Piy fɔlɔ 3:1 - LAYIDUKURA

¹ Musow, aw fana k'aw yɛrɛ majigi aw cɛɛw ye waasa hali ni dɔw bɛ ban Ala ka kuma na, u ka sɔn a ma aw taamacogo sababu la, o kana kɛ kuma sababu la.

Jula NT of Côte d’Ivoire

¹ Ayiwa, musow, o cogo kelen na, aw bɛɛ kelen kelen ye aw yɛrɛ majigi aw cɛw ye, janko ni a kɛra ko cɛ dɔw ma sɔn Ala ta Kuma ma fɔlɔ, o ta musow tagamacogo ye kɛ sababu ye k’a to o ye sɔn; a kana kɛ ni kuma yɛrɛ ye,

ALA KA KUMA

¹ Musow, aw fana k'aw yɛrɛ majigi aw cɛɛw ye waasa hali ni dɔw be ban Ala ka kuma na, u ka sɔn a ma aw taamacogo sababu la, o kana kɛ kuma sababu la.

Piy fɔlɔ 3:1 Iomraidhean Croise

Matiyu 18:15

“N'i balima ye kojugu kɛ, ta'a fɛ k'a ladi i kelen ale kelen. N'a sera k'i faamu ka sɔn a la, i y'i balima tanga.

Rɔmukaw 10:16

Nga mɔgɔ bɛɛ ma sɔn kibaru diman ma, o le kɔsɔn Ezayi y'a fɔ ko: “Matigi, jon le lara an ka waajuli la?”

Rɔmukaw 6:17

An bɛ barika la Ala ye bari aw tun bɛ kojugu bolo, nga sisan u y'aw kalan min na, aw sɔnna o la n'aw dusukun bɛɛ ye,

Rɔmukaw 7:2

Muso min furula, sariya bɛ yen min b'a wajibiya ka to a cɛɛ fɛ n'o bɛ nii na, nga n'a cɛɛ sara, muso nin b'a yɛrɛ sɔrɔ ka bɔ sariya nin kɔrɔ.

Kor fɔlɔ 11:3

Ne b'a fɛ aw ka nin faamu kosɛbɛ: cɛɛ kelen kelen bɛɛ kuntigi, o ye Krista ye, muso fana kuntigi y'a cɛɛ ye, Krista kuntigi ye Ala ye fana.

Kor fɔlɔ 14:34

Muso ka kan ka je lajɛnni yɔrɔw la i n'a fɔ a bɛ kɛ Ala ka jama cɛma yɔrɔ bɛɛ la. Sira ma d'u ma ka kuma, olu ka kan ka to yɛrɛmajigiliya la, i n'a fɔ a fɔra Ala ka sariya la cogo min na.

Kor fɔlɔ 7:16

E min ye muso ye, i t'a lɔn n'i bɛna kɛ sababu ye i cɛɛ ka kisi. Cɛɛ, e fana t'a lɔn n'i bɛna kɛ sababu ye i muso ka kisi.

Ɛfɛsikaw 5:33

O kɔ, aw kɔni, aw kelen kelen bɛɛ k'a ka muso kanu i n'a fɔ aw yɛrɛ, musow fana k'u ka cɛɛw bonya.

Kɔlɔsikaw 3:18

Musow, aw k'aw yɛrɛ majigi aw cɛɛw ye i n'a fɔ a bɛnnin bɛ Matigi ka mɔgɔw fɛ cogo min na.

Kɔlɔsikaw 4:5

Minw ma la Matigi la, aw ka taama ni hakilitigiya ye olu cɛma, n'aw ye sababunyuman sɔrɔ, aw ka banba ka Matigi koo fɔ u ye.

Tes 2nan 1:8

A bɛna na ni tasuma ye, ka mɔgɔw nyaa gwan minw ma Ala lɔn ani minw ma sɔn an Matigi Yezu ka kibaru diman ma.

Heburuw 11:8

Ala y'a fɔ Ibrayima ye ko a ka bɔ ka taa jamana dɔ la, ko ale bɛna o tigiya d'a ma. Ibrayima y'a jigi la a kan minkɛ ka sɔn a ta ma, a wilila ka taa k'a sɔrɔ a tun t'a taayɔrɔ lɔn.

Heburuw 5:9

O le y'a to a ka koo bɛɛ dafara o cogo la tuma min na, mɔgɔ minw bɛɛ bɛ mɛnni kɛ a fɛ, a kɛra olu bɛɛ kisibaga ye tuma bɛɛ.

Piy fɔlɔ 1:22

Aw sɔnna Ala ka tinyɛkuma ma minkɛ, o le y'aw dusu saniya, waasa aw ka se ka nyɔgɔn kanu badenya la ni kɔnɔgwɛ ye. Aw ka nyɔgɔn kanu kosɛbɛ n'aw dusu bɛɛ ye.

Piy fɔlɔ 3:2

Bari u bɛn'a ye ko aw taamacogo ka nyi, ko aw bɛ mɔgɔ bonya.

Piy fɔlɔ 3:7

Cɛɛw, aw fana k'aw ka musow minɛ ka nya ni hakilitigiya ye bari aw barika ka bon n'u ta ye. Aw k'u bonya bari aw bɛɛ bɛna niyɔrɔ kelen sɔrɔ Ala fɛ. Aw ka to k'a kɛ ten, waasa aw bɛ dalili minw kɛ, koo si kana na o bali.

Piy fɔlɔ 4:17

Kiti tigɛtuma sera. A do bɛna daminɛ Ala ka mɔgɔw ma. Ni kiti bɛ daminɛ anw le ma, minw bɛ ban ka la Ala ka kibaru diman na, olu ta bɛna kɛ cogo di sa?