Piy fɔlɔ 3:16 - LAYIDUKURA

¹⁶ Nga o jaabili nin ka kan ka kɛ ni dususuma, ni bonya ye. Aw bɛ kɛwalinyuman minw kɛ Krista barika la, aw k'o kɛ ni kɔnɔgwɛ ye, waasa aw tɔgɔ cɛnbagaw ka maloya.

Jula NT of Côte d’Ivoire

¹⁶ Aw jusukun gbɛnin ye to, janko hali ni o bɛ aw tɔgɔjugu fɔ k’a kɛ i n’a fɔ aw ka kojugu le kɛ, minw bɛ aw tɔgɔ cɛnna aw ta tagamacogoɲuman kosɔn Kirisita ta jɛnɲɔgɔnya ra, olugu yɛrɛ darakuma ye o maroya.

ALA KA KUMA

¹⁶ Nga o jaabili nin ka kan ka kɛ ni dususuma, ni boɲa ye. Aw be kɛwaliɲuman minw kɛ Krista barika la, aw k'o kɛ ni kɔnɔgwɛ ye, waasa aw tɔgɔ cɛnbagaw ka maloya.

Piy fɔlɔ 3:16 Iomraidhean Croise

Matiyu 5:11

“Ni mɔgɔw b'aw nɛni, k'aw tɔɔrɔ, ka galon la aw kan ko aw bɛ kojugu sifa bɛɛ kɛ, bari aw ye ne ka kalandenw ye, o tuma na, aw ye dubadenw ye.

Kɛwalew 24:16

O kama ne banbanin lo, n ka kɛ mɔgɔ kɔnɔgwɛnin ye Ala ni mɔgɔw nyana.

Kɛwalew 28:22

Anw b'a nyini e fɛ, e k'a bɛɛ nyafɔ an ye. An kɔni b'a lɔn ko yɔrɔ bɛɛ mɔgɔw tɛ sɔn e ka diina nin ma.”

Rɔmukaw 9:1

Krista ka jɛnnyɔgɔnya barika la ne bɛ min fɔ, o ye tinyɛ ye, galon tɛ, Nii Senuman yɛrɛ b'a yira ne dusukun na ko ne bɛ min fɔ, ko tinyɛ lo.

Kor 2nan 1:12

An ka kunkɔrɔta ye min ye: o ye an ka taamacogo ye, aw cɛma, ani yɔrɔ bɛɛ, an y'o min kɛ ni kɔnɔgwɛ ye Ala nyasiran na. O ma kɛ adamaden ka lɔnniya sababu la, nga Ala ka nɛɛma nɔɔ lo.

Kor 2nan 4:2

An banna dibidibiko ma maloya b'o min na, an tɛ koo kɛ ni nanbaran ye, an fana tɛ Ala ka kuma kɔrɔ yɛlɛma fewu. An kɔni, an bɛ tinyɛ yɛrɛ yɛrɛ le fɔ, janko mɔgɔw k'u jigi la an kan Ala nyakɔrɔ.

Tim fɔlɔ 1:19

I k'o kɛ ni lanaya, ni dusukunnyuman ye. Mɔgɔ dɔw dɛsɛra o la, o kama u benna.

Tim fɔlɔ 1:5

O ladikun ye min ye, o ye ka kanuya sɔrɔ min bɛ bɔ dusukun gwɛnin na, ni miirinyuman na, ani jigisɛbɛ la.

Tim 2nan 1:3

Ne bɛ barika la Ala ye, ne bɛ baara kɛ ale min ye ni kɔnɔgwɛ ye i n'a fɔ ne y'o sɔrɔ n bɛmaw fɛ cogo min na. Ne bɛ to ka Ala dali i ye suu ni tile.

Tite 2:8

I ka kuma ka kɛ kuma ye, mɔgɔ tɛ se ka min sɔsɔ waasa an juguw kana fɔta sɔrɔ an kama, u ka to maloya la.

Heburuw 13:18

Aw ka Ala dali anw ye. Anw kɔni lanin b'a la ko an kɔnɔ gwɛnin lo, ko an b'a fɛ an taamacogo ka nya tuma bɛɛ.

Heburuw 9:14

Nii Senuman barika la, Krista y'a yɛrɛ kɛ saraka dafanin ye ka di Ala ma. An ka kɛwaliw minw tɛ foyi nya, a joli b'an dusu saniya ka bɔ o la janko ka se ka Ala bato. Krista joli ka fisa ni begɛn joli ye kosɛbɛ!

Piy fɔlɔ 2:12

O la, aw taamacogo ka nya Alalɔnbaliw cɛma, waasa hali n'u ko u bɛna aw tɔgɔ cɛn, aw ka kɛwalinyumanw ka kɛ sababu ye u bɛ Ala tando a nalon na.

Piy fɔlɔ 2:15

Ala sago ye nin ye: Aw ka konyuman kɛ, o cogo la, koo faamubaliw tɛna kumayɔrɔ sɔrɔ.

Piy fɔlɔ 2:19

Mɔgɔ man kan ni tɔɔrɔ min ye, n'a b'o munyu Ala kɔsɔn, o ka nyi kosɛbɛ.

Piy fɔlɔ 3:21

O jii nin tun kɛra batizeli taamasinyɛ ye, o min b'aw kisi bii. O ma kɛ fari saniyako ye. Nga ;naniyanyuman lo an bɛ min ta Ala faan fɛ. A b'aw kisi Yezu Krista ka kununni barika la a sanin kɔ,

Piy fɔlɔ 4:4

Alalɔnbaliw bɛ kabakoya, bari aw tɛ jɛn n'u ye u ka koo fufafu nunu na tugu, o la, u b'aw tɔgɔ cɛn.