ, ale min ye a ka jama marabaga ye, o ka kan ka kɛ mɔgɔ ye jalakiyɔrɔ tɛ min na. A kana kɛ yɛrɛ sagokɛla ye, a kana kɛ dusutigi ye fana, walima dɔrɔtɔ, walima mɔgɔ fariman ye, ani a kana kɛ mɔgɔ ye min bɛ nanbaran kɛ ka tɔnɔ sɔrɔ.

Heburuw 6:10

Aw ye baara min kɛ, ka konyuman minw kɛ ka tɛmɛ, ani aw bɛ minw kɛra sisan ka Ala ka mɔgɔw dɛmɛ, k'a yira Ala la ko a koo ka di aw ye, Ala ka nyi, a tɛna nyinɛ o si kɔ.

Piy fɔlɔ 5:10

Nga tɔɔrɔ dɔɔni tɛmɛnin kɔ, Nyumanyatigi Ala o min y'aw wele waasa aw k'ale ka nɔɔrɔ banbali nyɔgɔn sɔrɔ Krista barika la, ale le bɛna barika don aw la, k'aw ka koo sabati, bagabagali kana se aw kɔrɔ.

Piy fɔlɔ 5:12

Silivɛn le ye n ka kuma damani nunu sɛbɛn ni n b'a ci aw ma. N b'a jati n badensɛbɛ ye. N b'a fɛ k'aw ladi, k'a yira aw la ko Ala ka dɛmɛ tigitigi lo ne y'o min koo fɔ aw ye, aw bolo lanin bɛ o min kan.